ਯੂਨੀਕੋਰਨ ਵਿੱਚ ਸ਼ਾਮਲ ਹੋਇਆ BLS ਇੰਟਰਨੈਸ਼ਨਲ,  ਮਾਰਕੀਟ ਪੂੰਜੀਕਰਣ ਇੱਕ ਬਿਲੀਅਨ ਡਾਲਰ ਦੇ ਪਾਰ

ਨਵੀਂ ਦਿੱਲੀ (ਭਾਸ਼ਾ) - ਸਟਾਰਟਅੱਪ ਕੰਪਨੀ ਬੀਐਲਐਸ ਇੰਟਰਨੈਸ਼ਨਲ ਸਰਵਿਸਿਜ਼ (ਬੀਐਲਐਸ) ਯੂਨੀਕੋਰਨ ਦੀ ਸੂਚੀ ਵਿਚ ਸ਼ਾਮਲ ਹੋ ਗਈ ਹੈ। ਤਕਨਾਲੋਜੀ ਆਧਾਰਿਤ ਸੇਵਾ ਪ੍ਰਦਾਤਾ ਕੰਪਨੀ ਦਾ ਬਾਜ਼ਾਰ ਪੂੰਜੀਕਰਣ (ਮਾਰਕੀਟ ਕੈਪ) ਇਸ ਹਫਤੇ ਇਕ ਅਰਬ ਡਾਲਰ ਦੇ ਅੰਕੜੇ ਨੂੰ ਪਾਰ ਕਰ ਗਿਆ ਹੈ। ਯੂਨੀਕੋਰਨ ਇੱਕ ਬਿਲੀਅਨ ਡਾਲਰ ਤੋਂ ਵੱਧ ਦੀ ਮਾਰਕੀਟ ਮੁਲਾਂਕਣ ਨੂੰ ਦਰਸਾਉਂਦਾ ਹੈ। ਕੰਪਨੀ ਨੇ ਵੀਰਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਬੀਐਲਐਸ ਇੰਟਰਨੈਸ਼ਨਲ ਦੇ ਸ਼ੇਅਰ ਦੀ ਕੀਮਤ ਪਿਛਲੇ ਛੇ ਮਹੀਨਿਆਂ ਵਿੱਚ ਦੁੱਗਣੀ ਤੋਂ ਵੱਧ ਹੋ ਗਈ ਹੈ।

ਇਹ ਵੀ ਪੜ੍ਹੋ : FlipKart ਤੇ Amazon ਨੂੰ ਝਟਕਾ, ਇਸ ਉਤਪਾਦ ਦੀ ਵਿਕਰੀ ਨੂੰ ਲੈ ਕੇ ਨੋਟਿਸ ਜਾਰੀ

ਇਸ 'ਚ 110 ਫੀਸਦੀ ਦਾ ਵਾਧਾ ਹੋਇਆ ਹੈ। S&P BSE ਸੈਂਸੈਕਸ ਇਸ ਸਮੇਂ ਦੌਰਾਨ 14 ਫੀਸਦੀ ਵਧਿਆ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਸਰਕਾਰਾਂ ਅਤੇ ਨਾਗਰਿਕਾਂ ਲਈ ਚੋਟੀ ਦੇ ਤਿੰਨ ਗਲੋਬਲ ਤਕਨਾਲੋਜੀ-ਆਧਾਰਿਤ ਸੇਵਾ ਪ੍ਰਦਾਤਾਵਾਂ ਵਿੱਚ ਸ਼ਾਮਲ BLS ਦਾ ਮਾਰਕੀਟ ਪੂੰਜੀਕਰਣ 1 ਅਰਬ ਡਾਲਰ ਦੇ ਪਾਰ ਕਰ ਗਿਆ ਹੈ। BLS 2005 ਤੋਂ ਦੁਨੀਆ ਭਰ ਦੀਆਂ ਸਰਕਾਰਾਂ ਅਤੇ ਦੂਤਾਵਾਸਾਂ ਨੂੰ ਸੇਵਾਵਾਂ ਪ੍ਰਦਾਨ ਕਰ ਰਿਹਾ ਹੈ। ਬੀਐਲਐਸ ਇੰਟਰਨੈਸ਼ਨਲ ਦੇ ਜੁਆਇੰਟ ਮੈਨੇਜਿੰਗ ਡਾਇਰੈਕਟਰ ਸ਼ਿਖਰ ਅਗਰਵਾਲ ਨੇ ਕਿਹਾ ਕਿ ਇੱਕ ਬਿਲੀਅਨ ਡਾਲਰ ਦਾ ਮੁਲਾਂਕਣ ਸਾਡੇ ਲਈ ਇੱਕ ਨਵੀਂ ਪ੍ਰਾਪਤੀ ਹੈ। ਉਨ੍ਹਾਂ ਕਿਹਾ ਕਿ ਕੰਪਨੀ ਆਪਣੀਆਂ ਸੇਵਾਵਾਂ ਵਿੱਚ ਨਵੀਨਤਾ ਲਿਆਵੇਗੀ। ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ 'ਚ ਕੰਪਨੀ ਦੀ ਆਮਦਨ ਸਾਲਾਨਾ ਆਧਾਰ 'ਤੇ 70.6 ਫੀਸਦੀ ਵਧ ਕੇ 630 ਕਰੋੜ ਰੁਪਏ ਹੋ ਗਈ ਹੈ। ਇਸ ਸਮੇਂ ਦੌਰਾਨ ਕੰਪਨੀ ਦਾ ਸ਼ੁੱਧ ਲਾਭ 71 ਫੀਸਦੀ ਵਧ ਕੇ 81.69 ਕਰੋੜ ਰੁਪਏ ਹੋ ਗਿਆ। BLS ਦਾ ਵਿਸ਼ਵ ਪੱਧਰ 'ਤੇ 27,000 ਤੋਂ ਵੱਧ ਕੇਂਦਰਾਂ ਦਾ ਨੈੱਟਵਰਕ ਹੈ। ਇਸ ਦੇ ਕਰਮਚਾਰੀ ਅਤੇ ਸਹਿਯੋਗੀਆਂ ਦੀ ਗਿਣਤੀ 20,000 ਹੈ। 

ਇਹ ਵੀ ਪੜ੍ਹੋ : ਸ਼ਾਹਰੁਖ਼ ਖ਼ਾਨ ਦੇ ਬੇਟੇ ਆਰਿਅਨ ਖ਼ਾਨ ਨੇ ਕਾਰੋਬਾਰ ਦੀ ਦੁਨੀਆ 'ਚ ਰੱਖਿਆ ਕਦਮ, ਵੇਚਣਗੇ ਇਹ ਉਤਪਾਦ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।