ਵਿਸ਼ਵ ਪੱਧਰ 'ਤੇ ਖਾਦਾਂ ਦੀਆਂ ਕੀਮਤਾਂ 'ਚ ਹੋਇਆ ਭਾਰੀ ਵਾਧਾ, ਸਟਾਕ ਨਾ ਹੋਣ ਕਾਰਨ ਪਰੇਸ਼ਾਨ ਹੋਏ ਕਿਸਾਨ

ਨਵੀਂ ਦਿੱਲੀ - ਹਰਿਆਣਾ ਦੇ ਪਾਣੀਪਤ ਜ਼ਿਲ੍ਹੇ ਦੀ ਮਦਲੌਦਾ ਤਹਿਸੀਲ ਦੇ ਉਰਲਾਣਾ ਖੁਰਦ ਪਿੰਡ ਦੇ ਕਿਸਾਨ ਕਈ ਹੋਰਨਾਂ ਕਿਸਾਨਾਂ ਦੀ ਤਰ੍ਹਾਂ, ਯੂਰੀਆ ਤੋਂ ਬਾਅਦ ਭਾਰਤ ਦੀ ਦੂਜੀ ਸਭ ਤੋਂ ਵੱਧ ਖਪਤ ਕੀਤੀ ਜਾਣ ਵਾਲੀ ਖਾਦ ਦੀ ਭਾਲ ਵਿੱਚ ਹੈ। ਕਿਸਾਨ ਜਿਆਦਾਤਰ ਬਿਜਾਈ ਤੋਂ ਪਹਿਲਾਂ 46% ਫਾਸਫੋਰਸ ਵਾਲੇ ਡੀਏਪੀ ਨੂੰ ਖੁਰਾਕ ਦੇ ਤੌਰ 'ਤੇ ਇਸਤੇਮਾਲ ਕਰਦੇ ਹਨ ਜੋ ਕਿ ਜੜ੍ਹਾਂ ਦੀ ਸਥਾਪਨਾ ਅਤੇ ਵਿਕਾਸ ਲਈ ਜ਼ਰੂਰੀ ਹੈ।

ਇਹ ਨਾ ਤਾਂ ਨਜ਼ਦੀਕੀ ਮੈਡਲੌਦਾ ਅਤੇ ਸਫਿਡੋਨ ਮੰਡੀਆਂ ਵਿੱਚ ਉਪਲਬਧ ਹੈ ਅਤੇ ਨਾ ਹੀ ਕਰਨਾਲ ਅਤੇ ਕੈਥਲ ਵਿੱਚ  ਮਿਲ ਰਹੀ ਹੈ। ਜਿਹੜੇ ਕਿਸਾਨ ਝੋਨਾ ਵੇਚਣ ਜਾਂਦੇ ਹਨ (ਇਸ ਵੇਲੇ ਕਟਾਈ ਕੀਤੀ ਜਾ ਰਹੀ ਹੈ) ਆਮ ਤੌਰ 'ਤੇ ਆਪਣੀ ਅਗਲੀ ਕਣਕ ਦੀ ਫਸਲ ਲਈ ਡੀਏਪੀ ਉਸੇ ਟਰੈਕਟਰ ਟਰਾਲੀਆਂ 'ਤੇ ਵਾਪਸ ਲਿਆਉਂਦੇ ਹਨ ਤਾਂ ਜੋ ਡੀਜ਼ਲ ਦਾ ਖ਼ਰਚਾ ਬਚਾਇਆ ਸਕੇ। ਪਰ ਇਸ ਵਾਰ, ਉਹ ਸਾਰੇ ਖਾਲੀ ਵਾਪਸ ਆ ਰਹੇ ਹਨ।

ਇਹ ਵੀ ਪੜ੍ਹੋ : 1000 ਰੁਪਏ ਹੋ ਸਕਦੀ ਹੈ ਗੈਸ ਸਿਲੰਡਰ ਦੀ ਕੀਮਤ, ਜਾਣੋ ਸਬਸਿਡੀ ਨੂੰ ਲੈ ਕੇ ਕੀ ਹੈ ਸਰਕਾਰ ਦਾ ਨਵਾਂ ਪਲਾਨ!

ਕਿਸਾਨਾਂ ਨੂੰ ਹਰ ਏਕੜ ਕਣਕ ਲਈ ਲਗਭਗ 110 ਕਿਲੋ ਯੂਰੀਆ, 50 ਕਿਲੋ ਡੀਏਪੀ ਅਤੇ 20 ਕਿਲੋ ਐਮਓਪੀ (ਮਿਊਰੇਟ ਆਫ਼ ਪੋਟਾਸ਼) ਦੀ ਲੋੜ ਹੁੰਦੀ ਹੈ। ਯੂਰੀਆ ਦੀ ਪਹਿਲੀ ਖੁਰਾਕ ਬਿਜਾਈ ਤੋਂ 25-26 ਦਿਨਾਂ ਬਾਅਦ ਦਿੱਤੀ ਜਾ ਸਕਦੀ ਹੈ। ਪਰ ਡੀਏਪੀ ਲਈ ਲੰਮਾ ਇੰਤਜ਼ਾਰ ਕਰਨ ਨਾਲ ਨੁਕਸਾਨ ਹੋ ਸਕਦਾ ਹੈ ਕਿਉਂਕਿ ਨਵੰਬਰ ਦੇ ਪਹਿਲੇ ਹਫਤੇ ਬਿਜਾਈ ਸ਼ੁਰੂ ਹੋਣ ਤੋਂ ਪਹਿਲਾਂ  ਇਸਦੀ ਵੱਡੀ ਜ਼ਰੂਰਤ ਹੁੰਦੀ ਹੈ।

