ਬਿਜ਼ਨੈੱਸ ਡੈਸਕ- ਆਮ ਤੌਰ 'ਤੇ ਜਦੋਂ ਦੁਨੀਆ ਵਿੱਚ ਭੂ-ਰਾਜਨੀਤਿਕ ਅਸਥਿਰਤਾ ਜਾਂ ਜੰਗ ਵਰਗੀ ਸਥਿਤੀ ਬਣਦੀ ਹੈ, ਤਾਂ ਨਿਵੇਸ਼ਕ ਸੋਨੇ ਨੂੰ ਸਭ ਤੋਂ ਸੁਰੱਖਿਅਤ ਨਿਵੇਸ਼ ਮੰਨਦੇ ਹਨ, ਜਿਸ ਕਾਰਨ ਕੀਮਤਾਂ ਵਿੱਚ ਭਾਰੀ ਉਛਾਲ ਆਉਂਦਾ ਹੈ। ਪਰ ਮੌਜੂਦਾ ਅਮਰੀਕਾ-ਈਰਾਨ ਸੰਘਰਸ਼ ਦੌਰਾਨ ਭਾਰਤੀ ਸਰਾਫਾ ਬਾਜ਼ਾਰ ਵਿੱਚ ਇਸ ਦੇ ਬਿਲਕੁਲ ਉਲਟ ਤਸਵੀਰ ਦੇਖਣ ਨੂੰ ਮਿਲ ਰਹੀ ਹੈ। ਜੰਗ ਦੇ ਵਧਦੇ ਤਣਾਅ ਦੇ ਬਾਵਜੂਦ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਰਿਕਾਰਡ ਗਿਰਾਵਟ ਦਰਜ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ- Bank Closed : ਅਗਲੇ ਹਫਤੇ 5 ਦਿਨ ਬੰਦ ਰਹਿਣਗੇ ਬੈਂਕ!

ਮਲਟੀ ਕਮੋਡਿਟੀ ਐਕਸਚੇਂਜ (MCX) 'ਤੇ ਸੋਨਾ ਅਤੇ ਚਾਂਦੀ ਆਪਣੇ ਉੱਚਤਮ ਪੱਧਰ ਤੋਂ ਕਾਫੀ ਹੇਠਾਂ ਕਾਰੋਬਾਰ ਕਰ ਰਹੇ ਹਨ :

ਸੋਨਾ: MCX 'ਤੇ ਸੋਨਾ 2.02 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਆਲ ਟਾਈਮ ਹਾਈ ਤੋਂ ਲਗਭਗ 50,000 ਰੁਪਏ ਸਸਤਾ ਹੋ ਚੁੱਕਾ ਹੈ।

ਚਾਂਦੀ: ਚਾਂਦੀ, ਜੋ 4.39 ਲੱਖ ਰੁਪਏ ਪ੍ਰਤੀ ਕਿਲੋ ਦੇ ਆਲ ਟਾਈਮ ਹਾਈ 'ਤੇ ਪਹੁੰਚ ਗਈ ਸੀ ਜੋ ਕਿ ਹੁਣ ਤੱਕ 1.96 ਲੱਖ ਰੁਪਏ ਤੱਕ ਟੁੱਟ ਚੁੱਕੀ ਹੈ।

ਜੇਕਰ 28 ਫਰਵਰੀ ਤੋਂ 10 ਅਪ੍ਰੈਲ ਤੱਕ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ, ਤਾਂ ਗਿਰਾਵਟ ਦਾ ਰੁਖ ਸਾਫ਼ ਨਜ਼ਰ ਆਉਂਦਾ ਹੈ। 28 ਫਰਵਰੀ ਨੂੰ ਸੋਨਾ ਲਗਭਗ 1,64,730 ਰੁਪਏ ਸੀ, ਜੋ 10 ਅਪ੍ਰੈਲ ਤੱਕ ਡਿੱਗ ਕੇ 1,50,305 ਰੁਪਏ 'ਤੇ ਆ ਗਿਆ। ਇਸੇ ਤਰ੍ਹਾਂ ਚਾਂਦੀ 2,55,000 ਰੁਪਏ ਤੋਂ ਘਟ ਕੇ 2,39,934 ਰੁਪਏ ਪ੍ਰਤੀ ਕਿਲੋ ਰਹਿ ਗਈ ਹੈ।

