SBI ਦੇ ਗਾਹਕਾਂ ਲਈ ਬੁਰੀ ਖ਼ਬਰ, ਲੋਨ ਲੈ ਕੇ ਗੱਡੀ-ਮਕਾਨ ਦਾ ਸੁਫ਼ਨਾ ਪੂਰਾ ਕਰਨਾ ਹੋਇਆ ਮਹਿੰਗਾ

ਨਵੀਂ ਦਿੱਲੀ- ਜੇਕਰ ਤੁਸੀਂ ਭਾਰਤੀ ਸਟੇਟ ਬੈਂਕ (ਐੱਸ.ਬੀ.ਆਈ) ਦੇ ਗਾਹਕ ਹੋ ਅਤੇ ਲੋਨ ਲੈ ਕੇ ਘਰ, ਕਾਰ ਜਾਂ ਹੋਰ ਜ਼ਰੂਰੀ ਚੀਜ਼ਾਂ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਇੱਕ ਬੁਰੀ ਖ਼ਬਰ ਹੈ। ਐੱਸ.ਬੀ.ਆਈ ਨੇ ਫੰਡ ਅਧਾਰਤ ਉਧਾਰ ਦਰ (ਐੱਮ.ਸੀ.ਐੱਲ.ਆਰ) ਦੀ ਸੀਮਾਂਤ ਲਾਗਤ 'ਚ 10 ਅਧਾਰ ਅੰਕਾਂ (ਬੀ.ਪੀ.ਐੱਸ) ਤੱਕ ਵਧਾ ਦਿੱਤਾ ਹੈ। ਇਸ ਦਾ ਅਸਰ ਇਹ ਹੋਵੇਗਾ ਕਿ ਆਟੋ ਅਤੇ ਘਰ ਵਰਗੇ ਲੋਨ ਲੈਣਾ ਮਹਿੰਗਾ ਹੋ ਗਿਆ ਹੈ। ਨਵੀਆਂ ਦਰਾਂ 15 ਫਰਵਰੀ ਤੋਂ ਲਾਗੂ ਹੋ ਗਈਆਂ ਹਨ। ਯਾਨੀ ਅੱਜ ਤੋਂ ਕਰਜ਼ਾ ਲੈਣ ਵਾਲਿਆਂ ਲਈ ਈ.ਐੱਮ.ਆਈ ਜਾਂ ਮਹੀਨਾਵਾਰ ਕਿਸ਼ਤਾਂ ਮਹਿੰਗੀਆਂ ਹੋ ਜਾਣਗੀਆਂ।

ਇਹ ਵੀ ਪੜ੍ਹੋ-ਅਗਲੇ ਵਿੱਤੀ ਸਾਲ 9-11 ਫੀਸਦੀ ਤੱਕ ਵਧੇਗੀ ਕਮਰਸ਼ੀਅਲ ਵਾਹਨਾਂ ਦੀ ਵਿਕਰੀ
ਐੱਸ.ਬੀ.ਆਈ. ਦੀ ਨਵੀਂ ਲੋਨ ਦਰ
ਐੱਸ.ਬੀ.ਆਈ. ਨੇ ਐੱਮ.ਸੀ.ਐੱਲ.ਆਰ ਦਰ ਨੂੰ 10 ਬੀ.ਪੀ.ਐੱਸ ਵਧਾ ਕੇ 7.85 ਫ਼ੀਸਦੀ ਤੋਂ ਵਧਾ ਕੇ 7.95 ਫ਼ੀਸਦੀ ਕਰ ਦਿੱਤਾ ਗਿਆ ਹੈ। ਇੱਕ ਮਹੀਨੇ ਤੋਂ ਲੈ ਕੇ ਤਿੰਨ ਮਹੀਨਿਆਂ ਦੀ ਮਿਆਦ ਲਈ, ਦਰ 8.00 ਫ਼ੀਸਦੀ ਤੋਂ 10 ਬੀ.ਪੀ.ਐੱਸ ਵਧਾ ਕੇ 8.10 ਫ਼ੀਸਦੀ ਕਰ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਛੇ ਮਹੀਨਿਆਂ ਦਾ ਐੱਮ.ਸੀ.ਐੱਲ.ਆਰ 8.30 ਫ਼ੀਸਦੀ ਤੋਂ ਵਧ ਕੇ 8.40 ਫ਼ੀਸਦੀ ਹੋ ਗਿਆ ਹੈ।

