ਉੱਪਲ ਨੇ ਸ਼ਕੀਲ ਨੂੰ ਹਰਾ ਕੇ ਆਖਰੀ 4 ''ਚ ਕੀਤਾ ਪ੍ਰਵੇਸ਼

ਮੁੰਬਈ— ਦਿੱਲੀ ਦੇ ਅਨੁਜ ਉੱਪਲ ਨੇ ਬੁੱਧਵਾਰ ਨੂੰ ਇੱਥੇ ਸੀ. ਸੀ. ਆਈ. ਅਖਿਲ ਭਾਰਤੀ ਓਪਨ ਸਨੂਕਰ ਚੈਂਪੀਅਨਸ਼ਿਪ ਦੇ ਤੀਸਰੇ ਦੌਰ ਦੇ ਮੈਚ 'ਚ ਰੇਲਵੇ ਦੇ ਕਯੂਈਸਟ ਸ਼ਕੀਲ ਅਹਿਮਦ ਨੂੰ 3-0 ਨਾਲ ਹਰਾ ਕੇ ਉਲਟਫੇਰ ਕੀਤਾ। ਉੱਪਲ ਨੇ ਕ੍ਰਿਕਟ ਕਲੱਬ ਆਫ ਇੰਡੀਆ 'ਚ ਵੈੱਸਟ ਆਫ ਫਾਈਵ ਦੇ ਮੁਕਾਬਲੇ 'ਚ 71-25, 58-52, 61-23 ਨਾਲ ਹਰਾ ਕੇ ਆਖਰੀ 4 'ਚ ਜਗ੍ਹਾਂ ਪੱਕੀ ਕੀਤੀ।
ਰੇਲਵੇ ਦੇ 2 ਹੋਰ ਖਿਡਾਰੀਆਂ ਵਧੀਆ ਖੇਡ ਖੇਡਿਆ। ਮੁਹੰਮਦ ਹੁਸੈਨ ਨੇ ਮਨਦੀਪ ਸਿੰਘ ਨੂੰ 3-1 ਨਾਲ ਜਦਕਿ ਮਲਕੀਤ ਸਿੰਘ ਨੇ ਮਾਜ ਚੱਕੀਵਾਲਾ ਨੂੰ 3-0 ਨਾਲ ਹਰਾਇਆ। ਇਸ ਦੇ ਨਾਲ ਹੀ ਗੁਜਰਾਤ ਦੇ ਰੂਪੇਸ਼ ਸ਼ਾਹ ਨੇ ਦੂਸਰੇ ਦੌਰ ਦੇ ਮੈਚ 'ਚ ਸੁਬ੍ਰਤ ਦਾਸ 'ਤੇ 3-0 ਨਾਲ ਜਿੱਤ ਹਾਸਲ ਕੀਤੀ।