ਕੋਰੋਨਾ ਦੀ ਤਬਾਹੀ ਨੂੰ ਦੇਖ ਕੇ ਪਰੇਸ਼ਾਨ ਧਰਮਿੰਦਰ ਨੇ ਗਾਇਆ ਆਪਣਾ ਪਸੰਦੀਦਾ ਗਾਣਾ (ਵੀਡੀਓ)

ਮੁੰਬਈ: ਬਾਲੀਵੁੱਡ ਦੇ ਸੁਪਰਸਟਾਰ ਧਰਮਿੰਦਰ ਇਨੀਂ ਦਿਨੀਂ ਸੋਸ਼ਲ ਮੀਡੀਆ ’ਤੇ ਕੁਝ ਜ਼ਿਆਦਾ ਹੀ ਸਰਗਰਮ ਰਹਿਣ ਲੱਗੇ ਹਨ। ਅਦਾਕਾਰ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕਰਦੇ ਰਹਿੰਦੇ ਹਨ। ਕੋਰੋਨਾ ਕਾਲ ’ਚ ਧਰਮਿੰਦਰ ਲੋਕਾਂ ਨੂੰ ਹਾਂ-ਪੱਖੀ ਸੋਚ ਰੱਖਣ ਦੀ ਲਗਾਤਾਰ ਅਪੀਲ ਕਰ ਰਹੇ ਹਨ। ਇਸ ਦੌਰਾਨ ਅਦਾਕਾਰ ਨੇ ਪ੍ਰਸ਼ੰਸਕਾਂ ਦੇ ਨਾਲ ਆਪਣਾ ਪਸੰਦੀਦਾ ਗਾਣਾ ਸ਼ੇਅਰ ਕੀਤਾ ਹੈ ਜਿਸ ਦੀ ਵੀਡੀਓ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀ ਹੈ। 
ਧਰਮਿੰਦਰ ਵੀਡੀਓ ’ਚ ਦਿਲੀਪ ਕੁਮਾਰ ਦੀ ਫ਼ਿਲਮ ‘ਆਰਜੂ’ ਦਾ ਗਾਣਾ ਗਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਅਦਾਕਾਰਾ ਹਾਈ ਵਿੰਗ ਚੇਅਰ ’ਤੇ ਬੈਠੇ ਹੋਏ ਹਨ। ਉੱਧਰ ਬੈਕਗਰਾਊਂਡ ’ਚ ‘ਏ ਦਿਲ ਮੇ ਮੁਝੇ ਅਜਿਹੀ ਜਗ੍ਹੇ ਲੇੇ ਚਲ...’ ਗਾਣਾ ਚੱਲ ਰਿਹਾ ਹੈ। ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਧਰਮਿੰਦਰ ਨੇ ਲਿਖਿਆ ਕਿ ‘ਕੋਰੋਨਾ ਵਾਇਰਸ ਦੇ ਡਰ ਨਾਲ ਨਹੀਂ ਗਾ ਰਿਹਾ... ਹਾਲਾਤ ਤਾਂ ਅਜਿਹੇ ਹੀ ਹਨ... ਮਿੱਠੀ ਆਵਾਜ਼ ’ਚ ਦਿਲੀਪ ਸਾਹਿਬ ’ਤੇ ‘ਆਰਜੂ’ ’ਚ ਫ਼ਿਲਮਾਇਆ ਗਿਆ ਇਹ ਮੇਰਾ ਪਸੰਦੀਦਾ ਗਾਣਾ ਹੈ’।

ਦੱਸ ਦੇਈਏ ਕਿ ਸਾਲ 1950 ’ਚ ਰਿਲੀਜ਼ ‘ਆਰਜੂ’ ਫ਼ਿਲਮ ’ਚ ਇਸ ਗਾਣੇ ਨੂੰ ਤਲਤ ਅਜ਼ੀਜ਼ ਨੇ ਗਾਇਆ ਹੈ। ਦਿਲੀਪ ਕੁਮਾਰ ਦੇ ਨਾਲ ਇਸ ਫ਼ਿਲਮ ’ਚ ਕਾਮਿਨੀ ਕੌਸ਼ਲ ਅਤੇ ਸ਼ਸ਼ੀਕਲਾ ਸੀ। ਇਸ ਨੂੰ ਗੀਤ ਅਨਿਲ ਬਿਸਵਾਸ ਨੇ ਦਿੱਤਾ ਸੀ ਅਤੇ ਫ਼ਿਲਮ ਦੇ ਡਾਇਰੈਕਟ ਸਨ ਸ਼ਾਹਿਦ ਲਤੀਫ। ਇਸ ਤੋਂ ਪਹਿਲਾਂ ਅਦਾਕਾਰ ਨੇ ਸਸਤੀ ਦਵਾਈਆਂ ਦੀ ਕਾਲਾਬਾਜ਼ਾਰੀ ’ਤੇ ਦਿਲੀਪ ਕੁਮਾਰ ਸਾਹਿਬ ਦੀ ਇਕ ਵੀਡੀਓ ਸ਼ੇਅਰ ਕੀਤੀ ਸੀ ਜੋ 1952 ਦੀ ਹੈ ਅਤੇ ਅੱਜ ਦੇ ਸਮੇਂ ’ਚ ਫਿਟ ਬੈਠਦੀ ਹੈ।