ਆਖ਼ਿਰਕਾਰ ਵਿਕ ਹੀ ਗਿਆ ਵਿਜੇ ਮਾਲਿਆ ਦਾ ਕਿੰਗਫਿਸ਼ਰ ਹਾਊਸ, ਜਾਣੋ ਕਿੰਨੇ 'ਚ ਹੋਇਆ ਸੇਲ

ਮੁੰਬਈ (ਵਾਰਤਾ) - ਭਗੌੜੇ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲਿਆ ਦਾ ਮੁੰਬਈ ਸਥਿਤ ਕਿੰਗਫਿਸ਼ਰ ਹਾਊਸ ਹੈਦਰਾਬਾਦ ਸਥਿਤ ਇਕ ਰਿਅਲਟੀ ਫਰਮ ਨੂੰ ਲੰਬੇ ਇੰਤਜ਼ਾਰ ਤੋਂ ਬਾਅਦ 52.25 ਕਰੋੜ ਰੁਪਏ ਵਿਚ ਵੇਚ ਦਿੱਤਾ ਗਿਆ ਹੈ।

ਕਿੰਗਫਿਸ਼ਰ ਏਅਰਲਾਈਨਜ਼ ਦਾ ਮੁੱਖ ਦਫਤਰ ਕਿੰਗਫਿਸ਼ਰ ਹਾਊਸ 135 ਕਰੋੜ ਰੁਪਏ ਦੀ ਰਾਖਵੀਂ ਕੀਮਤ ਦੇ ਲਗਭਗ ਇੱਕ ਤਿਹਾਈ ਹਿੱਸੇ ਵਿੱਚ ਵੇਚਿਆ ਗਿਆ ਹੈ। ਇਹ ਰਾਖਵੀਂ ਕੀਮਤ 2016 ਵਿੱਚ ਹੋਈ ਪਹਿਲੀ ਨਿਲਾਮੀ ਵਿੱਚ ਨਿਰਧਾਰਤ ਕੀਤੀ ਗਈ ਸੀ ਪਰ ਸੰਪਤੀ ਇਸ ਤੋਂ ਬਹੁਤ ਘੱਟ ਕੀਮਤ ਤੇ ਵੇਚੀ ਗਈ। ਰੀਅਲਟੀ ਫਰਮ ਨੇ ਜਾਇਦਾਦ ਨੂੰ ਅਸਲ ਮੁਲਾਂਕਣ ਮੁੱਲ ਦੇ ਇੱਕ ਹਿੱਸੇ ਤੇ ਖਰੀਦਿਆ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ 65 ਸਾਲਾ ਕਾਰੋਬਾਰੀ ਮਾਲਿਆ ਇੱਕ 'ਗੁਪਤ' ਕਾਨੂੰਨੀ ਮਾਮਲੇ ਵਿੱਚ ਯੂ.ਕੇ. ਵਿੱਚ ਜ਼ਮਾਨਤ 'ਤੇ ਬਾਹਰ ਹੈ।

8 ਵਾਰ ਨਿਲਾਮੀ ਅਸਫਲ ਰਹੀ

ਵਿਜੇ ਮਾਲਿਆ ਦੀਆਂ ਸੰਪਤੀਆਂ ਨੂੰ ਨਿਲਾਮ ਕਰਨ ਵਿੱਚ ਵਪਾਰੀਆਂ ਨੂੰ ਬਹੁਤ ਸੰਘਰਸ਼ ਕਰਨਾ ਪੈ ਰਿਹਾ ਹੈ। ਮਾਲਿਆ ਦੀਆਂ ਸੰਪਤੀਆਂ ਦਾ ਮੁਲਾਂਕਣ ਬੈਂਕਾਂ ਦੁਆਰਾ ਕੀਤਾ ਜਾ ਰਿਹਾ ਹੈ, ਉਸ ਕੀਮਤ 'ਤੇ ਕੋਈ ਸੰਪਤੀ ਨਹੀਂ ਖਰੀਦੀ ਜਾ ਰਹੀ ਹੈ। ਕਿੰਗਫਿਸ਼ਰ ਹਾਊਸ ਦੀ ਸੰਪਤੀ ਦੀ ਨਿਲਾਮੀ ਵੀ 8 ਵਾਰ ਅਸਫਲ ਰਹੀ। ਮਾਰਚ 2016 ਵਿੱਚ ਬੈਂਕਾਂ ਨੇ ਇਸ ਇਮਾਰਤ ਦੀ ਰਿਜ਼ਰਵ ਕੀਮਤ 150 ਕਰੋੜ ਰੁਪਏ ਰੱਖੀ ਸੀ। ਇਹੀ ਕਾਰਨ ਹੈ ਕਿ ਇਹ ਇਮਾਰਤ ਹੁਣ ਤੱਕ ਵਿਕੀ ਨਹੀਂ ਸੀ।

