ਚੌਲਾਂ ਦੀ ਬਰਾਮਦ ਰਿਕਾਰਡ ਪੱਧਰ ''ਤੇ, 8 ਮਹੀਨੇ ''ਚ ਹੋਇਆ 82 ਲੱਖ ਟਨ ਦਾ ਐਕਸਪੋਰਟ
01/03/2018 1:23:27 PM
ਨਵੀਂ ਦਿੱਲੀ—ਫਸਲ ਸਾਲ 2016-17 ਦੌਰਾਨ ਦੇਸ਼ 'ਚ ਹੋਏ ਰਿਕਾਰਡ ਚੌਲ ਉਤਪਾਦਨ ਦੇ ਕਾਰਨ ਨਾਲ ਵਿੱਤੀ ਸਾਲ 2017-18 ਦੌਰਾਨ ਚੌਲ ਦੀ ਬਰਾਮਦ 'ਚ ਜ਼ਬਰਦਸਤ ਵਾਧਾ ਦੇਖਿਆ ਜਾ ਰਿਹਾ ਹੈ। ਵਪਾਰਕ ਮੰਤਰਾਲੇ ਦੇ ਅੰਕੜਿਆਂ ਮੁਤਾਬਕ ਦੇ 8 ਮਹੀਨਿਆਂ ਯਾਨੀ ਅਪ੍ਰੈਲ ਤੋਂ ਨਵੰਬਰ 2017 ਦੌਰਾਨ ਦੇਸ਼ ਤੋਂ 81.91 ਲੱਖ ਟਨ ਚੌਲਾਂ ਦਾ ਐਕਸਪੋਰਟ ਹੋ ਚੁੱਕਾ ਹੈ। 8 ਮਹੀਨੇ 'ਚ ਹੁਣ ਤੱਕ ਦਾ ਸਭ ਤੋਂ ਜ਼ਿਆਦਾ ਅਤੇ ਵਿੱਤੀ ਸਾਲ 2016-17 ਦੀ ਸਮਾਨ ਸਮੇਂ ਦੇ ਮੁਕਾਬਲੇ ਕਰੀਬ 22 ਫੀਸਦੀ ਜ਼ਿਆਦਾ ਹੈ।
ਵਿੱਤੀ ਸਾਲ 2016-17 ਤੋਂ ਪਹਿਲਾਂ 8 ਮਹੀਨੇ ਦੇ ਦੌਰਾਨ 66.95 ਲੱਖ ਟਨ ਚੌਲਾਂ ਦਾ ਐਕਸਪੋਰਟ ਹੋ ਪਾਇਆ ਸੀ। ਵਪਾਰਕ ਮੰਤਰਾਲੇ ਮੁਤਾਬਕੇ 2017-18 'ਚ ਅਪ੍ਰੈਲ ਤੋਂ ਨਵੰਬਰ 'ਚ ਨਿਰਯਾਤ ਹੋਏ 81.91 ਲੱਖ ਟਨ ਚੌਲਾਂ 'ਚੋਂ 55.70 ਲੱਖ ਟਨ ਚੌਲ ਅਤੇ ਬਾਸਮਤੀ ਹੈ ਅਤੇ 26.21 ਲੱਖ ਟਨ ਚੌਲ ਬਾਸਮਤੀ ਹਨ। ਪਿਛਲੇ ਸਾਲ ਇਸ ਦੌਰਾਨ 41.71 ਲੱਖ ਟਨ ਗੈਰ ਬਾਸਮਤੀ ਅਤੇ 25.78 ਲੱਖ ਟਨ ਬਾਸਮਤੀ ਚੌਲਾਂ ਦਾ ਬਰਾਮਦ ਹੋਇਆ ਸੀ। ਮਾਰਚ ਅੰਤ ਤੱਕ ਭਾਰਤ ਦਾ ਚੌਲ ਦਾ ਐਕਸਪੋਰਟ 110 ਲੱਖ ਟਨ ਦੇ ਪਾਰ ਜਾਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਅਤੇ ਇਸ ਬਰਾਮਦ ਦੇ ਨਾਲ ਭਾਰਤ ਇਸ ਸਾਲ ਵੀ ਦੁਨੀਆ ਭਰ 'ਚ ਚੌਲਾਂ ਦਾ ਸਭ ਤੋਂ ਵੱਡਾ ਬਰਾਮਦ ਬਣਿਆ ਹੋਵੇਗਾ।
ਫਸਲ ਸਾਲ 2016 ਦੌਰਾਨ ਦੇਸ਼ 'ਚ ਕਰੀਬ 1101 ਲੱਖ ਟਨ ਚੌਲਾਂ ਦਾ ਉਤਪਾਦਨ ਹੋਇਆ ਹੈ ਜੋ ਹੁਣ ਤੱਕ ਦਾ ਸਭ ਤੋਂ ਜ਼ਿਆਦਾ ਉਤਪਾਦਨ ਹੈ। ਜ਼ਿਆਦਾ ਉਤਪਾਦਨ ਦੇ ਕਾਰਨ 2017-18 'ਚ ਬਰਾਮਦ ਲਈ ਕਾਫੀ ਚੌਲ ਹਨ ਅਤੇ ਐਕਸਪੋਰਟ 'ਚ ਵਾਧਾ ਹੋ ਰਿਹਾ ਹੈ।
