ਦਿੱਲੀ, ਪੰਜਾਬ ਅਤੇ ਪੱਛਮੀ ਬੰਗਾਲ ''ਚ ਆਮਦਨ ਟੈਕਸ ਦੇ ਛਾਪੇ, 350 ਕਰੋੜ ਦੀ ਧੋਖਾਧੜੀ ਦਾ ਮਾਮਲਾ

ਨਵੀਂ ਦਿੱਲੀ - ਆਮਦਨ ਕਰ ਵਿਭਾਗ ਨੇ 350 ਕਰੋੜ ਰੁਪਏ ਦੀ ਧੋਖਾਧੜੀ ਦੇ ਮਾਮਲੇ ਵਿੱਚ ਇੱਕ ਮਸ਼ਹੂਰ ਕਾਰੋਬਾਰੀ ਦੇ ਕੰਪਲੈਕਸ ਉੱਤੇ ਛਾਪੇਮਾਰੀ ਕੀਤੀ ਹੈ। ਇਹ ਕੰਪਨੀ ਟੈਕਸਟਾਈਲ ਅਤੇ ਫਿਲਾਮੈਂਟ ਯਾਰਨ ਤਿਆਰ ਕਰਦੀ ਹੈ। ਇਸਦੇ ਦਿੱਲੀ, ਪੰਜਾਬ ਅਤੇ ਕੋਲਕਾਤਾ ਵਿੱਚ ਕਾਰਪੋਰੇਟ ਦਫਤਰ ਹਨ। ਵਿਭਾਗ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਉਸਨੇ 18 ਸਤੰਬਰ ਨੂੰ ਦਿੱਲੀ, ਪੰਜਾਬ ਅਤੇ ਪੱਛਮੀ ਬੰਗਾਲ ਵਿੱਚ ਕੰਪਨੀ ਦੇ ਟਿਕਾਣਿਆਂ ਉੱਤੇ ਛਾਪੇਮਾਰੀ ਕੀਤੀ। ਇਸ ਸਮੂਹ ਨੇ ਉਨ੍ਹਾਂ ਦੇ ਵਿਦੇਸ਼ੀ ਖਾਤਿਆਂ ਵਿੱਚ ਲਗਭਗ 350 ਕਰੋੜ ਰੁਪਏ ਦੇ ਬੇਨਾਮੀ ਫੰਡ ਆਪਣੇ ਵਿਦੇਸ਼ੀ ਖ਼ਾਤਿਆ ਵਿਚ ਜਮ੍ਹਾਂ ਕਰਵਾਏ ਅਤੇ ਫਿਰ ਉਨ੍ਹਾਂ ਨੂੰ ਟੈਕਸ ਹੈਵਨ ਦੇਸ਼ਾਂ ਤੋਂ ਸ਼ੈਲ ਕੰਪਨੀਆਂ ਰਾਹੀਂ ਭਾਰਤ ਵਿੱਚ ਆਪਣੇ ਕਾਰੋਬਾਰ ਵਿਚ ਲਗਾਇਆ।