ਇਹ ਵੀ ਪੜ੍ਹੋ : ਹਵਾਈ ਯਾਤਰਾ ਕਰਨ ਵਾਲਿਆਂ ਨੂੰ ਵੱਡਾ ਝਟਕਾ,  ਸਰਕਾਰ ਨੇ 12.5 ਫ਼ੀਸਦੀ ਤੱਕ ਵਧਾਏ ਕਿਰਾਏ

ਇਹ ਸੰਪਤੀ ਕਿੰਗਫਿਸ਼ਰ ਏਅਰਲਾਈਨਜ਼ ਦਾ ਮੁੱਖ ਦਫਤਰ ਰਹੀ ਹੈ। ਮਾਲਿਆ ਦੀ ਏਅਰਲਾਈਨ ਕੰਪਨੀ ਹੁਣ ਬੰਦ ਹੋ ਚੁੱਕੀ ਹੈ। ਕੰਪਨੀ ਐਸ.ਬੀ.ਆਈ. ਦੀ ਅਗਵਾਈ ਵਾਲੇ ਬੈਂਕਾਂ ਦੇ ਕਰੀਬ 10 ਹਜ਼ਾਰ ਕਰੋੜ ਰੁਪਏ ਦੀ ਦੇਣਦਾਰ ਹੈ। ਸੰਪਤੀ ਦਾ ਖੇਤਰਫਲ 1,586 ਵਰਗ ਮੀਟਰ ਹੈ, ਜਦੋਂ ਕਿ ਪਲਾਟ 2,402 ਵਰਗ ਮੀਟਰ ਹੈ। ਦਫਤਰ ਦੀ ਇਮਾਰਤ ਵਿੱਚ ਇੱਕ ਬੇਸਮੈਂਟ, ਇੱਕ ਹੇਠਲੀ ਮੰਜ਼ਿਲ, ਇੱਕ ਉਪਰਲੀ ਹੇਠਲੀ ਮੰਜ਼ਲ ਅਤੇ ਇੱਕ ਉਪਰਲੀ ਮੰਜ਼ਲ ਹੈ।

ਇਹ ਧਿਆਨ ਦੇਣ ਯੋਗ ਹੈ ਕਿ ਵਿਜੇ ਮਾਲਿਆ ਦੇ ਕਰਜ਼ਦਾਰਾਂ ਨੇ ਇਸ ਸੰਪਤੀ ਨੂੰ ਪਹਿਲਾਂ ਵੀ ਕਈ ਵਾਰ ਵੇਚਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਹ ਇਸ ਵਿੱਚ ਸਫਲ ਨਹੀਂ ਹੋਏ ਸਨ। ਸ਼ੁਰੂ ਵਿੱਚ, ਬੈਂਕਾਂ ਨੇ ਇਸ ਪ੍ਰਾਪਰਟੀ ਲਈ ਸਾਰੀਆਂ ਸ਼ਰਤਾਂ ਦੇ ਨਾਲ ਇੱਕ ਬਹੁਤ ਭਾਰੀ ਰਿਜ਼ਰਵ ਕੀਮਤ ਨਿਰਧਾਰਤ ਕੀਤੀ ਸੀ। ਜਿਸ ਕਾਰਨ ਇਹ ਸੰਪਤੀ ਨਹੀਂ ਵੇਚੀ ਜਾ ਸਕੀਂ। ਰੀਅਲ ਅਸਟੇਟ ਉਦਯੋਗਾਂ ਦੇ ਮਾਹਰਾਂ ਦੇ ਅਨੁਸਾਰ, ਕਿਉਂਕਿ ਕਿੰਗਫਿਸ਼ਰ ਹਾਊਸ ਮੁੰਬਈ ਹਵਾਈ ਅੱਡੇ ਤੋਂ ਬਹੁਤ ਦੂਰ ਸਥਿਤ ਹੈ, ਇਸ ਸੰਪਤੀ ਦੇ ਵਿਕਾਸ ਦੀ ਜ਼ਿਆਦਾ ਸੰਭਾਵਨਾ ਨਹੀਂ ਸੀ। ਇਸਦੇ ਕਾਰਨ, ਕੋਈ ਵੀ ਇਸਨੂੰ ਇੰਨੀ ਵੱਡੀ ਕੀਮਤ ਤੇ ਨਹੀਂ ਖਰੀਦ ਰਿਹਾ ਸੀ।

