ਸਟੈਚੂ ਆਫ ਯੂਨਿਟੀ ਬਣੇਗਾ ਦੇਸ਼ ਦਾ ਪਹਿਲਾ ਇਕਲੌਤਾ ਇਲੈਕਟ੍ਰਿਕ ਵਾਹਨ ਜ਼ੋਨ, ਜਾਣੋ ਸਰਕਾਰ ਦੀ ਯੋਜਨਾ

ਨਵੀਂ ਦਿੱਲੀ - ਗੁਜਰਾਤ ਦਾ ਸਟੈਚੂ ਆਫ ਯੂਨਿਟੀ ਖੇਤਰ ਭਾਰਤ ਦਾ ਪਹਿਲਾ ਇਲੈਕਟ੍ਰਿਕ ਵਾਹਨ-ਜ਼ੋਨ ਬਣਨ ਜਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਕਦਮ ਦੀ ਘੋਸ਼ਣਾ ਤੋਂ ਇਕ ਦਿਨ ਬਾਅਦ, ਸਟੈਚੂ ਆਫ ਯੂਨਿਟੀ ਖੇਤਰ ਵਿਕਾਸ ਅਤੇ ਸੈਰ ਸਪਾਟਾ ਪ੍ਰਸ਼ਾਸਨ ਅਥਾਰਟੀ (ਸੌਦਾਟਗਾ) ਨੇ ਕਿਹਾ ਹੈ ਕਿ ਉਹ ਗੁਜਰਾਤ ਦੇ ਕੇਵੜੀਆ ਵਿਚ ਸਥਿਤ ਖੇਤਰ ਨੂੰ ਵਾਹਨਾਂ ਦੇ ਪ੍ਰਦੂਸ਼ਣ ਮੁਕਤ ਖੇਤਰ ਵਿਚ ਵਿਕਸਤ ਕਰੇਗੀ।

ਐਤਵਾਰ ਨੂੰ ਜਾਰੀ ਇੱਕ ਬਿਆਨ ਵਿਚ ਅਥਾਰਟੀ ਨੇ ਕਿਹਾ ਕਿ ਕੇਵੜੀਆ ਵਿਚ 182 ਮੀਟਰ ਉੱਚੇ ਸਟੈਚੂ ਆਫ ਯੂਨਿਟੀ ਦੇ ਆਸ ਪਾਸ ਦੇ ਖੇਤਰ ਨੂੰ ਵੱਖਰੇ ਪੜਾਵਾਂ ਵਿਚ ਇੱਕ ਇਲੈਕਟ੍ਰਿਕ ਵਾਹਨ-ਜ਼ੋਨ ਵਿੱਚ ਤਬਦੀਲ ਕਰ ਦਿੱਤਾ ਜਾਵੇਗਾ। ਇਸ ਖੇਤਰ ਵਿਚ ਸਿਰਫ ਇਲੈਕਟ੍ਰਿਕ ਵਾਹਨਾਂ ਨੂੰ ਚੱਲਣ ਦੀ ਆਗਿਆ ਹੋਵੇਗੀ। ਯਾਤਰੀਆਂ ਲਈ ਵਰਤੀਆਂ ਜਾਣ ਵਾਲੀਆਂ ਬੱਸਾਂ ਵੀ ਬੈਟਰੀ ਨਾਲ ਸੰਚਾਲਿਤ ਹੋਣਗੀਆਂ। ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਸੀ ਕਿ ਭਵਿੱਖ ਵਿੱਚ ਕੇਵੜੀਆ ਵਿੱਚ ਸਿਰਫ ਬੈਟਰੀ ਅਧਾਰਤ ਬੱਸਾਂ, ਦੋ ਪਹੀਆ ਵਾਹਨ ਅਤੇ ਚਾਰ ਪਹੀਆ ਵਾਹਨ ਚਲਾਉਣ ਲਈ ਕਦਮ ਚੁੱਕੇ ਜਾਣਗੇ।

ਇਹ ਵੀ ਪੜ੍ਹੋ : 5 ਜੀ ਤਕਨਾਲੋਜੀ ਪੂਰੀ ਤਰ੍ਹਾਂ ਸੁਰੱਖਿਅਤ, ਸਿਹਤ 'ਤੇ ਕੋਈ ਮਾੜਾ ਪ੍ਰਭਾਵ ਨਹੀਂ: COAI

