ਹੋਟਲ ''ਚ ਵਿਆਹੁਤਾ ਔਰਤ ਨਾਲ ਰੰਗਰਲੀਆਂ ਮਨਾਉਂਦਾ ਫੜ੍ਹਿਆ ਗਿਆ ਮੁੰਡਾ, ਮੌਕੇ ''ਤੇ ਪੁੱਜੇ ਪਰਿਵਾਰ ਨੇ...

ਜਲਾਲਾਬਾਦ (ਜਤਿੰਦਰ, ਆਦਰਸ਼) : ਜਲਾਲਾਬਾਦ ਸ਼ਹਿਰ ਅੰਦਰ ਹੋਟਲਾਂ ਦੇ ਨਾਂ ’ਤੇ ਪਿਛਲੇ ਕਾਫੀ ਲੰਬੇ ਸਮੇਂ ਤੋਂ ਹੋਟਲ ਮਾਫ਼ੀਆ ਵੱਲੋਂ ਗੈਰ-ਕਾਨੂੰਨੀ ਧੰਦਾ ਵੱਡੇ ਪੱਧਰ ’ਤੇ ਚਲਾਇਆ ਰਿਹਾ ਹੈ। ਕਈ ਜੋੜੇ ਅਤੇ ਛੋਟੀ ਉਮਰ ਦੇ ਨੌਜਵਾਨ ਮੁੰਡੇ-ਕੁੜੀਆਂ ਇਨ੍ਹਾਂ ਹੋਟਲਾਂ ਦੀ ਸ਼ਰਨ ਲੈ ਕੇ ਰਹੇ ਗਲਤ ਰਸਤੇ ਚੁਣ ਰਹੇ ਹਨ ਅਤੇ ਕਈ ਪਰਿਵਾਰ ਵੀ ਇਨ੍ਹਾਂ ਦੇ ਕਾਰਨ ਬਰਬਾਦ ਹੋ ਰਹੇ ਹਨ। ਜਲਾਲਬਾਦ ’ਚ ਚੱਲ ਰਹੇ ਹੋਟਲਾਂ ਨੂੰ ਲੈ ਕੇ ਪੰਜਾਬ ਪੁਲਸ ਦੇ ਉੱਚ ਅਧਿਕਾਰੀਆਂ ਅਤੇ ਥਾਣਾ ਸਿਟੀ ਜਲਾਲਾਬਾਦ ਦੀ ਪੁਲਸ ਦੀ ਮਿਲੀ-ਭੁਗਤ ਵੱਡੇ ਪੱਧਰ ’ਤੇ ਹੋਣ ਦਾ ਆਮ ਲੋਕਾਂ ਵੱਲੋਂ ਖਦਸ਼ਾ ਜ਼ਾਹਰ ਕੀਤਾ ਜਾ ਰਿਹਾ ਹੈ। ਸ਼ਹਿਰ ਅੰਦਰ ਹੋਟਲਾਂ ਦੇ ਨਾਂ ’ਤੇ ਚੱਲ ਰਹੇ ਅੱਡਿਆਂ ਨੂੰ ਲੈ ਕੇ ਖ਼ਬਰ ਪ੍ਰਕਾਸ਼ਿਤ ਹੋਣ ਦਾ 2 ਦਿਨ ਦਾ ਸਮਾਂ ਬੀਤ ਜਾਣ ਦੇ ਬਾਵਜੂਦ ਵੀ ਥਾਣਾ ਸਿਟੀ ਜਲਾਲਾਬਾਦ ਦੀ ਪੁਲਸ ਬਿਲਕੁਲ ਹੀ ਕੁੰਭਕਰਨੀ ਨੀਂਦ ਸੁੱਤੀ ਹੋਈ ਹੈ।

ਇਹ ਵੀ ਪੜ੍ਹੋ : ਸ੍ਰੀ ਅਨੰਦਪੁਰ ਸਾਹਿਬ ’ਚ ਮੀਟ ਦੀ ਵਿਕਰੀ ਬਾਰੇ ਹਾਈਕੋਰਟ ਦਾ ਅਹਿਮ ਫ਼ੈਸਲਾ, ਪੜ੍ਹੋ ਪੂਰੀ ਖ਼ਬਰ

