ਨਸ਼ੇੜੀਆਂ ਦਾ ਕਾਰਨਾਮਾ: ਘਰਾਂ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਹੀ ਕਰ ਲਏ ਚੋਰੀ

ਲੁਧਿਆਣਾ (ਖ਼ੁਰਾਨਾ): ਸਥਾਨਕ ਬੱਸ ਸਟੈਂਡ ਦੇ ਆਲੇ-ਦੁਆਲੇ ਵੱਖ-ਵੱਖ ਇਲਾਕਿਆਂ ਵਿਚ ਨਸ਼ਾ ਕਰਨ ਵਾਲੇ ਚੋਰਾਂ ਦਾ ਇਕ ਵੱਡਾ ਗਿਰੋਹ ਸਰਗਰਮ ਹੈ, ਜੋ ਆਪਣੇ ਨਸ਼ੇ ਦੀ ਲਤ ਨੂੰ ਪੂਰਾ ਕਰਨ ਲਈ ਲੋਕਾਂ ਦੇ ਘਰਾਂ ਦੇ ਬਾਹਰ ਲਗਾਏ ਗਏ ਬਿਜਲੀ ਮੀਟਰ ਤਕ ਚੋਰੀ ਕਰ ਰਹੇ ਹਨ। ਤਾਜ਼ਾ ਮਾਮਲੇ ਵਿਚ, ਨਸ਼ੇੜੀਆਂ ਨੇ ਮ੍ਰਿਦਾ ਚੌਕ ਨੇੜੇ ਇਕ ਕੰਪਲੈਕਸ ਵਿਚ ਲਗਾਏ ਗਏ 5 ਬਿਜਲੀ ਮੀਟਰਾਂ ਸਮੇਤ 11 ਥਾਵਾਂ ਦੇ ਬਾਹਰ ਲਗਾਈਆਂ ਗਈਆਂ ਤਾਰਾਂ ਨੂੰ ਚੋਰੀ ਕਰ ਲਿਆ। ਇਸ ਨਾਲ ਪੁਲਸ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਦੀ ਸੁਰੱਖਿਆ ਲਈ ਕੀਤੇ ਗਏ ਵੱਡੇ ਦਾਅਵਿਆਂ ਦੀ ਪੋਲ ਵੀ ਖੁੱਲ੍ਹ ਗਈ ਹੈ।