ਤੇਜ਼ ਰਫ਼ਤਾਰ ਕਾਰ ਨੇ ਬਾਈਕ ਸਵਾਰ ਨੂੰ ਕੁਚਲਿਆ, ਮੌਕੇ ’ਤੇ ਮੌਤ

ਹੁਸ਼ਿਆਰਪੁਰ (ਰਾਕੇਸ਼)-ਥਾਣਾ ਸਦਰ ਪੁਲਸ ਨੇ ਸੜਕ ਹਾਦਸੇ ’ਚ ਹੋਈ ਮੌਤ ਦੇ ਮਾਮਲੇ ’ਚ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਨੂੰ ਲਿਖਵਾਈ ਸ਼ਿਕਾਇਤ ’ਚ ਰੋਹਿਤ ਲੋਹਰਾ ਪੁੱਤਰ ਰਾਹੁਲ ਲੋਹਰਾ ਨਿਵਾਸੀ ਆਦਮਵਾਲ ਥਾਣਾ ਸਦਰ ਨੇ ਦੱਸਿਆ ਕਿ ਉਹ ਜੇ. ਸੀ. ਟੀ. ਫੈਕਟਰੀ ਦੇ ਸਾਹਮਣੇ ਪੰਚਾਇਤ ਮਾਰਕੀਟ ਚੋਹਾਲ ਦੇ ਨਾਲ ਫਾਸਟ ਫੂਡ ਦੀ ਰੇਹੜੀ ਲਗਾਉਂਦਾ ਹੈ। ਉਸ ਦਾ ਮਾਮਾ ਈਸ਼ਵਰ ਸਾਹੂ ਪੁੱਤਰ ਸਖਕਰਮਨ ਸਾਹੂ ਨਿਵਾਸੀ ਪੰਦਰਾਣੀ ਥਾਣਾ ਸਿਸਈ ਜ਼ਿਲ੍ਹਾ ਗੁਮਲਾ (ਝਾਰਖੰਡ), ਜੋਕਿ ਕੁੰਦਨ ਲਾਲ ਦੇ ਭੱਠੇ ਆਦਮਵਾਲ ’ਚ ਕਾਫੀ ਸਮੇਂ ਤੋਂ ਬਤੌਰ ਟ੍ਰੈਕਟਰ ਡਰਾਈਵਰ ਨੌਕਰੀ ਕਰਦਾ ਸੀ।

ਇਹ ਵੀ ਪੜ੍ਹੋ: ਪੰਜਾਬ 'ਚ 3,4,5 ਨੂੰ ਹਨ੍ਹੇਰੀ-ਤੂਫ਼ਾਨ ਨਾਲ ਪਵੇਗਾ ਭਾਰੀ ਮੀਂਹ! ਸਾਵਧਾਨ ਰਹਿਣ ਇਨ੍ਹਾਂ ਜ਼ਿਲ੍ਹਿਆਂ ਦੇ ਲੋਕ

30 ਮਈ ਨੂੰ ਉਹ ਆਪਣੀ ਰੇਹੜੀ ’ਤੇ ਮੌਜੂਦ ਸੀ ਤਾਂ ਉਸ ਨੇ ਵੇਖਿਆ ਕਿ ਉਸ ਦਾ ਮਾਮਾ ਈਸ਼ਵਰ ਸਾਹੂ ਆਪਣੇ ਬਾਈਕ ’ਤੇ ਸਵਾਰ ਹੋ ਕੇ ਉਸ ਦੀ ਰੇਹੜੀ ਵੱਲ ਆ ਰਿਹਾ ਸੀ। ਰਾਤ ਕਰੀਬ ਸਾਢੇ 9 ਵਜੇ ਤੋਂ 10 ਵਜੇ ਦੇ ਦਰਮਿਆਨ ਜਦੋਂ ਉਸ ਦਾ ਮਾਮਾ ਆਪਣੇ ਬਾਈਕ ਨੂੰ ਉਸ ਦੀ ਰੇਹੜੀ ਵੱਲ ਮੋੜ ਕੇ ਸੜਕ ਪਾਰ (ਕ੍ਰਾਸ) ਕਰਨ ਲੱਗਾ ਤਾਂ ਇੰਨੇ ’ਚ ਚਿੰਤਪੂਰਨੀ ਵੱਲੋਂ ਇਕ ਕਾਰ ਆਈ ਅਤੇ ਉਸ ਦੇ ਮਾਮੇ ਦੀ ਬਾਈਕ ’ਚ ਸਿੱਧੀ ਜਾ ਟਕਰਾਈ, ਜਿਸ ਕਾਰਨ ਉਹ ਸੜਕ ’ਤੇ ਡਿੱਗ ਪਿਆ ਅਤੇ ਉਸ ਦੇ ਮੱਥੇ ਤੇ ਲੱਤਾਂ ’ਤੇ ਗੰਭੀਰ ਸੱਟਾਂ ਲੱਗੀਆਂ। ਮੌਕੇ ’ਤੇ ਹੀ ਉਸ ਦੀ ਮੌਤ ਹੋ ਗਈ।

ਜਦੋਂ ਉਹ ਆਪਣੇ ਮਾਮੇ ਨੂੰ ਸੰਭਾਲਣ ਲੱਗੇ ਤਾਂ ਇੰਨੇ ’ਚ ਕਾਰ ਚਾਲਕ ਕਾਰ ਨੂੰ ਸੜਕ ਦੇ ਕਿਨਾਰੇ ਖੜ੍ਹੀ ਕਰਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ, ਜਿਸ ਦੇ ਨਾਮ ਅਤੇ ਪਤੇ ਬਾਰੇ ਕੁਝ ਪਤਾ ਨਹੀਂ ਲੱਗ ਸਕਿਆ। ਸਵਾਰੀ ਦਾ ਪ੍ਰਬੰਧ ਕਰ ਕੇ ਈਸ਼ਵਰ ਸਾਹੂ ਦੀ ਲਾਸ਼ ਨੂੰ ਸਿਵਲ ਹਸਪਤਾਲ ਦੇ ਮੁਰਦਾਘਰ ’ਚ ਰਖਵਾਇਆ ਗਿਆ। ਪੁਲਸ ਨੇ ਮੁਲਜ਼ਮ ਅਣਪਛਾਤੇ ਕਾਰ ਚਾਲਕ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜ੍ਹੋ: ਪੰਜਾਬ ਵਾਸੀਆਂ ਲਈ ਖ਼ਤਰੇ ਦੀ ਘੰਟੀ! ਸਤਾ ਰਿਹਾ ਹੜ੍ਹਾਂ ਦਾ ਡਰ, ਪੈ ਸਕਦੀ ਹੈ ਵੱਡੀ ਮੁਸੀਬਤ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e