ਪ੍ਰਤੀ ਮਹੀਨੇ 7,500 ਰੁਪਏ ਤੋਂ ਜ਼ਿਆਦਾ ਫਲੈਟ ਮੈਂਟੀਨੈਂਸ ਚਾਰਜ ''ਤੇ 18 ਫੀਸਦੀ GST

ਨਵੀਂ ਦਿੱਲੀ—ਜੇਕਰ ਤੁਹਾਡੇ ਅਪਾਟਮੈਂਟ ਦਾ ਮੈਂਟੀਨੈਂਸ ਚਾਰਜ ਹਰ ਮਹੀਨੇ 7,500 ਰੁਪਏ ਤੋਂ ਜ਼ਿਆਦਾ ਹੈ ਤਾਂ ਜੀ.ਐੱਸ.ਟੀ. ਦਾ ਭੁਗਤਾਨ ਵੀ ਕਰਨਾ ਹੋਵੇਗਾ। ਵਿੱਤ ਮੰਤਰਾਲੇ ਨੇ ਸਾਫ ਕੀਤਾ ਹੈ ਕਿ ਜੋ ਲੋਕ ਮੈਂਟੀਨੈਂਸ ਚਾਰਜ ਦੇ ਰੂਪ 'ਚ ਰੈਜੀਡੈਂਟ ਵੈੱਲਫੇਅਰ ਐਸੋਸੀਏਸ਼ਨ ਨੂੰ ਪ੍ਰਤੀ ਮਹੀਨੇ 7,500 ਰੁਪਏ ਦਿੰਦੇ ਹਨ ਉਨ੍ਹਾਂ ਨੂੰ 18 ਫੀਸਦੀ ਜੀ.ਐੱਸ.ਟੀ. ਵੀ ਦੇਣਾ ਹੋਵੇਗਾ। ਮੰਤਰਾਲੇ ਨੇ ਕਿਹਾ ਕਿ 25 ਜਨਵਰੀ 2018 ਤੋਂ ਪਹਿਲਾਂ 5000 ਰੁਪਏ ਪ੍ਰਤੀ ਮਹੀਨੇ ਤੱਕ ਦੀ ਰਾਸ਼ੀ ਦੀ ਛੂਟ ਦੇ ਦਾਇਰੇ 'ਚ ਸੀ ਜਿਸ ਨੂੰ 25 ਜਨਵਰੀ ਨੂੰ ਵਧਾ ਕੇ 7,500 ਰੁਪਏ ਕਰ ਦਿੱਤਾ ਗਿਆ ਹੈ। ਮੰਤਰਾਲੇ ਨੇ ਕਿਹਾ ਕਿ ਜੇਕਰ ਚਾਰਜ 7,500 ਰੁਪਏ ਤੋਂ ਜ਼ਿਆਦਾ ਹੈ ਤਾਂ ਪੂਰੀ ਰਾਸ਼ੀ 'ਤੇ ਟੈਕਸ ਦੀ ਦੇਣਦਾਰੀ ਬਣੇਗੀ। ਮੰਤਰਾਲੇ ਨੇ ਕਿਹਾ ਕਿ ਜੇਕਰ ਚਾਰਜ 7,500 ਰੁਪਏ ਤੋਂ ਜ਼ਿਆਦਾ ਹੈ ਤਾਂ ਪੂਰੀ ਰਾਸ਼ੀ 'ਤੇ ਟੈਕਸ ਦੀ ਦੇਣਦਾਰੀ ਬਣੇਗੀ। ਮੰਤਰਾਲੇ ਨੇ ਆਪਣੀ ਫੀਲਡ ਆਫੀਸਰਸ ਨੂੰ ਜਾਰੀ ਸਪੱਸ਼ਟੀਕਰਣ 'ਚ ਉਦਹਾਰਣ ਦਿੰਦੇ ਹੋਏ ਕਿਹਾ ਕਿ ਜੇਕਰ ਮੈਂਟੀਨੈਂਸ ਚਾਰਜ 9000 ਰੁਪਏ ਪ੍ਰਤੀ ਮਹੀਨੇ ਹੈ ਤਾਂ ਇਸ ਨੂੰ 18 ਫੀਸਦੀ ਜੀ.ਐੱਸ.ਟੀ. 9000 ਰੁਪਏ 'ਤੇ ਲੱਗੇਗੀ, 1500 (9,000-ਰੁਪਏ 7,500) 'ਤੇ ਨਹੀਂ। ਇਸ 'ਚ ਇਹ ਵੀ ਕਿਹਾ ਕਿ ਜੇਕਰ ਆਰ.ਡਬਲਿਊ.ਏ. ਦਾ ਟਰਨਓਵਰ ਸਾਲਾਨਾ 20 ਲੱਖ ਰੁਪਏ ਤੋਂ ਜ਼ਿਆਦਾ ਨਹੀਂ ਹੈ ਤਾਂ ਰਜਿਸਟ੍ਰੇਸ਼ਨ ਨੰਬਰ ਲੈਣ ਅਤੇ ਜੀ.ਐੱਸ.ਟੀ. ਦੇਣ ਦੀ ਲੋੜ ਨਹੀਂ ਹੈ, ਭਾਵੇਂ ਹੀ ਮੈਂਟੀਨੈਂਸ ਚਾਰਜ 7,500 ਰੁਪਏ ਤੋਂ ਜ਼ਿਆਦਾ ਹੋਵੇ।