ਇਹ ਵੀ ਪੜ੍ਹੋ- ਅਡਾਨੀ ਮਾਮਲਾ : ਸੇਬੀ ਨੇ ਸੁਪਰੀਮ ਕੋਰਟ ਨੂੰ ਕਿਹਾ-ਬਾਜ਼ਾਰ ਦੀ ਅਸਥਿਰਤਾ ਤੋਂ ਨਿਪਟਣ ਲਈ ਉਨ੍ਹਾਂ ਕੋਲ ਮਜ਼ਬੂਤ ਢਾਂਚਾ
ਲੰਬੀ ਮਿਆਦ ਪੂਰੀ ਹੋਣ ਦੀ ਦਰ ਵਧੀ
ਇਕ ਸਾਲ ਦੀ ਮਿਆਦ ਪੂਰੀ ਹੋਣ ਲਈ ਨਵੀਂ ਦਰ 8.40 ਫ਼ੀਸਦੀ ਤੋਂ ਵਧਾ ਕੇ 8.50 ਫ਼ੀਸਦੀ ਕਰ ਦਿੱਤੀ ਗਈ ਹੈ, ਜਦੋਂ ਕਿ ਤਿੰਨ ਸਾਲ ਦੀ ਮਿਆਦ ਲਈ ਇਸ ਨੂੰ 8.60 ਫ਼ੀਸਦੀ ਤੋਂ ਵਧਾ ਕੇ 8.70 ਫ਼ੀਸਦੀ ਕਰ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ-ਅਡਾਨੀ ਗਰੁੱਪ ਦੇ ਸ਼ੇਅਰਾਂ 'ਚ ਲਗਾਤਾਰ ਦੂਜੇ ਦਿਨ ਗਿਰਾਵਟ ਜਾਰੀ, ਅੰਡਾਨੀ ਇੰਟਰਪ੍ਰਾਈਜੇਜ਼ 5 ਫ਼ੀਸਦੀ ਟੁੱਟਿਆ
ਇਨ੍ਹਾਂ ਬੈਂਕਾਂ ਨੇ ਵੀ ਵਧਾਈਆਂ ਦਰਾਂ 
ਐੱਸ.ਬੀ.ਆਈ. ਤੋਂ ਪਹਿਲਾਂ ਬੈਂਕ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਅਤੇ ਬੈਂਕ ਆਫ ਬੜੌਦਾ (ਬੀ.ਓ.ਬੀ) ਨੇ ਵੀ ਆਪਣੀਆਂ ਉਧਾਰ ਦਰਾਂ ਵਧਾ ਦਿੱਤਾ ਹੈ। ਪੀ.ਐੱਨ.ਬੀ ਨੇ ਰੇਪੋ ਲਿੰਕਡ ਲੈਂਡਿੰਗ ਰੇਟ (ਆਰ.ਐੱਲ.ਐੱਲ.ਆਰ) 'ਚ 25 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਹੈ, ਇਸ ਦੀ ਉਧਾਰ ਦਰ ਨੂੰ 8.75 ਫ਼ੀਸਦੀ ਤੋਂ ਵਧਾ ਕੇ 9 ਫ਼ੀਸਦੀ ਕਰ ਦਿੱਤਾ ਹੈ।
ਦੂਜੇ ਪਾਸੇ, ਬੈਂਕ ਆਫ ਬੜੌਦਾ ਨੇ ਐੱਮ.ਸੀ.ਐੱਲ.ਆਰ ਦੀ ਮਾਮੂਲੀ ਲਾਗਤ 'ਚ 5 ਅਧਾਰ ਅੰਕ ਦਾ ਵਾਧਾ ਕੀਤਾ ਹੈ। ਇਸ ਕਾਰਨ ਪਹਿਲਾਂ ਐੱਮ.ਸੀ.ਐੱਲ.ਆਰ 7.85 ਫ਼ੀਸਦੀ ਤੋਂ ਵਧ ਕੇ 7.90 ਫ਼ੀਸਦੀ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਤਿੰਨ ਮਹੀਨਿਆਂ ਦੇ ਕਾਰਜਕਾਲ ਲਈ ਐੱਮ.ਸੀ.ਐੱਲ.ਆਰ 8.25 ਫ਼ੀਸਦੀ ਤੋਂ ਵਧ ਕੇ 8.30 ਫ਼ੀਸਦੀ ਹੋ ਗਿਆ ਹੈ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।