...ਜਦੋਂ ਬਾਲੀਵੁੱਡ ਸੌਂਗ 'ਤੇ ਥਿਰਕੀ ਅਮਰੀਕੀ ਟੈਨਿਸ ਸਟਾਰ

ਜਲੰਧਰ - ਵਿੰਬਲਡਨ 2019 ਦੇ ਕੁਆਰਟਰ ਫਾਈਨਲ ਵਿਚ ਪਹੁੰਚੀ ਅਮਰੀਕੀ ਟੈਨਿਸ ਸਟਾਰ ਐਲਿਸਨ ਰਿਸਕੇ ਨੇ ਭਾਰਤੀ ਮੂਲ ਦੇ ਸਟੀਫਨ ਅੰਮ੍ਰਿਤਰਾਜ ਨਾਲ ਵਿਆਹ ਕਰ ਲਿਆ ਹੈ। ਖਾਸ ਗੱਲ ਇਹ ਰਹੀ ਕਿ ਆਪਣੇ ਵਿਆਹ 'ਤੇ ਐਲਿਸਨ ਬਾਲੀਵੁੱਡ ਦੇ ਕਈ ਗੀਤਾਂ 'ਤੇ ਡਾਂਸ ਕਰਦੀ ਹੋਈ ਨਜ਼ਰ ਵੀ ਆਈ। ਉਸ ਨੇ ਬਾਲੀਵੁੱਡ ਦੀ ਫਿਲਮ 'ਵਾਰ-ਵਾਰ ਦੇਖੋ' ਦੇ ਗੀਤ 'ਬਨ-ਠਨ ਕੇ, ਸਾਰੇ ਕੇ ਸਾਰੇ ਨਜ਼ਾਰੇ' ਉੱਤੇ ਡਾਂਸ ਕੀਤਾ। ਐਲਨ ਨੇ ਆਪਣੇ ਡਾਂਸ ਦੀ ਵੀਡੀਓ ਜਦੋਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਤਾਂ ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੇ ਵੀ ਉਸ ਦੀ ਸ਼ਲਾਘਾ ਕੀਤੀ। ਸਾਨੀਆ ਨੇ ਲਿਖਿਆ, ''ਵਧਾਈ... ਤੁਹਾਨੂੰ ਤੇ ਸਟੀਫਨ ਅੰਮ੍ਰਿਤਰਾਜ ਨੂੰ। ਵਿਆਹ ਦੀ ਬਹੁਤ-ਬਹੁਤ ਵਧਾਈ।''

Yay!! Congratulations.. to you and @stephenamritraj ❤️ those moves btw 👏🏽👏🏽 https://t.co/VXUJeetN4J

— Sania Mirza (@MirzaSania) July 22, 2019

officially an Amritraj! I’m the luckiest lady because of @stephenamritraj ! where all my new Indian followers at??!! here’s a little Bollywood to try to win over your affection! 🤣💞🥂 pic.twitter.com/ejX29aT5cF

— Alison Riske-Amritraj🇺🇸🇮🇳 (@Riske4rewards) July 21, 2019

ਐਲਿਸਨ ਤੇ ਸਟੀਫਨ ਲੰਬੇ ਸਮੇਂ ਤੋਂ ਲਿਵ ਇਨ ਵਿਚ ਰਹਿ ਰਹੇ ਸਨ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਦੇ ਪਵਿੱਤਰ ਬੰਧਨ ਵਿਚ ਬੱਝਣ ਦਾ ਫੈਸਲਾ ਕੀਤਾ। ਅੰਮ੍ਰਿਤਰਾਜ ਭਾਰਤ ਦਾ ਸਾਬਕਾ ਡੇਵਿਸ ਕੱਪ ਖਿਡਾਰੀ ਤੇ ਕਪਤਾਨ ਆਨੰਦ ਅੰਮ੍ਰਿਤਰਾਜ ਦਾ ਬੇਟਾ ਹੈ। ਉਥੇ ਹੀ ਐਲਿਸਨ ਅਮਰੀਕਾ ਦੀ ਟੈਨਿਸ ਖਿਡਾਰਨ ਹੈ। ਐਲਿਸਨ ਇਸ ਸਮੇਂ ਵਰਲਡ ਰੈਂਕਿੰਗ ਵਿਚ 37ਵੇਂ ਨੰਬਰ ਦੀ ਖਿਡਾਰਨ ਹੈ। ਉਹ ਵਿੰਬਲਡਨ 2019 ਵਿਚ ਵਰਲਡ ਨੰਬਰ ਵਨ ਐਸ਼ਲੇ ਬਾਰਟੀ ਨੂੰ ਹਰਾ ਕੇ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿਚ ਪਹੁੰਚੀ ਸੀ, ਜਿਥੇ ਉਸ ਨੂੰ ਸੇਰੇਨਾ ਵਿਲੀਅਮਸ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।

Best day of my life to marry the woman of my dreams @Riske4rewards and to be surrounded by family, friends, mentors, colleagues and coaches.

Thank you to everyone who has sent messages to us.

Grateful beyond words. pic.twitter.com/8O3uZ84NZz

— Stephen Amritraj (@stephenamritraj) July 21, 2019