ਇਹ ਵੀ ਪੜ੍ਹੋ : ਡਰੈਗਨ ਨੂੰ ਝਟਕਾ : Amazon ਨੇ 600 ਚੀਨੀ ਬ੍ਰਾਂਡ 'ਤੇ ਲਗਾਇਆ ਬੈਨ

ਆਮਦਨ ਕਰ ਵਿਭਾਗ ਨੇ ਕਿਹਾ ਕਿ ਛਾਪੇਮਾਰੀ ਦੌਰਾਨ ਕਈ ਸ਼ੱਕੀ ਦਸਤਾਵੇਜ਼ ਅਤੇ ਹੋਰ ਸਬੂਤ ਮਿਲੇ ਹਨ। ਇਹ ਦਰਸਾਉਂਦੇ ਹਨ ਕਿ ਸਮੂਹ ਦੇ ਵਿਦੇਸ਼ਾਂ ਵਿੱਚ ਖਾਤੇ ਹਨ ਅਤੇ ਇਸ ਵਿੱਚ ਜਮ੍ਹਾਂ ਬੇਨਾਮੀ ਫੰਡਾਂ ਨੂੰ ਸਮੂਹ ਦੁਆਰਾ ਭਾਰਤੀ ਕੰਪਨੀਆਂ ਵਿੱਚ ਨਿਵੇਸ਼ ਕੀਤਾ ਗਿਆ ਹੈ। ਛਾਪਿਆਂ ਵਿੱਚ ਵਿਭਾਗ ਨੂੰ ਕਈ ਅਜਿਹੇ ਸਬੂਤ ਮਿਲੇ ਹਨ ਜੋ ਇਹ ਸਾਬਤ ਕਰਦੇ ਹਨ ਕਿ ਕੰਪਨੀ ਨੇ ਆਪਣੀ ਖਾਤਾ ਬੁੱਕ ਤੋਂ ਬਾਹਰ ਟ੍ਰਾਂਜੈਕਸ਼ਨਾਂ ਕੀਤੀਆਂ ਹਨ, ਜ਼ਮੀਨੀ ਸੌਦਿਆਂ ਵਿੱਚ ਨਕਦ ਲੈਣ -ਦੇਣ ਕੀਤਾ ਹੈ, ਅਕਾਊਂਟ ਬੁੱਕਾਂ ਵਿੱਚ ਧੋਖਾਧੜੀ ਦੇ ਖਰਚੇ ਦਿਖਾਏ ਹਨ ਅਤੇ ਨਕਦ ਖਰਚਿਆਂ ਨੂੰ ਲੁਕਾਇਆ ਹੈ। ਵਿਭਾਗ ਅਨੁਸਾਰ ਸਮੂਹ ਨੇ ਆਪਣੇ ਵਿਦੇਸ਼ੀ ਖਾਤਿਆਂ ਵਿੱਚ ਲਗਭਗ 350 ਕਰੋੜ ਰੁਪਏ ਦੇ ਬੇਨਾਮੀ ਫੰਡ ਜਮ੍ਹਾਂ ਕਰਵਾਏ ਹਨ ਅਤੇ ਫਿਰ ਟੈਕਸ ਹੈਵੰਸ ਦੇਸ਼ਾਂ ਤੋਂ ਸ਼ੈੱਲ ਕੰਪਨੀਆਂ ਦੇ ਜ਼ਰੀਏ ਇਨ੍ਹਾਂ ਨੂੰ ਭਾਰਤ ਵਿਚ ਆਪਣੇ ਕਾਰੋਬਾਰ ਵਿਚ ਲਗਾਇਆ ਹੈ।

ਇਹ ਵੀ ਪੜ੍ਹੋ : ‘ਭਾਰਤ ਦੇ ਵਧਦੇ ਮੁਦਰਾ ਭੰਡਾਰ ਤੋਂ ਪ੍ਰੇਸ਼ਾਨ ਹੋਏ ਚੀਨ ਅਤੇ ਤੁਰਕੀ’

ਸਮੂਹ ਦੀਆਂ ਵਿਦੇਸ਼ੀ ਸੰਸਥਾਵਾਂ ਨੇ ਵਿਦੇਸ਼ੀ ਮੁਦਰਾ ਪਰਿਵਰਤਨਸ਼ੀਲ ਬਾਂਡਾਂ ਦੁਆਰਾ ਭਾਰਤੀ ਕੰਪਨੀਆਂ ਵਿੱਚ ਨਿਵੇਸ਼ ਕੀਤਾ ਅਤੇ ਫਿਰ ਭੁਗਤਾਨਾਂ ਵਿੱਚ ਡਿਫਾਲਟ ਦੀ ਆੜ ਵਿੱਚ ਇਸਨੂੰ ਕੰਪਨੀ ਦੇ ਸ਼ੇਅਰਾਂ ਵਿੱਚ ਬਦਲ ਦਿੱਤਾ। ਇਹ ਵੀ ਸਾਹਮਣੇ ਆਇਆ ਹੈ ਕਿ ਵਿਦੇਸ਼ੀ ਕੰਪਨੀਆਂ ਅਤੇ ਟਰੱਸਟਾਂ ਨੂੰ ਪ੍ਰਬੰਧਿਤ ਫੀਸਾਂ ਦਾ ਭੁਗਤਾਨ ਅਣ -ਘੋਸ਼ਿਤ ਫੰਡਾਂ ਦੇ ਪ੍ਰਬੰਧਨ ਲਈ ਕੀਤਾ ਜਾਂਦਾ ਸੀ। ਆਮਦਨੀ ਟੈਕਸ ਰਿਟਰਨ ਵਿੱਚ ਵਿਦੇਸ਼ੀ ਸੰਪਤੀਆਂ ਦਾ ਖੁਲਾਸਾ ਕਰਨਾ ਹੁੰਦਾ ਹੈ ਪਰ ਸਮੂਹ ਨੇ ਅਜਿਹਾ ਨਹੀਂ ਕੀਤਾ। ਇਹ ਵੀ ਪਤਾ ਲੱਗਾ ਹੈ ਕਿ ਜ਼ਮੀਨ ਦੇ ਸੌਦਿਆਂ ਵਿੱਚ 100 ਕਰੋੜ ਰੁਪਏ ਦਾ ਜਾਅਲੀ ਖਰਚਾ ਦਿਖਾਇਆ ਗਿਆ ਸੀ। ਛਾਪੇ ਅਜੇ ਵੀ ਜਾਰੀ ਹਨ।

ਇਹ ਵੀ ਪੜ੍ਹੋ : CCI ਪੜਤਾਲ : ਆਪਣੀ ਸਥਿਤੀ ਦਾ ਨਜਾਇਜ਼ ਫ਼ਾਇਦਾ ਉਠਾ ਰਿਹੈ Google, ਜਾਣੋ ਕੀ ਹੈ ਪੂਰਾ ਮਾਮਲਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।