5 ਮਾਰਚ ਤੋਂ BTCXIndia, ETHEXIndia ''ਚ ਕ੍ਰਿਪਟੋਕਰੰਸੀ ਦੀ ਟ੍ਰੇਡਿੰਗ ਬੰਦ

ਨਵੀਂ ਦਿੱਲੀ—ਜੇਕਰ ਤੁਸੀਂ ਕ੍ਰਿਪਟੋਕਰੰਸੀਜ਼ 'ਚ ਨਿਵੇਸ਼ ਕੀਤਾ ਹੈ ਤਾਂ ਪੈਸੇ ਕਢਵਾਉਣ ਦਾ ਸਮਾਂ ਆ ਗਿਆ ਹੈ। ਕ੍ਰਿਪਟੋਕੰਰਸੀ ਟੋਕਨ ਮਾਰਕੀਟਪਲੇਸ BTCXIndia  ਨੇ ਕਿਹਾ ਹੈ ਕਿ ਉਹ 5 ਮਾਰਚ 2018 ਤੋਂ ਟ੍ਰੇਡਿੰਗ ਬੰਦ ਕਰ ਦੇਵੇਗਾ। ਆਪਣੇ ਮੈਬਰਾਂ ਨੂੰ ਭੇਜੇ ਈ-ਮੇਲ 'ਚ ਉਸ ਨੇ ਕਿਹਾ ਕਿ BTCXIndia  ਨੇ 1 ਜਨਵਰੀ 2018 ਤੋਂ ਡਿਪਾਜ਼ਿਟ ਨਾ ਲੈਣ ਦਾ ਫੈਸਲਾ ਕੀਤਾ ਹੈ।

ਇਸ ਕ੍ਰਿਪਟੋ ਟ੍ਰੇਡਿੰਗ ਪਲੈਟਫਾਰਮ ਨੇ ਕਿਹਾ ਕਿ 1 ਜਨਵਰੀ ਦੇ ਬਾਅਦ ਦੇ ਡਿਪਾਜ਼ਿਟ ਨਿਵੇਸ਼ਕਾਂ ਦੇ ਬੈਂਕ ਅਕਾਊਂਟਸ 'ਚ ਸਵੈ ਵਾਪਸ ਹੋ ਜਾਣਗੇ। ਜਿਨ੍ਹਾਂ ਨੇ ਵੀ BTCXIndia 'ਚ ਰਜਿਸਟ੍ਰੇਸ਼ਨ ਕੀਤਾ ਹੈ, ਉਨ੍ਹਾਂ ਨੂੰ 4 ਮਾਰਚ ਤੱਕ ਆਪਣੇ ਪੈਸੇ ਕੱਢਵਾ ਲੈਣ ਦੀ ਸਲਾਹ ਦਿੱਤੀ ਗਈ ਹੈ। ਸਾਲ 2013 'ਚ ਹੈਦਰਾਬਾਦ 'ਚ ਲਾਂਚ BTCXIndia  ਹਜੇ ਰਿਪਲ (XRP)  'ਚ ਡੀਲ ਕਰਦਾ ਹੈ ਅਤੇ ਕ੍ਰਿਪਟੋ ਟੋਕਨਸ ਅਤੇ ਭਾਰਤੀ ਰੁਪਏ 'ਚ ਰੀਅਲ ਟਾਈਮ ਦੀ ਸੁਵਿਧਾ ਮੁਹੱਈਆ ਕਰਾਉਂਦਾ ਹੈ। ਇਸ ਤਰ੍ਹਾਂ ETHEXIndia  'ਚ ਈਥੇਰੀਅਮ (ਈ.ਟੀ.ਐੱਚ) ਦੀ ਰੀਅਲ ਟਾਈਮ ਟ੍ਰੇਡਿੰਗ ਹੁੰਦੀ ਹੈ।

BTCXIndia  ਨੇ ਈ-ਮੇਲ ਮੈਸੇਜ 'ਚ ਕਿਹਾ ਹੈ, BTCXIndia  ਦੀ ਲਾਂਚਿੰਗ ਨੂੰ ਚਾਰ ਸਾਲ ਹੋ ਗਏ ਹਨ ਅਤੇ ਦੋ ਸਾਲ ਪਹਿਲਾਂ ਅਸੀਂ BTCXIndia  ਲਾਂਚ ਕੀਤਾ ਸੀ। ਇਸ ਦੌਰਾਨ ਅਸੀਂ 35,000 ਤੋਂ ਜ਼ਿਆਦਾ ਗਾਹਕਾਂ ਨੂੰ ਸੇਵਾਵਾਂ ਦਿੱਤੀਆਂ ਅਤੇ ਰਿਪਲ ਦੀ ਕੀਮਤ 50 ਗੁਣਾ ਜਦਕਿ ਈਥੇਰੀਅਮ ਦੀ ਕੀਮਤ 100 ਗੁਣਾ ਵਧੀ। ਅਸੀਂ ਤੁਹਾਨੂੰ ਕ੍ਰਿਪਟੋ ਨੂੰ ਸੁਰੱਖਿਅਤ ਰੱਖਿਆ ਅਤੇ  ਬਿਲਕੁਲ ਸੁਰੱਖਿਅਤ ਵਾਤਾਵਰਣ 'ਚ ਤੁਹਾਨੂੰ ਸਮਾਨ ਸ਼ਰਤਾਂ 'ਤੇ ਦੂਸਰਿਆਂ ਦੇ ਮੁਕਾਬਲੇ ਟ੍ਰੇਡਿੰਗ ਦੀ ਸੁਵਿਧਾ ਦਿੱਤੀ ਸੀ। ਇਸ ਦੌਰਾਨ ਅਸੀਂ ਕੇਵਾਇਸੀ ਅਤੇ ਏ.ਐੱਮ.ਐੱਲ. ਦੇ ਸਿਵਾ ਕਈ ਟੈਕਸ ਕਾਨੂੰਨਾਂ ਦਾ ਵੀ ਪਾਲਨ ਕੀਤਾ।'

ਈ-ਮੇਲ 'ਚ ਅੱਗੇ ਕਿਹਾ ਗਿਆ ਹੈ, ' ਜਿਵੇ ਕਿ ਅਸੀਂ ਬਜਟ ਭਾਸ਼ਣ 'ਚ ਸੁਣਿਆ ਕਿ ਭਾਰਤ ਸਰਕਾਰ ਕ੍ਰਿਪਟੋ ਕਰੰਸੀ ਟ੍ਰੇਡਿੰਗ ਨੂੰ ਵਧਾਵਾ ਨਹੀਂ ਦੇ ਰਹੀ ਹੈ। ਇਹੀ ਗੱਲ ਪਿਛਲੇ ਸੱਤ ਸਰਕਾਰ ਦੀ ਕਾਰਵਾਈ ਤੋਂ ਵੀ ਸਪੱਸ਼ਟ ਹੋਈ ਸੀ। ਅਜਿਹੇ 'ਚ ਸਾਡੇ ਬਿਜ਼ਨੈੱਸ 'ਤੇ ਬਹੁਤ ਦਬਾਅ ਆ ਗਿਆ। ਇਸ ਲਈ ਅਸੀਂ ਅਜਿਹੀ ਸਥਿਤੀ 'ਚ ਆ ਗਏ ਕਿ ਹੁਣ ਅਸੀਂ ਪ੍ਰਫੈਸ਼ਨਲ ਤਰੀਕੇ ਨਾਲ ਇਸ ਬਿਜ਼ਨੈੱਸ 'ਚ ਨਹੀਂ ਰਹਿ ਸਕਦੇ।'