ਅਦਾਕਾਰਾ-ਗਾਇਕਾ ਸ਼ਰੂਤੀ ਹਾਸਨ ਨੇ SS ਰਾਜਾਮੌਲੀ ਦੀ ਫਿਲਮ "ਗਲੋਬ ਟ੍ਰਾਟਰ" ਲਈ ਗਾਇਆ ਗਾਣਾ
Tuesday, Nov 11, 2025 - 04:55 PM (IST)
ਨਵੀਂ ਦਿੱਲੀ (ਏਜੰਸੀ)- ਅਦਾਕਾਰਾ ਅਤੇ ਗਾਇਕਾ ਸ਼ਰੂਤੀ ਹਾਸਨ ਨੇ ਐੱਸ.ਐੱਸ. ਰਾਜਾਮੌਲੀ ਦੀ ਆਉਣ ਵਾਲੀ ਫਿਲਮ "ਗਲੋਬ ਟ੍ਰਾਟਰ" ਵਿੱਚ ਆਸਕਰ ਜੇਤੂ ਸੰਗੀਤਕਾਰ ਐੱਮ.ਐੱਮ. ਕੀਰਵਾਨੀ ਦੇ ਇੱਕ ਗੀਤ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ। ਹਾਸਨ ਨੇ ਇਹ ਜਾਣਕਾਰੀ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ। ਇਸ ਫਿਲਮ ਵਿੱਚ ਮਹੇਸ਼ ਬਾਬੂ, ਪ੍ਰਿਯੰਕਾ ਚੋਪੜਾ ਜੋਨਾਸ ਅਤੇ ਪ੍ਰਿਥਵੀਰਾਜ ਸੁਕੁਮਾਰਨ ਹਨ।
ਹਾਸਨ ਨੇ ਸੋਮਵਾਰ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਰਿਕਾਰਡਿੰਗ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਅਤੇ ਲਿਖਿਆ, "ਐੱਮ.ਐੱਮ. ਕੀਰਵਾਨੀ ਸਰ ਦੇ ਸੰਗੀਤ ਲਈ ਗਾਉਣਾ ਮੇਰੇ ਲਈ ਬਹੁਤ ਖੁਸ਼ੀ ਦੀ ਗੱਲ ਸੀ। ਮੈਂ ਚੁੱਪਚਾਪ ਬੈਠ ਕੇ ਸਰ ਦੇ ਸੰਗੀਤ ਨੂੰ ਸੁਣ ਰਹੀ ਸੀ। ਉਨ੍ਹਾਂ ਨੇ (ਕੀਰਵਾਨੀ) ਨੇ ਕਿਹਾ ਕਿ ਉਹ ਆਮ ਤੌਰ 'ਤੇ ਕਿਸੇ ਵੀ ਚੀਜ਼ ਦੀ ਸ਼ੁਰੂਆਤ ਵਿਘਨੇਸ਼ਵਰ ਮੰਤਰ ਨਾਲ ਸ਼ੁਰੂ ਕਰਦੇ ਹਨ, ਇਸ ਲਈ ਮੈਂ ਸੋਚਿਆ ਕਿ ਉਹ ਇਸਨੂੰ ਵਜਾਉਣਾ ਸ਼ੁਰੂ ਕਰ ਰਹੇ ਹਨ।"
ਉਸਨੇ ਲਿਖਿਆ, "ਅਚਾਨਕ ਮੈਨੂੰ ਅਹਿਸਾਸ ਹੋਇਆ ਕਿ ਇਹ ਅੱਪਾ ਦਾ ਗੀਤ ਸੀ... ਅਤੇ ਉਹ ਪਲ ਬਹੁਤ ਖਾਸ ਸੀ। ਸਰ, ਉਸ ਦਿਨ ਤੁਹਾਡੀ ਦਿਆਲਤਾ ਅਤੇ ਪੂਰੀ ਟੀਮ ਦੇ ਪਿਆਰ ਅਤੇ ਨਿੱਘ ਲਈ ਧੰਨਵਾਦ। ਮੈਂ ਤੁਹਾਡਾ ਇਹ ਗੀਤ ਸੁਣਨ ਲਈ ਉਤਸੁਕ ਹਾਂ।" ਹਾਸਨ ਪਹਿਲਾਂ ਲੋਕੇਸ਼ ਕਨਾਗਰਾਜ ਦੀ "ਕੁਲੀ" ਵਿੱਚ ਦਿਖਾਈ ਦਿੱਤੀ ਸੀ ਅਤੇ ਉਸਦੀਆਂ ਆਉਣ ਵਾਲੀਆਂ ਫਿਲਮਾਂ "ਟ੍ਰੇਨ" ਅਤੇ "ਸਾਲਾਰ 2" ਹਨ।
