ਵਿਸ਼ਵ ਯੁਵਾ ਸ਼ਤਰੰਜ ਓਲੰਪੀਆਡ - ਭਾਰਤ ਨੇ ਪਨਾਮਾ ਨੂੰ 4-0 ਨਾਲ ਹਰਾ ਕੇ ਕੀਤੀ ਸ਼ੁਰੂਆਤ

ਨਹਚੀਵਨ, ਅਜ਼ਰਬੈਜਾਨ (ਨਿਕਲੇਸ਼ ਜੈਨ)- ਵਿਸ਼ਵ ਯੁਵਾ ਅੰਡਰ-16 ਸ਼ਤਰੰਜ ਓਲੰਪੀਆਡ ਦੇ ਪਹਿਲੇ ਦਿਨ ਖਿਤਾਬ ਦੇ ਦਾਅਵੇਦਾਰ ਭਾਰਤ ਨੇ ਦੱਖਣੀ ਅਮਰੀਕੀ ਦੇਸ਼ ਪਨਾਮਾ ਨੂੰ 4-0 ਨਾਲ ਹਰਾ ਕੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਭਾਰਤੀ ਟੀਮ ਲਈ ਖੇਡਦੇ ਹੋਏ ਪਹਿਲੇ ਬੋਰਡ 'ਤੇ ਸਫੈਦ ਮੋਹਰਿਆਂ ਨਾਲ ਪ੍ਰਣਵ ਵੀ. ਨੇ ਆਂਦਰੇ ਮੇਂਡੇਜ਼ ਨੂੰ, ਦੂਜੇ ਬੋਰਡ 'ਤੇ ਕਾਲੇ ਮੋਹਰਿਆਂ ਨਾਲ ਪ੍ਰਣੇਸ਼ ਐਮ ਨੇ ਐਨ ਆਰਤੁਰੋ ਨਿਕੋਲਸ ਨੂੰ, ਤੀਜੇ ਬੋਰਡ 'ਤੇ ਸਫੈਦ ਮੋਹਰਿਆਂ ਨਾਲ ਰੋਹਿਤ ਐੱਸ ਨੇ ਐਨ ਸ਼੍ਰੇਲ ਸੇਬੇਸਟੀਅਨ ਨੂੰ ਤੇ ਚੌਥੇ ਬੋਰਡ 'ਤੇ ਕਾਲੇ ਮੋਹਰਿਆਂ ਨਾਲ ਤਨੀਸ਼ਾ ਬੋਰਮਾਨੀਕਰ ਨੇ ਅਲੈਕਜੈਂਡਰਾ ਅਸ਼ਲੇ ਨੂੰ ਹਰਾ ਕੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਭਾਰਤ ਨੂੰ ਮੁਕਾਬਲੇ ਵਿੱਚ ਤੀਜਾ ਦਰਜਾ ਦਿੱਤਾ ਗਿਆ ਹੈ, ਜਦਕਿ ਈਰਾਨ ਨੂੰ ਪਹਿਲਾ ਅਤੇ ਉਜ਼ਬੇਕਿਸਤਾਨ ਨੂੰ ਦੂਜਾ ਦਰਜਾ ਦਿੱਤਾ ਗਿਆ ਹੈ। ਅਗਲੇ ਦੌਰ ਵਿੱਚ ਭਾਰਤ ਦਾ ਸਾਹਮਣਾ 11ਵਾਂ ਦਰਜਾ ਪ੍ਰਾਪਤ ਮੈਕਸੀਕਨ ਟੀਮ ਨਾਲ ਹੋਵੇਗਾ।

Board Pairings