ਆਲੂ ਦੀ ਬਿਜਾਈ ਕਰਨ ਵਾਲੇ ਕਿਸਾਨਾਂ ਲਈ ਨਿਰਾਸ਼ਾ ਵਧੇਰੇ ਹੈ, ਜਿੱਥੇ ਪੰਜਾਬ ਵਿੱਚ ਬਿਜਾਈ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੀ ਅਤੇ ਇਹ ਉੱਤਰ ਪ੍ਰਦੇਸ਼ ਵਿੱਚ ਮੱਧ ਅਕਤੂਬਰ ਤੋਂ ਨਵੰਬਰ ਦੇ ਅਰੰਭ ਤੱਕ ਜਾਰੀ ਰਹਿੰਦੀ ਹੈ। ਇਸ ਦੀ ਬਿਜਾਈ ਲਈ ਖਾਦ ਦੀ ਲੋੜ ਪ੍ਰਤੀ ਏਕੜ ਲਈ ਲਗਭਗ 110 ਕਿਲੋ ਯੂਰੀਆ, 90 ਕਿਲੋ ਡੀਏਪੀ ਅਤੇ 80 ਕਿਲੋ ਐਮਓਪੀ ਹੈ।

ਇਹ ਵੀ ਪੜ੍ਹੋ : ਪੈਟਰੋਲ-ਡੀਜ਼ਲ ਦੇ ਬਾਅਦ ਟਮਾਟਰ ਤੇ ਪਿਆਜ਼ ਨੇ ਕੱਢੇ ਹੰਝੂ, ਸਬਜ਼ੀਆਂ ਦੇ ਵੀ ਵਧੇ ਭਾਅ

ਪੰਜਾਬ ਦੇ ਇਕ ਕਿਸਾਨ ਨੇ 85 ਏਕੜ ਵਿੱਚ ਆਲੂ ਦੀ ਕਾਸ਼ਤ ਕਰਨ ਦੀ ਯੋਜਨਾ ਬਣਾਈ ਹੈ, ਜਿਸ ਵਿੱਚ ਉਸ ਦੀ ਆਪਣੀ 47 ਏਕੜ ਅਤੇ ਬਾਕੀ ਪਟੇ 'ਤੇ ਲਈ ਗਈ ਜ਼ਮੀਨ ਹੈ।

ਉਸ ਨੇ ਸ਼ਿਕਾਇਤ ਕੀਤੀ ਹੈ ਕਿ ਮੇਰੇ ਕੋਲ ਸਿਰਫ 30 ਬੈਗ (ਹਰੇਕ ਬੈਗ ਵਿਚ 50 ਕਿਲੋ ) ਡੀਏਪੀ ਅਤੇ 10 ਬੈਗ 12:32:16 (ਮਿਸ਼ਰਤ ਖਾਦ ਜਿਸ ਵਿੱਚ 12% ਨਾਈਟ੍ਰੋਜਨ ਜਾਂ N, 32% ਫਾਸਫੋਰਸ ਜਾਂ P ਅਤੇ 16% ਪੋਟਾਸ਼ੀਅਮ ਜਾਂ K ) ਹਨ। ਇਹ ਖ਼ਾਦ ਕੁੱਲ ਖੇਤਰ ਦੇ ਸ਼ਾਇਦ ਹੀ ਚੌਥੇ ਹਿੱਸੇ ਲਈ ਹੀ ਪੂਰੀ ਹੋਵੇ।

ਭਾਰਤ ਵਿੱਚ ਆਯਾਤ ਡੀਏਪੀ ਦੀ ਕੀਮਤ ਹੁਣ  675-680 ਡਾਲਰ ਪ੍ਰਤੀ ਟਨ (ਲਾਗਤ ਅਤੇ ਹਵਾਈ ਭਾੜਾ) ਹੈ, ਜਦੋਂ ਕਿ ਪਿਛਲੇ ਸਾਲ ਇਸ ਸਮੇਂ ਕੀਮਤ 370 ਡਾਲਰ ਸੀ। ਐਮਓਪੀ ਇੱਕ ਸਾਲ ਪਹਿਲਾਂ 230 ਡਾਲਰ ਪ੍ਰਤੀ ਟਨ ਤੇ ਆਯਾਤ ਕੀਤਾ ਗਿਆ ਸੀ, ਜਦੋਂ ਕਿ ਅੱਜ ਇਹ 500 ਡਾਲਰ ਤੋਂ ਘੱਟ ਵਿੱਚ ਉਪਲਬਧ ਨਹੀਂ ਹੈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।