US ਕੋਰਟ ਨੇ ਨੀਰਵ ਮੋਦੀ ਦੀ ਕੰਪਨੀ ''ਤੇ ਕਰਜ਼ ਵਸੂਲੀ ''ਤੇ ਅੰਤਰਿਮ ਰੋਕ ਲਗਾਈ

ਵਾਸ਼ਿੰਗਟਨ—ਅਮਰੀਕਾ ਦੀ ਇਕ ਅਦਾਲਤ ਨੇ ਕਰਜ਼ਦਾਤਾਵਾਂ ਨੂੰ ਨੀਰਵ ਮੋਦੀ ਦੀ ਮਲਕੀਅਤ ਵਾਲੀ ਕੰਪਨੀ ਫਾਇਰਸਟਾਰ ਡਾਇਮੰਡ ਤੋਂ ਕਰਜ਼ ਵਸੂਲੀ ਕਰਨ 'ਤੇ ਅੰਦਰੂਨੀ ਰੋਕ ਲਗਾ ਦਿੱਤੀ ਹੈ। ਕੰਪਨੀ ਨੇ ਇਸ ਹਫਤੇ ਦੀ ਸ਼ੁਰੂਆਤ 'ਚ ਦਿਵਾਲੀਆ ਪ੍ਰਕਿਰਿਆ ਲਈ ਅਰਜ਼ੀ ਦਿੱਤੀ ਹੈ। ਨੀਰਵ 'ਤੇ ਪੰਜਾਬ ਨੈਸ਼ਨਲ ਬੈਂਕ ਤੋਂ ਕਰੀਬ 12,000 ਕਰੋੜ ਰੁਪਏ ਦੀ ਕਥਿਤ ਧੋਖਾਧੜੀ ਦਾ ਦੋਸ਼ ਹੈ। ਫਾਇਰਸਟਾਰ ਡਾਇਮੰਡ ਅਤੇ ਉਸ ਦੀਆਂ ਸਹਿਯੋਗੀ ਕੰਪਨੀਆਂ 'ਚ ਹੋਰ ਕੰਪਨੀਆਂ ਦੇ ਮਾਧਿਅਮ ਨਾਲ ਮੋਦੀ ਦੀ ਬਹੁਮਤ ਹਿੱਸੇਦਾਰੀ ਹੈ।  
ਕੰਪਨੀ ਨੇ ਸੋਮਵਾਰ ਨੂੰ ਨਿਊਯਾਰਕ ਦੱਖਣੀ ਦੀ ਇਕ ਅਦਾਲਤ 'ਚ ਅਧਿਆਇ 11 ਦੇ ਤਹਿਤ ਵਲੰਟਰੀ ਤੌਰ 'ਤੇ ਦਿਵਾਲੀਆ ਦੇ ਲਈ ਪਟੀਸ਼ਨ ਦਾਇਰ ਕੀਤੀ ਹੈ। ਨਿਊਯਾਰਕ ਦੀ ਸਦਰਨ ਡਿਸੀਟ੍ਰਿਕਟ ਦੀ ਦਿਵਾਲੀਆ ਅਦਾਲਤ ਨੇ ਕੰਪਨੀ ਨੂੰ ਰਾਹਤ ਦਿੰਦੇ ਹੋਏ ਆਦੇਸ਼ 'ਚ ਕਿਹਾ ਕਿ ਦਿਵਾਲਾ ਪ੍ਰਕਿਰਿਆ ਦੀ ਅਰਜ਼ੀ ਦੇ ਨਾਲ ਹੀ ਵਸੂਲੀ ਨਾਲ ਜੁੜੀਅ ਜ਼ਿਆਦਾਤਰ ਗਤੀਆਂ ਵਧੀਆਂ 'ਤੇ ਸਵੈ :ਰੋਕ ਲੱਗ ਗਈ ਹੈ। ਇਸ ਦਾ ਮਤਲਬ ਇਹ ਹੈ ਕਿ ਕਰਜ਼ਦਾਤਾ ਆਮ ਤੌਰ 'ਤੇ ਉਧਾਰ ਲੈਣ ਵਾਲਿਆਂ ਜਾਂ ਉਨ੍ਹਾਂ ਦੀ ਸੰਪਤੀ ਤੋਂ ਕਰਜ਼ ਵਸੂਲਨ ਲਈ ਕਾਰਵਾਈ ਨਹੀਂ ਕਰ ਸਕਦੇ ਹਨ। ਰੋਕ ਦੇ ਆਦੇਸ਼ ਦਾ ਉਲੰਘਣ ਕਰਨ 'ਤੇ ਕਰਜ਼ਦਾਤਾਵਾਂ ਨੂੰ ਅਸਲੀ ਅਤੇ ਦੰਡਾਤਮਕ ਮੁਆਵਜ਼ਾ ਅਤੇ ਵਕੀਲਾਂ ਦੀ ਫੀਸ ਦਾ ਭੁਗਤਾਨ ਕਰਨਾ ਪੈ ਸਕਦਾ ਹੈ। ਅਦਾਲਤ ਨੇ 30 ਮਾਰਚ ਨੂੰ ਨਿਊਯਾਰਕ 'ਚ ਕਰਜ਼ਦਾਤਾਵਾਂ ਦੀ ਮੀਟਿੰਗ ਬੁਲਾਈ ਹੈ। 
ਅਦਾਲਤ ਵਲੋਂ ਅੰਦਰੂਨੀ ਰਾਹਤ ਦਾ ਇਹ ਫੈਸਲਾ ਮਿਹਿਰ ਭੰਸਾਲੀ ਦੀਆਂ 3 ਕੰਪਨੀਆਂ-ਫੈਂਟੇਸੀ ਡਾਇਮੰਡ ਇੰਕ, ਫੈਂਟੇਸੀ ਇੰਕ ਅਤੇ ਏ, ਜੈਫੇ ਇੰਕ-ਦੇ ਵਲੋਂ ਦਿਵਾਲੀਆ ਲਈ ਅਰਜ਼ੀ ਕਰਨ ਤੋਂ ਬਾਅਦ ਆਇਆ ਹੈ। ਫਾਇਰਸਟਾਰ ਡਾਇਮੰਡ ਇੰਕ ਨੇ ਬੁੱਧਵਾਰ ਨੂੰ ਅਦਾਲਤ 'ਚ ਕਰਜ਼ਦਾਤਾਵਾਂ ਦੀ ੂਸੂਚੀ ਦੇ ਨਾਲ ਵੇਰਵਾ ਪੇਸ਼ ਕੀਤਾ ਹੈ।