ਤਿਓਹਾਰੀ ਸੀਜ਼ਨ 'ਚ ਈ-ਕਾਮਰਸ ਕੰਪਨੀਆਂ ਨੇ ਕੀਤੀ 9000 ਕਰੋੜ ਰੁਪਏ ਦੀ ਸੇਲ

ਨਵੀਂ ਦਿੱਲੀ (ਬਿਊਰੋ)—ਪਿਛਲੇ ਹਫਤੇ ਤਿਓਹਾਰੀ ਪੇਸ਼ਕਸ਼ਾਂ ਕਾਰਨ ਈ-ਕਾਮਰਸ ਕੰਪਨੀਆਂ ਨੇ ਨੌ ਹਜ਼ਾਰ ਕਰੋੜ ਰੁਪਏ ਦੀ ਅਨੁਮਾਨਿਤ ਵਿਕਰੀ ਕੀਤੀ। ਸ਼ੋਧ ਕੰਪਨੀ ਰੈਡੀਸੀਰ ਕੰਸਲਟਿੰਗ ਨੇ ਅੱਜ ਇਹ ਗੱਲ ਕਹੀ, ਰਿਪੋਰਟ ਨੇ ਕਿਹਾ ਕਿ ਈ-ਵਪਾਰਕ ਕੰਪਨੀਆਂ ਨੇ 20-24 ਸਤੰਬਰ ਦੌਰਾਨ ਪੰਜ ਤਿਓਹਾਰੀ ਦਿਨ੍ਹਾਂ 'ਚ ਹੁਣ ਤੱਕ ਦੀ ਸਭ ਤੋਂ ਜ਼ਿਆਦਾ ਵਿਕਰੀ ਕੀਤੀ ਹੈ। ਰੈਡਸੀਰ ਦੇ ਮੁਲਾਂਕਣ 'ਚ ਪਤਾ ਚੱਲਿਆ ਹੈ ਕਿ ਇਨ੍ਹਾਂ ਕੰਪਨੀਆਂ ਨੇ ਨੌ ਹਜ਼ਾਰ ਕਰੋੜ ਰੁਪਏ ਦੀ ਵਿਕਰੀ ਕੀਤੀ। 
ਉਸ ਨੇ ਅੱਗੇ ਕਿਹਾ ਕਿ ਪਿਛਲੇ ਸਾਲ ਨਾਲ ਤੁਲਨਾ ਕਰਨ 'ਤੇ ਇਹ ਸਾਲਾਨਾ 40 ਫੀਸਦੀ ਦੀ ਤੇਜ਼ੀ ਹੈ। ਉਸ ਨੇ ਕਿਹਾ ਕਿ ਕੁੱਲ ਵਿਕਰੀ 'ਚ ਫਲਿੱਪਕਾਰਟ
ਗਰੁੱਪ ਦੀ ਹਿੱਸੇਦਾਰੀ 58 ਫੀਸਦੀ ਰਹੀ ਜਦਕਿ ਐਮਾਜ਼ਾਨ ਨੇ 26 ਫੀਸਦੀ ਹਿੱਸੇਦਾਰੀ ਹਾਸਲ ਕੀਤੀ। ਰਿਪੋਰਟ ਨੇ ਕਿਹਾ ਕਿ ਵਿਗਿਆਪਨ ਆਫਰ ਅਤੇ ਲਾਗੂ ਦੇ ਦਮ 'ਤੇ ਇਨ੍ਹਾਂ ਕੰਪਨੀਆਂ ਨੇ ਸੰਭਾਵਨਾਵਾਂ ਦੇ ਅਨੁਰੂਪ ਪ੍ਰਦਰਸ਼ਨ ਕੀਤਾ ਅਤੇ ਹੁਣ ਤੱਕ ਦੀ ਸਰਵਸ਼੍ਰੇਸ਼ਠ ਵਿਕਰੀ ਕੀਤੀ।
ਰੈਡਸੀਰ ਦਾ ਇਹ ਅੰਦਾਜ਼ਾ ਨੌ ਹਜ਼ਾਰ ਉਪਭੋਗਤਾਵਾਂ ਅਤੇ ਇਕ ਹਜ਼ਾਰ ਤੋਂ ਜ਼ਿਆਦਾ ਗਾਹਕਾਂ ਨਾਲ ਕੀਤੀ ਗੱਲਬਾਤ 'ਤੇ ਆਧਾਰਿਤ ਹੈ।