ਇਹ ਵੀ ਪੜ੍ਹੋ :ਇਟਲੀ ਦੀ ਏਜੰਸੀ ਨੇ McDonald's ਖਿਲਾਫ ਬਿਠਾਈ ਜਾਂਚ, ਏਜੰਸੀ ਨੂੰ ਮਿਲੀਆਂ ਹਨ ਕਈ ਖਾਮੀਆਂ

ਮੰਨਿਆ ਜਾਂਦਾ ਹੈ ਕਿ ਇਹ ਯੂਕੇ ਵਿੱਚ ਸ਼ਰਣ(ਪਨਾਹ) ਲਈ ਅਰਜ਼ੀ ਨਾਲ ਜੁੜਿਆ ਮਾਮਲਾ ਹੈ। ਭਾਰਤੀ ਸਟੇਟ ਬੈਂਕ ਸਮੇਤ ਮਾਲਿਆ ਨੂੰ ਕਰਜ਼ਾ ਦੇਣ ਵਾਲੇ 11 ਬੈਂਕਾਂ ਨੇ ਐਨਫੋਰਸਮੈਂਟ ਡਾਇਰੈਕਟੋਰੇਟ ਦੁਆਰਾ ਜ਼ਬਤ ਕੀਤੀਆਂ ਜਾਇਦਾਦਾਂ 'ਤੇ ਅਧਿਕਾਰਾਂ ਦੀ ਮੰਗ ਲਈ ਮਨੀ ਲਾਂਡਰਿੰਗ ਰੋਕੂ ਐਕਟ (ਪੀਐਮਐਲਏ) ਦੀ ਵਿਸ਼ੇਸ਼ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ ਸੀ। ਮੁੰਬਈ ਦੀ ਵਿਸ਼ੇਸ਼ ਪੀ.ਐਮ.ਐਲ.ਏ. ਅਦਾਲਤ ਨੇ ਬੈਂਕਾਂ ਨੂੰ 5,646.54 ਰੁਪਏ ਦੀ ਸੰਪਤੀ ਦਾ ਕਬਜ਼ਾ ਲੈਣ ਦੀ ਇਜਾਜ਼ਤ ਦਿੱਤੀ ਸੀ। ਈ.ਡੀ. ਅਤੇ ਸੀ.ਬੀ.ਆਈ. ਬ੍ਰਿਟੇਨ ਭੱਜਣ ਵਾਲੇ ਮਾਲਿਆ ਦੇ ਖਿਲਾਫ ਕਥਿਤ ਕਰੋੜਾਂ ਦੇ ਬੈਂਕ ਧੋਖਾਧੜੀ ਦੀ ਜਾਂਚ ਕਰ ਰਹੇ ਹਨ। ਇਹ ਧੋਖਾਧੜੀ ਮਾਲਿਆ ਦੀ ਬੰਦ ਹੋ ਚੁੱਕੀ ਕਿੰਗਫਿਸ਼ਰ ਏਅਰਲਾਈਨ ਨਾਲ ਜੁੜੀ ਹੈ ਜਿਸ ਦੇ ਲਈ ਮਾਲਿਆ ਨੇ ਕਈ ਬੈਂਕਾਂ ਤੋਂ 9,000 ਕਰੋੜ ਰੁਪਏ ਦੇ ਕਰਜ਼ੇ ਲਏ ਸਨ। ਇਸ ਕਰਜ਼ੇ ਦੀ ਵਸੂਲੀ ਲਈ ਕਰਜ਼ਾ ਵਸੂਲੀ ਟ੍ਰਿਬਿਊਨਲ(ਡੀ.ਆਰ.ਟੀ.) ਨੇ ਮਾਲਿਆ ਦੀ ਕੰਪਨੀ ਦੇ ਸ਼ੇਅਰ ਵੇਚੇ ਹਨ।

ਇਹ ਵੀ ਪੜ੍ਹੋ : ਹਿਮਾਚਲ ਪ੍ਰਦੇਸ਼ ਦੇ ਸੇਬ ਦੀ ਕੀਤੀ ਜਾਵੇਗੀ ਬਰਾਮਦ, ਬਹਿਰੀਨ ਭੇਜੀਆ ਜਾਣਗੀਆਂ ਪੰਜ ਕਿਸਮਾਂ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।