ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਕਣਕ ਦੀਆਂ ਕੀਮਤਾਂ 'ਚ ਭਾਰੀ ਵਾਧਾ, ਵਪਾਰੀਆਂ ਦੀ ਵਧੀ ਚਿੰਤਾ

ਬਿਜ਼ਨੈੱਸ ਡੈਸਕ – ਤਿਉਹਾਰੀ ਸੀਜ਼ਨ ਦੀ ਆਮਦ ਤੋਂ ਪਹਿਲਾਂ ਹੀ ਕਣਕ ਦੀਆਂ ਕੀਮਤਾਂ ਵਿਚ ਆਏ ਅਚਾਨਕ ਉਛਾਲ ਨੇ ਆਟਾ, ਮੈਦਾ ਤੇ ਮਿਠਾਈਆਂ ਦੇ ਵਪਾਰ ਨਾਲ ਜੁੜੇ ਉਦਯੋਗਕਾਰਾਂ ਨੂੰ ਚਿੰਤਾ 'ਚ ਪਾ ਦਿੱਤਾ ਹੈ। ਇਸ ਵਾਰ ਅਜੇ ਤੱਕ ਕੇਂਦਰ ਸਰਕਾਰ ਵਲੋਂ ਸਰਕਾਰੀ ਟੈਂਡਰ ਜਾਰੀ ਨਹੀਂ ਕੀਤੇ ਗਏ, ਜਿਸ ਕਾਰਨ ਕਣਕ ਦੇ ਰੇਟਾਂ 'ਚ ਕਰੀਬ 300 ਰੁਪਏ ਪ੍ਰਤੀ ਕੁਇੰਟਲ ਦੀ ਵਾਧੂ ਵਾਧਾ ਹੋ ਚੁੱਕਾ ਹੈ।

ਇਹ ਵੀ ਪੜ੍ਹੋ :     ਲਗਾਤਾਰ ਤੀਜੇ ਦਿਨ ਟੁੱਟੇ ਸੋਨੇ ਦੇ ਭਾਅ, ਜਾਣੋ 24K-22K Gold ਦੀ ਕੀਮਤ

ਕੀ ਹੈ ਮਾਮਲਾ?

ਅਪ੍ਰੈਲ-ਮਈ ਦੌਰਾਨ ਕਣਕ ਦੀ ਖਰੀਦ ਮੁਹਿੰਮ ਮੁਕੰਮਲ ਹੋਣ ਤੋਂ ਬਾਅਦ ਆਟੇ-ਮੈਦੇ ਨਾਲ ਸੰਬੰਧਤ ਉਦਯੋਗਕਾਰਾਂ ਨੇ ਉਮੀਦ ਜਤਾਈ ਸੀ ਕਿ ਬਾਜ਼ਾਰ 'ਚ ਕਣਕ ਆਸਾਨੀ ਨਾਲ ਉਪਲਬਧ ਹੋਵੇਗੀ। ਪਰ ਸਰਕਾਰੀ ਟੈਂਡਰ ਨਾ ਆਉਣ ਕਾਰਨ ਬਾਜ਼ਾਰ 'ਚ ਕਣਕ ਦੀ ਉਪਲਬਧਤਾ 'ਤੇ ਅਸਰ ਪਿਆ ਅਤੇ ਕੀਮਤਾਂ ਵਧ ਗਈਆਂ ਹਨ।

ਕੇਂਦਰ ਸਰਕਾਰ ਵਲੋਂ ਆਖ਼ਰੀ ਵਾਰ ਜਨਵਰੀ 2024 ਵਿਚ ਖੁੱਲ੍ਹੇ ਬਾਜ਼ਾਰ ਲਈ ਕਣਕ ਦਾ ਟੈਂਡਰ ਜਾਰੀ ਕੀਤਾ ਗਿਆ ਸੀ। ਆਟੇ ਦੀਆਂ ਕੀਮਤਾਂ ਨੂੰ ਸਥਿਰ ਰੱਖਣ ਲਈ ਆਮ ਤੌਰ 'ਤੇ ਸਰਕਾਰ ਵਲੋਂ ਕੁਝ ਮਹੀਨਿਆਂ 'ਚ ਇਹ ਟੈਂਡਰ ਜਾਰੀ ਕੀਤਾ ਜਾਂਦਾ ਹੈ, ਪਰ ਇਸ ਵਾਰ ਅਜਿਹਾ ਨਹੀਂ ਹੋਇਆ।

ਇਹ ਵੀ ਪੜ੍ਹੋ :     FSSAI ਨੇ ਦਿੱਤੀ ਚਿਤਾਵਨੀ : ਭਾਰਤ 'ਚ ਮਿਲ ਰਿਹਾ ਨਕਲੀ ਤੇ ਜਾਨਲੇਵਾ ਪਨੀਰ

ਕੀਮਤਾਂ 'ਚ ਵਾਧਾ

ਜਿਸ ਕਣਕ ਦੀ ਕੀਮਤ ਕੁਝ ਹਫ਼ਤੇ ਪਹਿਲਾਂ 2600 ਰੁਪਏ ਪ੍ਰਤੀ ਕੁਇੰਟਲ ਸੀ, ਉਹ ਹੁਣ 2900 ਰੁਪਏ 'ਤੇ ਆ ਗਈ ਹੈ। ਕੇਂਦਰ ਵਲੋਂ ਖਰੀਦੀ ਗਈ ਕਣਕ ਦੀ ਬੇਸ ਕੀਮਤ 2275 ਰੁਪਏ ਸੀ, ਜੋ ਖਰਚਿਆਂ ਸਮੇਤ 2350 ਰੁਪਏ 'ਤੇ ਪਹੁੰਚਦੀ ਹੈ, ਪਰ ਮੌਜੂਦਾ ਬਾਜ਼ਾਰ ਕੀਮਤ ਇਸ ਤੋਂ ਕਾਫ਼ੀ ਵੱਧ ਹੈ।

