ਕਿਸਾਨ ਦੀ ਹਵੇਲੀ ''ਚ ਆਸਮਾਨੀ ਬਿਜਲੀ ਡਿੱਗਣ ਕਰਕੇ ਹੋਇਆ ਨੁਕਸਾਨ

ਟਾਂਡਾ ਉੜਮੁੜ (ਵਰਿੰਦਰ ਪੰਡਿਤ, ਕੁਲਦੀਸ਼)— ਪਿੰਡ ਝਾਂਵਾ 'ਚ ਇਕ ਕਿਸਾਨ ਦੀ ਹਵੇਲੀ 'ਚ ਅੱਜ ਸਵੇਰੇ ਆਸਮਾਨੀ ਬਿਜਲੀ ਡਿੱਗਣ ਕਾਰਨ ਨੁਕਸਾਨ ਹੋ ਗਿਆ। ਅੱਜ ਸਵੇਰੇ ਅਚਾਨਕ ਮੌਸਮ 'ਚ ਹੋਈ ਖਰਾਬੀ ਦੌਰਾਨ ਤੇਜ਼ ਹਵਾ ਨਾਲ ਹੋਈ ਹਲਕੀ ਬਾਰਿਸ਼ ਦੌਰਾਨ ਪਿੰਡ ਦੇ ਬਾਹਰ ਬਾਹਰ ਕਿਸਾਨ ਚੋਧਰੀ ਰਵਿੰਦਰ ਸਿੰਘ ਪੁੱਤਰ ਕੇਹਰ ਸਿੰਘ ਦੇ ਘਰ ਨਾਲ ਬਣੀ ਹਵੇਲੀ 'ਚ ਅਚਾਨਕ ਅਸਮਾਨੀ ਬਿਜਲੀ ਡਿੱਗ ਗਈ।

ਜਿਸ ਨਾਲ ਲੱਗੀ ਅੱਗ ਕਾਰਨ ਪੱਖਾ, ਬਿਜਲੀ ਦੀ ਫਿਟਿੰਗ, ਤੂੜੀ, ਸਰੋ ਅਤੇ ਹੋਰ ਸਾਮਾਨ ਨੂੰ ਨੁਕਸਾਨ ਪਹੁੰਚਿਆ ਹੈ ਅਤੇ ਇਕ ਮੱਝ ਝੁਲਸ ਗਈ। ਕਿਸਾਨ ਨੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਅੱਗ 'ਤੇ ਕਾਬੂ ਪਾਇਆ।