ਹੋਟਲਾਂ ਦੇ ਅੰਦਰ ਅਤੇ ਬਾਹਰ ਰੰਗਰਲੀਆਂ ਮਨਾਉਣ ਲਈ ਆਉਣ ਵਾਲੇ ਲੋਕਾਂ ਦੀ ਭਾਰੀ ਭੀੜ ਦੇਖਣ ਨੂੰ ਮਿਲ ਰਹੀ ਹੈ। ਇਸੇ ਤਰ੍ਹਾਂ ਹੀ ਬੀਤੀ ਦੁਪਹਿਰ ਕਰੀਬ 3 ਵਜੇ ਦੇ ਕਰੀਬ ਬਹੁ ਚਰਚਿਤ ਹੋਟਲ ’ਚ  ਰੰਗਰਲੀਆਂ ਮਨਾਉਣ ਲਈ ਇਕ ਮੁੰਡਾ ਅਤੇ ਇਕ ਵਿਆਹੁਤਾ ਔਰਤ ਆਈ ਪਰ ਪਰਿਵਾਰ ਵੱਲੋਂ ਹੋਟਲ ’ਚੋਂ ਦੋਹਾਂ ਨੂੰ ਕਾਬੂ ਕੀਤੇ ਜਾਣ ਤੋਂ ਬਾਅਦ ਹਾਲਾਤ ਕਾਫ਼ੀ ਤਣਾਅਪੂਰਨ ਬਣ ਗਏ। ਹੋਟਲ ਦੇ ਬਾਹਰ ਭਾਰੀ ਭੀੜ ਹੋਣ ਦੇ ਚੱਲਦਿਆਂ ਆਸ਼ਕ ਮੁੰਡਾ ਮੌਕੇ ਤੋਂ ਭੱਜਣ ’ਚ ਕਾਮਯਾਬ ਹੋ ਗਿਆ। ਇਸ ਦੀ ਸੂਚਨਾ ਮਿਲਦੇ ਹੀ ਥਾਣਾ ਸਿਟੀ ਜਲਾਲਾਬਾਦ ਦੀ ਪੁਲਸ ਨੇ ਮੌਕੇ ’ਤੇ ਪੁੱਜ ਕੇ ਵਿਆਹੁਤਾ ਔਰਤ ਨੂੰ ਹਿਰਾਸਤ ’ਚ ਲਿਆ ਅਤੇ ਥਾਣੇ ਲੈ ਗਈ। ਥਾਣਾ ਸਿਟੀ ਜਲਾਲਾਬਾਦ ਵਿਖੇ ਪੁੱਜੀ ਪਿੰਡ ਚੱਕ ਬਲੋਚਾ (ਮਹਾਲਮ) ਦੀ ਇੱਕ ਔਰਤ ਨੇ ਦੱਸਿਆ ਕਿ ਉਸਦੇ ਪੁੱਤਰ ਦੇ ਪਿੰਡ ਦੀ ਇੱਕ ਵਿਆਹੁਤਾ ਔਰਤ ਨਾਲ ਪਿਛਲੇ ਕਈ ਸਾਲਾਂ ਤੋਂ ਸੰਬਧ ਸਨ।

ਇਹ ਵੀ ਪੜ੍ਹੋ : ਮਾਨਸਾ ਦਾ ਨਵਾਂ ਵਿਆਹਿਆ ਜੋੜਾ ਦੁਬਈ 'ਚ ਫਸਿਆ, ਪਰਿਵਾਰ ਦੇ ਸੁੱਕੇ ਸਾਹ, ਪਿਓ ਨੇ ਭਾਵੁਕ ਹੁੰਦਿਆਂ...

ਪਰਿਵਾਰ ਵੱਲੋਂ ਕਈ ਵਾਰ ਪੰਚਾਇਤ ਕਰਨ ਦੇ ਬਵਾਜੂਦ ਵੀ ਦੋਵੇਂ ਬਾਜ਼ ਨਹੀਂ ਆਏ। ਔਰਤ ਨੇ ਦੱਸਿਆ ਕਿ ਬੀਤੇ ਦਿਨ ਉਨ੍ਹਾਂ ਦੀ ਧੀ ਜਲਾਲਾਬਾਦ ਵਿਖੇ ਆਈ ਤਾਂ ਉਸ ਨੇ ਇੱਕ ਔਰਤ ਨਾਲ ਆਪਣੇ ਭਰਾ ਨੂੰ ਹੋਟਲ ’ਚ ਜਾਂਦੇ ਹੋਏ ਦੇਖਿਆ। ਉਸ ਵਲੋਂ ਸੂਚਨਾ ਦੇਣ ਤੋਂ ਬਾਅਦ ਜਦੋਂ ਪਰਿਵਾਰ ਹੋਟਲ 'ਚ ਪੁੱਜਿਆ ਤਾਂ ਕਾਫੀ ਹੰਗਾਮਾ ਹੋ ਗਿਆ। ਸੂਚਨਾ ਮਿਲਦੇ ਹੀ ਥਾਣਾ ਸਿਟੀ ਜਲਾਲਾਬਾਦ ਦੀ ਪੁਲਸ ਨੇ ਮੌਕੇ ’ਤੇ ਪਹੁੰਚ ਕੇ ਵਿਆਹੁਤਾ ਔਰਤ ਨੂੰ ਹਿਰਾਸਤ ’ਚ ਲਿਆ ਅਤੇ ਥਾਣੇ ਲੈ ਗਈ। ਇਸ ਮਾਮਲੇ ਸਬੰਧੀ ਐੱਸ. ਐੱਚ. ੳ. ਥਾਣਾ ਸਿਟੀ ਜਲਾਲਾਬਾਦ ਨੇ ਫੋਨ ਨੂੰ ਚੁੱਕਣਾ ਮੁਨਾਸਬ ਨਹੀ ਸਮਝਿਆ। ਜਲਾਲਾਬਾਦ ਦੇ ਇੱਕ ਹੋਟਲ ’ਚ ਆਏ ਜੋੜੇ ਦੇ  ਪਰਿਵਾਰ ਵੱਲੋਂ ਵਿਆਹੁਤਾ ਔਰਤ ਨੂੰ ਮੌਕੇ ਤੋਂ ਕਾਬੂ ਕੀਤੇ ਜਾਣ ਦੇ ਮਾਮਲੇ ਨੂੰ ਲੈ ਕੇ ਥਾਣਾ ਸਿਟੀ ਜਲਾਲਾਬਾਦ ਦੇ ਐੱਸ. ਐੱਚ. ੳ. ਅੰਗਰੇਜ ਕੁਮਾਰ ਨਾਲ ਸਰਕਾਰੀ ਨੰਬਰ ’ਤੇ ਵਾਰ-ਵਾਰ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਨ੍ਹਾਂ ਨੇ ਫੋਨ ਨੂੰ ਚੁੱਕਣਾ ਮੁਨਾਸਬ ਨਹੀ ਸਮਝਿਆ।  

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8