13 ਅਗਸਤ ਨੂੰ ਸਿਨੇਮਾਘਰਾਂ ' ਚ ਰਿਲੀਜ਼ ਹੋਵੇਗੀ ਐਕਸ਼ਨ ਥ੍ਰਿਲਰ ਫ਼ਿਲਮ 'ਪੁਸ਼ਪਾ'

ਚੰਡੀਗੜ੍ਹ (ਬਿਊਰੋ) : ਸਟਾਈਲਿਸ਼ ਸਟਾਰ ਅੱਲੂ ਅਰਜੁਨ ਦੀ ਪਿਛਲੀ ਫ਼ਿਲਮ 'ਆਲਾ ਵੈਕੁੰਠਾਪੁਰਮੂਲੋ' ਬਾਕਸ ਆਫਿਸ​ਅਤੇ ਨੈੱਟਫਲਿਕਸ 'ਤੇ ਖੂਬ ਹਿੱਟ ਰਹੀ ਹੈ। ਫ਼ਿਲਮ ਨੂੰ 2020 ਦੀ ਸਭ ਤੋਂ ਵੱਡੀ ਹਿੱਟ ਫ਼ਿਲਮ ਮੰਨਿਆ ਜਾਂਦਾ ਹੈ। ਹੁਣ ਉਸ ਨੇ ਆਪਣੀ ਬਹੁਤੀ ਇੰਤਜ਼ਾਰ ਵਾਲੀ ਫ਼ਿਲਮ 'ਪੁਸ਼ਪਾ' ਦੀ ਰਿਲੀਜ਼ ਦਾ ਐਲਾਨ ਕਰਦਿਆਂ ਲੋਕਾਂ ਨੂੰ ਫ਼ਿਲਮ ਸਿਨੇਮਾਘਰਾਂ ਵਿਚ ਦੇਖਣ ਲਈ ਭਰੋਸਾ ਦਿੱਤਾ ਹੈ। ਇਹ ਫ਼ਿਲਮ 13 ਅਗਸਤ 2021 ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਵੇਗੀ। ਇਹ ਪਾਨ ਇੰਡੀਆ ਬਹੁਭਾਸ਼ਿਤ ਫ਼ਿਲਮ ਨਿਰਦੇਸ਼ਕ ਸੁਕੁਮਾਰ ਦੁਆਰਾ ਲਿਖੀ ਅਤੇ ਨਿਰਦੇਸ਼ਤ ਕੀਤੀ ਗਈ ਹੈ। ਇਹ ਫ਼ਿਲਮ ਤੇਲਗੂ, ਤਾਮਿਲ, ਹਿੰਦੀ, ਕੰਨੜ ਅਤੇ ਮਲਿਆਲਮ ਭਾਸ਼ਾਵਾਂ ਵਿਚ ਜਾਰੀ ਕੀਤੀ ਜਾਵੇਗੀ।

#PUSHPA loading in theatres from 13th August 2021. Excited to meet you all in cinemas this year.Hoping to create the same magic one more time with dearest @aryasukku & @ThisIsDSP .@iamRashmika @MythriOfficial #PushpaOnAug13 pic.twitter.com/tH3E6OpVeo

— Allu Arjun (@alluarjun) January 28, 2021

ਇਸ ਫ਼ਿਲਮ ਵਿਚ ਅੱਲੂ ਅਰਜੁਨ ਤੋਂ ਇਲਾਵਾ ਰਸ਼ਮਿਕਾ ਮੰਡਾਨਾ, ਧਨੰਜੈ ਅਤੇ ਸੁਨੀਲ ਨਜ਼ਰ ਆਉਣਗੇ। ਇਹ ਫ਼ਿਲਮ ਮੁਥਮਸੈਟੀ ਮੀਡੀਆ ਦੇ ਸਹਿਯੋਗ ਨਾਲ ਮੈਥਰੀ ਫ਼ਿਲਮ ਨਿਰਮਾਤਾਵਾਂ ਦੇ ਅਧੀਨ ਤਿਆਰ ਕੀਤੀ ਜਾ ਰਹੀ ਹੈ, ਜਿਸ ਵਿਚ ਦੇਵੀ ਸ੍ਰੀ ਪ੍ਰਸਾਦ ਆਪਣਾ ਸੰਗੀਤ ਦੇ ਰਹੇ ਹਨ। ਇਹ ਅੱਲੂ ਅਰਜੁਨ ਸਟਾਰਰ ਆਂਧਰਾ ਦੀਆਂ ਪਹਾੜੀਆਂ ਵਿਚ ਲਾਲ ਚੰਦਨ ਦੀ ਤਸਕਰੀ ਅਤੇ ਇਸ ਲਈ ਚੱਲ ਰਹੀ ਮਿਲੀਭੁਗਤ ਦੀ ਕਹਾਣੀ ਸੁਣਾਉਂਦਾ ਹੈ। ਇਸ ਫਿਲਮ ਦੀ ਕਹਾਣੀ ਇਕ ਅਜਿਹੇ ਵਿਅਕਤੀ ਨੂੰ ਦੱਸਦੀ ਹੈ ਜੋ ਆਪਣੇ ਲਾਲਚ ਵਿਚ ਡੁੱਬਿਆ ਹੋਇਆ ਹੈ।

ਨਿਰਮਾਤਾ ਨਵੀਨ ਯਾਰਨੇਨੀ ਅਤੇ ਰਵੀ ਸ਼ੰਕਰ ਦਾ ਮੰਨਣਾ ਹੈ ਕਿ, 'ਅਸੀਂ ਪੁਸ਼ਪਾ ਦੀ ਰਿਲੀਜ਼ ਮਿਤੀ ਦੀ ਘੋਸ਼ਣਾ ਕਰਦਿਆਂ ਬਹੁਤ ਖੁਸ਼ ਹਾਂ। ਅਸੀਂ ਪੈਨ ਇੰਡੀਆ ਦਰਸ਼ਕਾਂ ਨੂੰ ਧਿਆਨ ਵਿਚ ਰੱਖਦਿਆਂ ਇਹ ਐਕਸ਼ਨ ਥ੍ਰਿਲਰ ਫ਼ਿਲਮ ਬਣਾ ਰਹੇ ਹਾਂ ਤਾਂ ਜੋ ਸਾਰੇ ਦਰਸ਼ਕਾਂ ਦਾ ਆਨੰਦ ਲਿਆ ਜਾ ਸਕੇ ਕਿਉਂਕਿ ਇਸ ਫ਼ਿਲਮ ਵਿਚ ਸਾਡੇ ਨਾਲ ਅੱਲੂ ਅਰਜੁਨ ਮੈਸਿਵ ਸਟਾਰ ਪਾਵਰ ਹੈ, ਸਾਨੂੰ ਪੂਰਾ ਵਿਸ਼ਵਾਸ ਹੈ ਕਿ ਜ਼ਿਆਦਾ ਤੋਂ ਜ਼ਿਆਦਾ ਲੋਕ ਇਸ ਕਹਾਣੀ ਨੂੰ ਪਸੰਦ ਕਰਨਗੇ।'