ਇਹ ਵੀ ਪੜ੍ਹੋ- ਅਰਸ਼ਦੀਪ ਸਿੰਘ ਦੀ ਗਰਲਫ੍ਰੈਂਡ ਨਾਲ ਵੀਡੀਓ ਵਾਇਰਲ! ਛਿੜੀ ਨਵੀਂ ਚਰਚਾ

ਦੱਸ ਦੇਈਏ ਕਿ ਬੀਤੇ ਹਫਤੇ ਅਮਰੀਕਾ ਅਤੇ ਈਰਾਨ ਵਿਚਾਲੇ ਜੰਗਬੰਦੀ ਦੀਆਂ ਖਬਰਾਂ ਨਾਲ ਕੀਮਤਾਂ ਵਿੱਚ ਮਾਮੂਲੀ ਸੁਧਾਰ ਹੋਇਆ ਸੀ ਪਰ ਸ਼ਰਤਾਂ 'ਤੇ ਸਹਿਮਤੀ ਨਾ ਬਣਨ ਕਾਰਨ ਇਹ ਵਾਰਤਾ ਅਸਫਲ ਹੋ ਗਈ ਹੈ। ਹੋਰਮੁਜ਼ ਸਟ੍ਰੇਟ 'ਤੇ ਤਣਾਅ ਕਾਰਨ ਤੇਲ ਅਤੇ ਗੈਸ ਦੀ ਗਲੋਬਲ ਸਪਲਾਈ ਚੇਨ ਪ੍ਰਭਾਵਿਤ ਹੋਣ ਦਾ ਖਤਰਾ ਅਜੇ ਵੀ ਬਣਿਆ ਹੋਇਆ ਹੈ।

ਕੀ ਕਹਿੰਦੇ ਹਨ ਮਾਹਿਰ? 

ਬਾਜ਼ਾਰ ਮਾਹਿਰਾਂ ਅਨੁਸਾਰ, ਜੇਕਰ ਜੰਗ ਹੋਰ ਭਿਆਨਕ ਰੂਪ ਲੈਂਦੀ ਹੈ, ਤਾਂ ਲਿਕਵਿਡਿਟੀ ਨਕਦੀ ਦੀ ਕਮੀ ਕਾਰਨ ਕੀਮਤਾਂ ਵਿੱਚ ਹੋਰ ਗਿਰਾਵਟ ਦੇਖੀ ਜਾ ਸਕਦੀ ਹੈ। ਫਿਲਹਾਲ ਬਾਜ਼ਾਰ 'ਵੇਖੋ ਅਤੇ ਇੰਤਜ਼ਾਰ ਕਰੋ' ਦੀ ਸਥਿਤੀ ਵਿੱਚ ਹੈ। ਨਿਵੇਸ਼ਕਾਂ ਦਾ ਰੁਝਾਨ ਹੋਰ ਸੰਪਤੀਆਂ ਵੱਲ ਮੁੜਨ ਕਾਰਨ ਕੀਮਤੀ ਧਾਤਾਂ 'ਤੇ ਲਗਾਤਾਰ ਦਬਾਅ ਬਣਿਆ ਹੋਇਆ ਹੈ।

ਇਹ ਵੀ ਪੜ੍ਹੋ- ਦਿੱਗਜ ਭਾਰਤੀ ਖਿਡਾਰੀ ਦਾ ਹੋਇਆ ਦੇਹਾਂਤ, ਕ੍ਰਿਕਟ ਜਗਤ 'ਚ ਸੋਗ ਦੀ ਲਹਿਰ