ਫਿਲਮ ਇੰਡਸਟਰੀ ਤੋਂ ਆਈ ਮੰਦਭਾਗੀ ਖ਼ਬਰ, 30 ਸਾਲਾ ਅਦਾਕਾਰ ਦੀ ਮਿਲੀ ਘਰ 'ਚੋਂ ਲਾਸ਼

ਕੋਚੀ- ਦੱਖਣੀ ਸਿਨੇਮਾ ਜਗਤ ਨੂੰ ਇੱਕ ਵੱਡਾ ਝਟਕਾ ਲੱਗਾ ਹੈ। ਮਲਿਆਲਮ ਅਤੇ ਤਮਿਲ ਫਿਲਮਾਂ ਦੇ ਮਸ਼ਹੂਰ ਅਦਾਕਾਰ ਅਖਿਲ ਵਿਸ਼ਵਨਾਥ ਦਾ ਮਹਿਜ਼ 30 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਲਾਸ਼ ਘਰ ਵਿੱਚੋਂ ਬਰਾਮਦ ਕੀਤੀ ਗਈ ਹੈ। ਅਖਿਲ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਉਂਦੇ ਹੀ ਪੂਰੀ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਅਦਾਕਾਰ ਦੀ ਮੌਤ ਦਾ ਕਾਰਨ
ਅਖਿਲ ਵਿਸ਼ਵਨਾਥ ਦੀ ਮੌਤ ਦੇ ਕਾਰਨ ਬਾਰੇ ਅਜੇ ਕੋਈ ਠੋਸ ਸਬੂਤ ਸਾਹਮਣੇ ਨਹੀਂ ਆਏ ਹਨ। ਹਾਲਾਂਕਿ ਰਿਪੋਰਟ ਦੇ ਅਨੁਸਾਰ ਅਦਾਕਾਰ ਨੂੰ ਉਨ੍ਹਾਂ ਦੇ ਘਰ ਵਿੱਚ ਫਾਹੇ ਨਾਲ ਲਟਕਿਆ ਪਾਇਆ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਅਖਿਲ ਨੂੰ ਸਭ ਤੋਂ ਪਹਿਲਾਂ ਉਨ੍ਹਾਂ ਦੀ ਮਾਂ ਗੀਤਾ ਨੇ ਦੇਖਿਆ, ਜਦੋਂ ਉਹ ਕੰਮ ਲਈ ਤਿਆਰ ਹੋ ਰਹੀ ਸੀ।
ਪਿਤਾ ਹਸਪਤਾਲ 'ਚ ਦਾਖਲ: ਇਹ ਦੱਸਿਆ ਜਾ ਰਿਹਾ ਹੈ ਕਿ ਅਖਿਲ ਦੇ ਪਿਤਾ ਦਾ ਕੁਝ ਦਿਨ ਪਹਿਲਾਂ ਇੱਕ ਹਾਦਸਾ ਹੋ ਗਿਆ ਸੀ ਅਤੇ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋਣ ਕਾਰਨ ਹਸਪਤਾਲ ਵਿੱਚ ਇਲਾਜ ਅਧੀਨ ਹਨ।
ਪਾਰਟ-ਟਾਈਮ ਕੰਮ: ਅਖਿਲ ਵਿਸ਼ਵਨਾਥ ਅਦਾਕਾਰੀ ਤੋਂ ਇਲਾਵਾ ਪਰਿਵਾਰ ਦਾ ਖਰਚਾ ਚਲਾਉਣ ਲਈ ਇੱਕ ਮੋਬਾਈਲ ਫੋਨ ਦੀ ਦੁਕਾਨ ਵਿੱਚ ਮਕੈਨਿਕ ਵਜੋਂ ਵੀ ਕੰਮ ਕਰਦੇ ਸਨ। ਹਾਲਾਂਕਿ, ਉਹ ਕੁਝ ਸਮੇਂ ਤੋਂ ਕੰਮ 'ਤੇ ਨਹੀਂ ਗਏ ਸਨ।
'ਚੋਲਾ' ਫਿਲਮ ਲਈ ਸਨ ਮਸ਼ਹੂਰ
ਅਖਿਲ ਵਿਸ਼ਵਨਾਥ ਨੂੰ ਉਨ੍ਹਾਂ ਦੀ ਬਿਹਤਰੀਨ ਅਦਾਕਾਰੀ ਲਈ ਜਾਣਿਆ ਜਾਂਦਾ ਸੀ। ਉਨ੍ਹਾਂ ਨੂੰ ਫਿਲਮ 'ਚੋਲਾ' ਲਈ ਖਾਸ ਪਛਾਣ ਮਿਲੀ ਸੀ। ਸਨਲ ਕੁਮਾਰ ਸ਼ਸ਼ੀਧਰਨ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਅਖਿਲ ਨੇ ਮੁੱਖ ਭੂਮਿਕਾ (ਪ੍ਰੇਮਾ ਦਾ ਕਿਰਦਾਰ) ਨਿਭਾਇਆ ਸੀ।
ਫਿਲਮ 'ਚੋਲਾ' ਦੇ ਡਾਇਰੈਕਟਰ ਨੇ ਅਖਿਲ ਦੇ ਦਿਹਾਂਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ ਅਤੇ ਕਿਹਾ ਕਿ 'ਅਖਿਲ ਦੀ ਮੌਤ ਦੀ ਖ਼ਬਰ ਨੇ ਦਿਲ ਦਹਿਲਾ ਦਿੱਤਾ ਹੈ'। ਅਦਾਕਾਰ ਮਨੋਜ ਕੁਮਾਰ ਨੇ ਵੀ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਕੇ ਸੋਗ ਪ੍ਰਗਟਾਇਆ ਅਤੇ ਲਿਖਿਆ, "ਇਹ ਤੁਮਨੇ ਕਿਆ ਕਰ ਦੀਆ ਅਖਿਲ?"।