ਮੈਦੇ ਦੀ ਮੰਗ ਤੇ ਤਿਉਹਾਰੀ ਦਬਾਅ

ਅਗਸਤ ਤੋਂ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਹੋਣੀ ਹੈ ਅਤੇ ਰੱਖੜੀ, ਜਨਮ ਅਸ਼ਟਮੀ ਤੋਂ ਲੈ ਕੇ ਗਣੇਸ਼ ਚਤੁਰਥੀ ਤੱਕ ਮਿਠਾਈਆਂ ਦੀ ਮੰਗ ਵਧੇਗੀ। ਮੁੱਖ ਤੌਰ 'ਤੇ ਰਾਜਸਥਾਨ, ਗੁਜਰਾਤ ਅਤੇ ਮਹਾਰਾਸ਼ਟਰ ਵਰਗੇ ਰਾਜਾਂ ਵਿਚ ਘੇਵਰ ਵਰਗੀ ਮਿਠਾਈ ਦੀ ਉੱਚ ਮਾਤਰਾ ਵਿਚ ਮੰਗ ਹੁੰਦੀ ਹੈ, ਜਿਸ ਲਈ ਮੈਦਾ ਵੱਡੀ ਪੱਧਰ 'ਤੇ ਪੰਜਾਬ ਤੋਂ ਭੇਜਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ :     ਕੇਂਦਰ ਸਰਕਾਰ ਦਾ ਵੱਡਾ ਫੈਸਲਾ: ਇਨ੍ਹਾਂ ਮੁਲਾਜ਼ਮਾਂ ਨੂੰ ਮਿਲੇਗੀ ਤਨਖ਼ਾਹ ਸਮੇਤ 30 ਦਿਨ ਦੀਆਂ ਛੁੱਟੀਆਂ 

ਵਪਾਰੀਆਂ ਦੀ ਮੰਗ – ਜਲਦੀ ਜਾਰੀ ਹੋਣ ਟੈਂਡਰ

ਵਪਾਰੀ ਹਲਕਿਆਂ ਦਾ ਮੰਨਣਾ ਹੈ ਕਿ ਜੇਕਰ ਅਗਲੇ ਕੁਝ ਦਿਨਾਂ ਵਿੱਚ ਸਰਕਾਰੀ ਕਣਕ ਦਾ ਟੈਂਡਰ ਜਾਰੀ ਨਹੀਂ ਕੀਤਾ ਜਾਂਦਾ, ਤਾਂ ਕੀਮਤਾਂ 'ਚ ਹੋਰ ਵੀ ਤੇਜ਼ੀ ਆ ਸਕਦੀ ਹੈ, ਜਿਸ ਨਾਲ ਆਮ ਲੋਕਾਂ ਲਈ ਰੋਜ਼ਾਨਾ ਵਰਤੋਂ ਵਾਲੀ ਆਟਾ, ਮੈਦਾ ਅਤੇ ਮਿਠਾਈਆਂ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਣ ਦੇ ਆਸਾਰ ਹਨ।

ਨਤੀਜਾ – ਨਜ਼ਰ ਸਰਕਾਰ ਦੇ ਅਗਲੇ ਕਦਮ 'ਤੇ

ਹੁਣ ਸਾਰੀਆਂ ਉਮੀਦਾਂ ਕੇਂਦਰ ਸਰਕਾਰ ਦੇ ਅਗਲੇ ਫੈਸਲੇ ਉੱਤੇ ਟਿਕੀਆਂ ਹੋਈਆਂ ਹਨ। ਜੇਕਰ ਅਗਸਤ ਸ਼ੁਰੂ ਹੋਣ ਤੋਂ ਪਹਿਲਾਂ ਟੈਂਡਰ ਜਾਰੀ ਕਰ ਦਿੱਤਾ ਜਾਂਦਾ ਹੈ, ਤਾਂ ਬਾਜ਼ਾਰ 'ਚ ਸਥਿਰਤਾ ਆ ਸਕਦੀ ਹੈ, ਨਹੀਂ ਤਾਂ ਕੀਮਤਾਂ ਹੋਰ ਵਧ ਸਕਦੀਆਂ ਹਨ।

ਇਹ ਵੀ ਪੜ੍ਹੋ :     ਨਵੇਂ ਰਿਕਾਰਡ ਪੱਧਰ ਤੋਂ ਮੂਧੇ ਮੂੰਹ ਡਿੱਗੇ ਸੋਨੇ ਦੇ ਭਾਅ, ਚਾਂਦੀ ਦੀਆਂ ਕੀਮਤਾਂ 'ਚ ਵਾਧਾ ਜਾਰੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8