ਇਸ ਯੋਜਨਾ ਤਹਿਤ ਸਰਕਾਰ ਸਰਦਾਰ ਵੱਲਭਭਾਈ ਪਟੇਲ ਦੀ ਮੂਰਤੀ ਦੇ ਆਸ ਪਾਸ ਵਸਦੇ ਸਥਾਨਕ ਵਸਨੀਕਾਂ ਨੂੰ ਇਲੈਕਟ੍ਰਿਕ ਥ੍ਰੀ ਵ੍ਹੀਲਰ ਵਾਹਨ ਖਰੀਦਣ ਵਿਚ ਸਹਾਇਤਾ ਪ੍ਰਦਾਨ ਕਰੇਗੀ। SOUADTGA ਨੇ ਕਿਹਾ ਕਿ ਉਹ ਸਥਾਨਕ ਵਸਨੀਕਾਂ ਨੂੰ ਸਬਸਿਡੀ ਦਿੱਤੀ ਜਾਏਗੀ। ਏਜੰਸੀ ਦੇ ਅਨੁਸਾਰ, ਅਧਿਕਾਰਤ ਖੇਤਰ ਵਿੱਚ ਸ਼ੁਰੂਆਤ ਵਿੱਚ ਸਿਰਫ 50 ਈ-ਰਿਕਸ਼ਾ ਦੀ ਆਗਿਆ ਹੋਵੇਗੀ। ਜਿਸ ਵਿਚ ਮਹਿਲਾ ਡਰਾਈਵਰ ਨੂੰ ਈ-ਰਿਕਸ਼ਾ ਲਈ ਤਰਜੀਹ ਦਿੱਤੀ ਜਾਏਗੀ। ਜਿਸ ਦੇ ਲਈ ਮਹਿਲਾ ਡਰਾਈਵਰਾਂ ਨੂੰ ਹੁਨਰ ਵਿਕਾਸ ਕੇਂਦਰ ਕੇਡੀਆ ਵਿਖੇ ਮੁਫਤ ਸਿਖਲਾਈ ਦਿੱਤੀ ਜਾਏਗੀ। ਇਸਦੇ ਨਾਲ ਹੀ ਇੱਕ ਵੱਖਰਾ ਚਾਰਜਿੰਗ ਸਟੇਸ਼ਨ ਅਤੇ ਫੈਕਟਰੀ ਵੀ ਬਣਾਈ ਜਾਏਗੀ। SOUADTGA  ਨੇ ਅੱਗੇ ਕਿਹਾ ਕਿ ਇਸ ਜਗ੍ਹਾ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣ ਲਈ ਸਾਰੇ ਯਤਨ ਕੀਤੇ ਜਾਣਗੇ। ਕੇਵੜੀਆ ਵਿਚ 2 ਪਣ ਬਿਜਲੀ ਘਰ ਵੀ ਹਨ, ਜੋ ਬਿਜਲੀ ਪੈਦਾ ਕਰਦੇ ਹਨ। ਇਸ ਦੇ ਨਾਲ ਹੀ ਈ-ਰਿਕਸ਼ਾ ਕੰਪਨੀ ਨੂੰ ਇਕ ਮੋਬਾਈਲ ਐਪ ਵੀ ਬਣਾਉਣ ਲਈ ਕਿਹਾ ਗਿਆ ਹੈ। ਤਾਂ ਜੋ ਸੈਲਾਨੀਆਂ ਨੂੰ ਸਹੀ ਜਾਣਕਾਰੀ ਮਿਲ ਸਕੇ।

ਇਹ ਵੀ ਪੜ੍ਹੋ : ਕੋਵਿਡ-19 ਤੋਂ ਠੀਕ ਹੋਏ ਮਰੀਜ਼ਾਂ ਨੂੰ 2 ਤੋਂ 3 ਮਹੀਨਿਆਂ ਲਈ ਲੈਣਾ ਚਾਹੀਦੈ ਬਲੱਡ ਥਿਨਰ : ਰਿਪੋਰਟ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।