ਕੀ ਦੇਖਿਆ ਸਤਿੰਦਰ ਸਰਤਾਜ ਦਾ ਘਰ, ਗਾਇਕ ਕਿਉਂ ਆਪਣੇ ਘਰ ਨੂੰ ਕਹਿੰਦੇ ਨੇ ''ਫ਼ਿਰਦੌਸ''? ਕੀ ਹੈ ਇਹ ਦਾ ਮਤਲਬ
Monday, Aug 12, 2024 - 01:25 PM (IST)
ਜਲੰਧਰ (ਬਿਊਰੋ) : ਸੂਫ਼ੀ ਗਾਇਕ ਸਤਿੰਦਰ ਸਰਤਾਜ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਸਦਾ ਬਹਾਰ ਗਾਇਕਾਂ ਦੀ ਸੂਚੀ 'ਚ ਸਭ ਤੋਂ ਉੱਪਰ ਹਨ। ਗਾਇਕ ਦੇ ਗੀਤਾਂ ਨੂੰ ਪ੍ਰਸ਼ੰਸਕ ਇੰਨਾ ਪਸੰਦ ਕਰਦੇ ਹਨ ਕਿ ਯੂਟਿਊਬ 'ਤੇ ਪਲ਼ਾਂ 'ਚ ਹੀ ਟ੍ਰੈਂਡ ਕਰਨ ਲੱਗ ਜਾਂਦੇ ਹਨ।
ਹਾਲ ਹੀ 'ਚ ਗਾਇਕ ਨੇ ਆਪਣੇ ਘਰ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਸ ਨੂੰ ਦੇਖ ਕੋਈ ਵੀ ਕਹੇਗਾ ਕਿ ਇਹ ਘਰ ਨਹੀਂ ਸਗੋਂ ਕੋਈ ਮਿਊਜ਼ਿਅਮ ਹੈ, ਕਿਉਂਕਿ ਗਾਇਕ ਨੇ ਆਪਣੇ ਰਹਿਣ, ਪੜ੍ਹਨ ਆਦਿ ਦੀਆਂ ਜਗ੍ਹਾ ਨੂੰ ਸੁੰਦਰ-ਸੁੰਦਰ ਨਾਮ ਪਲੇਟਾਂ ਨਾਲ ਸਜਾਇਆ ਹੋਇਆ ਹੈ।
ਇਸ ਦੇ ਨਾਲ ਦੀ ਗਾਇਕ ਨੇ ਆਪਣੇ ਘਰ 'ਤੇ ਉੱਪਰ 'ਫ਼ਿਰਦੌਸ' ਲਿਖਿਆ ਹੋਇਆ ਹੈ, ਜੋ ਕਿ ਸਭ ਦਾ ਧਿਆਨ ਖਿੱਚਦਾ ਹੈ।
ਕੀ ਹੈ ਫ਼ਿਰਦੌਸ ਦਾ ਮਤਲਬ
ਜੇਕਰ ਅਸੀਂ ਇੱਥੇ ਫ਼ਿਰਦੌਸ ਸ਼ਬਦ ਦੇ ਭਾਵ ਦਾ ਪਤਾ ਕਰੀਏ ਤਾਂ ਇਸ ਦਾ ਭਾਵ ਹੈ 'ਸਵਰਗ'। ਇਸ ਦੌਰਾਨ ਕਹਿ ਸਕਦੇ ਹਾਂ ਕਿ ਗਾਇਕ ਸਰਤਾਜ ਆਪਣੇ ਘਰ ਨੂੰ ਆਪਣਾ ਸਵਰਗ ਮੰਨਦਾ ਹੈ।
ਇਸ ਤੋਂ ਇਲਾਵਾ ਗਾਇਕ ਨੇ ਘਰ 'ਚ ਕਾਫ਼ੀ ਖੂਬਸੂਰਤ ਬਾਗਬਾਨੀ ਵੀ ਕੀਤੀ ਹੋਈ ਹੈ।
ਜੇਕਰ ਗਾਇਕ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ 'ਚ ਸਤਿੰਦਰ ਸਰਤਾਜ ਦਾ ਨਵਾਂ ਗੀਤ ਰਿਲੀਜ਼ ਹੋਇਆ ਸੀ, ਜਿਸ ਨੂੰ ਪ੍ਰਸ਼ੰਸਕਾਂ ਨੇ ਕਾਫੀ ਪਿਆਰ ਨਿਵਾਜਿਆ।
ਇਸ ਦੇ ਨਾਲ ਹੀ ਪਿਛਲੀ ਵਾਰ ਗਾਇਕ ਬਤੌਰ ਅਦਾਕਾਰ ਫ਼ਿਲਮ 'ਸ਼ਾਯਰ' 'ਚ ਨਜ਼ਰ ਆਏ ਸਨ।
ਇਸ ਫ਼ਿਲਮ 'ਚ ਗਾਇਕ ਦੇ ਨਾਲ ਨੀਰੂ ਬਾਜਵਾ ਨਜ਼ਰ ਆਈ ਸੀ।
ਫ਼ਿਲਮ ਨੇ ਦਰਸ਼ਕਾਂ ਅਤੇ ਪ੍ਰਸ਼ੰਸਕਾਂ ਦੋਵਾਂ ਨੂੰ ਕਾਫ਼ੀ ਖੁਸ਼ ਕੀਤਾ ਸੀ।
