ਹੁਣ ਗੂਗਲ ''ਚ ਦਰਜ ਪਤਾ ਅਤੇ ਆਈ. ਡੀ. ਨਾਲ ਹੋਵੇਗੀ ਵੋਟਰਸ ਦੀ ਪਛਾਣ
Monday, Nov 20, 2017 - 01:55 PM (IST)
ਨਵੀਂ ਦਿੱਲੀ—ਜੇਕਰ ਤੁਹਾਨੂੰ ਪਾਸ ਵੋਟਰ ਕਾਰਡ ਨਹੀਂ ਹੈ ਤੇ ਤੁਹਾਨੂੰ ਪਰਚੀ ਵੀ ਗੁਆਚ ਗਈ ਹੈ, ਇਸਦੇ ਬਾਵਜੂਦ ਤੁਸੀਂ ਆਸਾਨੀ ਨਾਲ ਵੋਟ ਪਾ ਸਕਦੇ ਹੋ। ਦਿੱਲੀ ਇਲੈਕਸ਼ਨ ਕਮੀਸ਼ਨ 'ਚ ਵੋਟਰਸ ਨੂੰ ਗੂਗਲ ਨਾਲ ਜੋੜ ਰਿਹਾ ਹੈ। ਗੂਗਲ 'ਚ ਉਨ੍ਹਾਂ ਦਾ ਨਾਮ ਅਤੇ ਪਤਾ ਸਭ ਦਰਜ ਹੋਵੇਗਾ। ਦੇਸ਼ 'ਚ ਪਹਿਲੀ ਬਾਰ ਦਿੱਲੀ ਤੋਂ ਇਸਦੀ ਸ਼ੁਰੂਆਤ ਹੋਈ ਹੈ। ਫਿਲਹਾਲ ਪਾਇਲਟ ਪ੍ਰੋਜੈਕਟ ਦੇ ਤੌਰ 'ਤੇ ਇਸਨੂੰ ਰਾਜਧਾਨੀ ਦੇ 5 ਵਿਧਾਨ ਸਭਾ ਖੇਤਰਾਂ ਪਟਪੜਗੰਜ, ਰੋਹਿਨੀ, ਬਾਦਲੀ, ਮਟਿਆਮਹਲ ਅਤੇ ਮਾਲਵੀਆ ਨਗਰ 'ਚ ਸ਼ੁਰੂ ਕੀਤਾ ਗਿਆ ਹੈ। ਇਸ ਨੂੰ 30 ਨਵੰਬਰ ਤੱਕ ਪੂਰਾ ਕਰਨ ਦਾ ਟਾਰਗੇਟ ਹੈ।
ਗੂਗਲ ਨਾਲ ਇਸ ਤਰ੍ਹਾਂ ਜੁੜਨਗੇ ਵੋਟਰਸ
ਐੱਸ.ਡੀ.ਐੱਮ. ਸੰਦੀਪ ਦੱਤਾ ਕਹਿੰਦੇ ਹਨ ਕਿ ਵੋਟਰ ਦਾ ਨਾਮ ਅਤੇ ਪੂਰਾ ਪਤਾ ਪੋਸਟ ਆਫਿਸ ਘਰ ਦੇ ਕੋਲ ਲੈਂਡਮਾਰਕ ਨੂੰ ਗੂਗਲ ਨਾਲ ਅਟੈਚ ਕੀਤਾ ਜਾਵੇਗਾ। ਇਸ 'ਚ ਵੋਟਰ ਦਾ ਘਰ ਕਿੰਨਾ ਦੂਰੀ 'ਤੇ ਹੈ, ਇਹ ਵੀ ਹੋਵੇਗਾ। ਪੰਜ ਵਿਧਾਨਸਭਾ ਖੇਤਰਾਂ ਦੇ ਬਾਅਦ ਦਿੱਲੀ 'ਚ ਦੂਸਰੀ ਥਾਂ ਵੀ ਇਸ ਨੂੰ ਸ਼ੁਰੂ ਕੀਤਾ ਜਾਵੇਗਾ।
ਘਰ ਬੈਠੇ ਹੀ ਵੋਟਰ ਲਿਸਟ 'ਚ ਜੁੜਨਗੇ
ਜੇਕਰ ਤੁਸੀਂ ਘਰ ਦੇ ਕਿਸੇ ਮੈਂਬਰ ਦਾ ਨਾਮ ਵੋਟਰ ਲਿਸਟ 'ਚ ਦਰਜ ਕਰਾਉਣਾ ਚਾਹੁੰਦੇ ਹੋ, ਤਾਂ ਇਲੈਕਸ਼ਨ ਆਫਿਸ ਜਾਣ ਦੀ ਜ਼ਰੂਰਤ ਨਹੀਂ ਪਵੇਗੀ। ਬੀ.ਐੱਲ.ਓ.(ਬੂਥ ਲੇਵਲ ਆਫਿਸਰ) ਤੁਹਾਡੇ ਘਰ ਜਾਵੇਗਾ ਅਤੇ ਘਰ 'ਚ ਹੀ ਤੁਹਾਡੇ ਪਰਿਵਾਰਕ ਮੈਂਬਰ ਦਾ ਨਾਮ ਵੋਟਰ ਲਿਸਟ 'ਚ ਜੋੜ ਦੇਵੇਗਾ। ਇਹ ਪ੍ਰਕਿਰਿਆ ਵੀ ਦੇਸ਼ 'ਚ ਪਹਿਲੀ ਬਾਰ ਦਿੱਲੀ 'ਚ ਸੁਰੂ ਕੀਤੀ ਜਾ ਰਹੀ ਹੈ।
ਕਲਰਫੁਲ ਵੋਟਰ ਕਾਰਡ ਮਿਲੇਗਾ
ਮਤਦਾਤਾਵਾਂ ਨੂੰ ਨਾਰਮਲ ਦੀ ਵਜਾਏ ਵਿਸ਼ੇਸ਼ ਤੌਰ 'ਤੇ ਕਲਰਫੁਲ ਵੋਟਰ ਕਾਰਡ ਦਿੱਤਾ ਜਾਵੇਗਾ। ਇਕ ਅਫਸਰ ਦੇ ਮੁਤਾਬਕ, ਜੇਕਰ ਵੋਟਰ ਦੇ ਕੋਲ ਆਈ.ਕਾਰਡ ਅਤੇ ਪਰਚੀ ਨਹੀਂ ਹੈ ਤਾਂ ਵੀ ਉਸ ਨੂੰ ਵੋਟ ਪਾਉਣ ਦੇ ਮੌਕਾ ਦਿੱਤਾ ਜਾਵੇਗਾ। ਉਸਨੂੰ ਕੇਵਲ ਮਤਦਾਨ ਕੇਂਦਰ 'ਤੇ ਆਪਣਾ ਕੋਈ ਆਈ.ਕਾਰਡ ਲੈ ਕੇ ਜਾਣਾ ਹੋਵੇਗਾ ਅਤੇ ਗੂਗਲ 'ਚ ਦਰਜ ਨਾਮ ਅਤੇ ਪਤੇ ਨੂੰ ਦਿਖਾਉਣਾ ਹੋਵੇਗਾ।
