ਜੈਸਮੀਨ ਭਸੀਨ ਦੀ ਜਨਮਦਿਨ ਪਾਰਟੀ ਮੌਕੇ ਬੁਆਏਫ੍ਰੈਂਡ ਅਲੀ ਗੋਨੀ ਨੇ ਅਦਾਕਾਰਾ ਨੂੰ ਤੋਹਫ਼ੇ ’ਚ ਦਿੱਤੇ ਡਾਇਮੰਡ ਏਅਰਰਿੰਗ
06/28/2022 1:23:53 PM
ਬਾਲੀਵੁੱਡ ਡੈਸਕ: ਬਿਗ ਬਾਸ ਅਤੇ ਟੀ.ਵੀ ਦੀ ਮਸ਼ਹੂਰ ਅਦਾਕਾਰ ਜੈਸਮੀਨ ਭਸੀਨ ਦਾ ਅੱਜ ਜਨਮਦਿਨ ਹੈ। 28 ਜੂਨ ਨੂੰ ਜੈਸਮੀਨ ਆਪਣਾ 32ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ ’ਤੇ ਅਦਾਕਾਰਾ ਨੂੰ ਜਨਮਦਿਨ ਦੀਆਂ ਮੁਬਾਰਕਾਂ ਮਿਲਣੀਆਂ ਸ਼ੁਰੂ ਹੋ ਗਈਆਂ।
ਇਸ ਦੇ ਨਾਲ ਹੀ ਜਨਮਦਿਨ ’ਤੇ ਅਦਾਕਾਰਾ ਨੇ ਇੰਡਸਟਰੀ ਨਾਲ ਜੁੜੇ ਆਪਣੇ ਖ਼ਾਸ ਦੋਸਤਾਂ ਨਾਲ ਦੇਰ ਰਾਤ ਪਾਰਟੀ ਕੀਤੀ ਜਿੱਥੇ ਉਸ ਦੇ ਬੁਆਏਫ੍ਰੈਂਡ ਅਲੀ ਗੋਨੀ, ਗਾਇਕ ਰਾਹੁਲ ਵੈਦ, ਅੰਕਿਤਾ ਲੋਖੰਡੇ, ਵਿੱਕੀ ਜੈਨ ਅਤੇ ਕ੍ਰਿਸ਼ਨਾ ਮੁਖਰਜੀ ਵਰਗੇ ਕਈ ਮਸ਼ਹੂਰ ਸਿਤਾਰੇ ਸ਼ਾਮਲ ਹੋਏ।
ਅਦਾਕਾਰਾ ਦੇ ਜਨਮਦਿਨ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।ਸਾਹਮਣੇ ਆਈਆ ਤਸਵੀਰਾਂ ’ਚ ਦੇਖਿਆ ਜਾ ਸਕਦਾ ਹੈ ਕਿ ਜੈਸਮੀਨ ਭਸੀਨ ਨੇ ਆਪਣੇ ਬੁਆਏਫ੍ਰੈਂਡ ਅਲੀ ਗੋਨੀ ਨਾਲ ਮਿਲਕੇ ਜਨਮਦਿਨ ਦਾ ਕੇਕ ਕੱਟਿਆ।
ਇਹ ਵੀ ਪੜ੍ਹੋ : ਆਲੀਆ-ਰਣਬੀਰ ਦੇ ਮਾਤਾ-ਪਿਤਾ ਬਣਨ ਦੀ ਖ਼ਬਰ ਸੁਣ ਕੇ ਖ਼ੁਸ਼ ਹੋਈ ਰਾਖੀ, ਕਿਹਾ- ‘ਮੈਂ ਮਾਸੀ ਬਣਨ ਵਾਲੀ ਹਾਂ’
ਕੇਕ ਕੱਟਦੇ ਸਮੇਂ ਅਦਾਕਾਰਾ ਖੁਸ਼ੀ ਨਾਲ ਨੱਚਣ ਲੱਗੀ, ਜਿਸ ਨੂੰ ਦੇਖ ਕੇ ਅਲੀ ਦੇ ਚਿਹਰੇ ’ਤੇ ਵੀ ਮੁਸਕਰਾਹਟ ਆ ਗਈ। ਅਲੀ ਨੇ ਆਪਣੇ ਹੱਥਾਂ ਨਾਲ ਗਰਲਫ੍ਰੈਂਡ ਨੂੰ ਕੇਕ ਵੀ ਖ਼ੁਆਇਆ ਅਤੇ ਖ਼ਾਸ ਮੌਕੇ ’ਤੇ ਅਦਾਕਾਰਾ ਨੂੰ ਡਾਇਮੰਡ ਏਅਰਰਿੰਗ ਵੀ ਗਿਫ਼ਟ ਕੀਤੇ।
ਇਹ ਵੀ ਪੜ੍ਹੋ : ਲਿਟਲ ਮਾਸਟਰਜਸ 5 ਦੇ ਜੇਤੂ ਨੋਬੋਜੀਤ, ਕਿਹਾ- ‘ਇਹ ਇਕ ਸੁਫ਼ਨੇ ਵਰਗਾ ਮਹਿਸੂਸ ਹੋ ਰਿਹਾ ਹੈ’
ਜੈਸਮੀਨ ਦੀ ਜਨਮਦਿਨ ਪਾਰਟੀ ’ਚ ਰਾਹੁਲ ਵੈਦ ਨੇ ਵੀ ਖੂਬ ਮਸਤੀ ਕੀਤੀ ਅਤੇ ਅਦਾਕਾਰਾ ਨਾਲ ਸੈਲਫ਼ੀ ਲੈਂਦੇ ਨਜ਼ਰ ਆਏ। ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਬੇਹੱਦ ਪਸੰਦ ਕਰ ਰਹੇ ਹਨ।
ਇਸ ਤੋਂ ਇਲਾਵਾ ਅਦਾਕਾਰਾ ਕ੍ਰਿਸ਼ਨਾ ਮੁਖਰਜੀ ਅਤੇ ਸ਼ਾਹਬਾਜ਼ ਦਿਓਲ ਨਾਲ ਵੀ ਖੂਬਸੂਰਤ ਪੋਜ਼ ਦਿੰਦੀ ਨਜ਼ਰ ਆਈ। ਜੈਸਮੀਨ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਪ੍ਰਸ਼ੰਸਕ ਬੇਹੱਦ ਪਸੰਦ ਕਰ ਰਹੇ ਹਨ ਅਤੇ ਉਸ ਨੂੰ ਜਨਮਦਿਨ ਦੀਆਂ ਵਧਾਈਆਂ ਦੇ ਕੇ ਕੁਮੈਂਟ ਵੀ ਕਰ ਰਹੇ ਹਨ।
