ਲੱਦਾਖ ਪਹੁੰਚੇ ਕੇਂਦਰੀ ਖੇਡ ਮੰਤਰੀ, ਕਈ ਖੇਡ ਸਹੂਲਤਾਂ ਦੀ ਰੱਖੀ ਨੀਂਹ

ਲੱਦਾਖ- ਕੇਂਦਰੀ ਖੇਡ ਮੰਤਰੀ ਕਿਰਨ ਰਿਜੀਜੂ ਨੇ ਲੱਦਾਖ 'ਚ ਉਪ ਰਾਜਪਾਲ ਆਰ. ਕੇ. ਮਾਥੁਰ ਦੀ ਮੌਜੂਦਗੀ 'ਚ ਕਈ ਖੇਡ ਸਹੂਲਤਾਂ ਦਾ ਨੀਂਹ ਪੱਥਰ ਰੱਖਿਆ। ਖੇਡ ਮੰਤਰਾਲਾ ਦੇ ਬਿਆਨ ਦੇ ਅਨੁਸਾਰ, ਲੇਹ ਦੇ ਲੇਹਾਤ ਓਪਨ ਸਟੇਡੀਅਮ 'ਚ ਬਣਨ ਵਾਲੇ ਸਿੰਥੈਟਿਕ ਟ੍ਰੈਕ ਅਤੇ ਫੁੱਟਬਾਲ ਦੇ ਐਸਟ੍ਰੋਟਰਫ ਦੀ ਉਸਾਰੀ 'ਤੇ ਲੱਗਭਗ 10 ਕਰੋੜ 68 ਲੱਖ ਰੁਪਏ ਦਾ ਖਰਚਾ ਆਵੇਗਾ। ਇਸ ਦੇ ਜਨਵਰੀ 2021 ਤੱਕ ਪੂਰਾ ਹੋਣ ਦੀ ਉਮੀਦ ਹੈ। ਐੱਨ. ਡੀ. ਐੱਸ. ਇੰਡੋਰ ਸਟੇਡੀਅਮ 'ਚ ਇਕ ਕਰੋੜ 52 ਲੱਖ ਰੁਪਏ ਦੇ ਖਰਚ ਨਾਲ ਜਿਮਨੇਜੀਅਨ ਹਾਲ ਦੇ ਨਿਰਮਾਣ ਦੀ ਯੋਜਨਾ ਬਣਾਈ ਗਈ ਹੈ ਅਤੇ ਇਸਦਾ ਨਿਰਮਾਣ ਅਗਲੇ ਸਾਲ ਮਾਰਚ 'ਚ ਪੂਰਾ ਹੋਵੇਗਾ।

The young Boys and girls of Ladakh have the same dreams to become champions in life for India 🇮🇳

मैं आज का पूरा दिन लद्दाख के खिलाड़ियों को समर्पित करता हूं! https://t.co/3Ew04pRD7F pic.twitter.com/p3sOV7DPKI

— Kiren Rijiju (@KirenRijiju) September 14, 2020

Great day for sports in Ladakh!
Laid foundation stone for Synthetic Track & Astro Turf for Football and Gymnasium Hall at NDS Stadium in Leh.
Within short time, these projects are initiated to fulfill the aspirations of the people of Ladakh & commitment of PM @narendramodi Ji. pic.twitter.com/o4MytZX762

— Kiren Rijiju (@KirenRijiju) September 14, 2020

ਰਿਜੀਜੂ ਨੇ ਨਾਲ ਹੀ ਦੇਸ਼ ਭਰ ਦੇ ਆਈਸ ਹਾਕੀ ਸੰਘਾਂ ਨਾਲ ਇਕਜੁੱਟ ਹੋ ਕੇ ਖੇਡ ਨੂੰ ਮਾਨਤਾ ਦੇਣ ਲਈ ਵੀ ਕਿਹਾ। ਉਪ ਰਾਜਪਾਲ ਮਾਥੁਰ ਨੇ ਖੇਡ ਮੰਤਰੀ ਨੂੰ ਅਪੀਲ ਕੀਤੀ ਕਿ ਉਹ ਲੱਦਾਖ 'ਚ ਖੇਡ ਵਿਕਾਸ ਦੀ ਸੰਭਾਵਨਾ ਦਾ ਲਾਭ ਲੈਣ। ਉਨ੍ਹਾਂ ਨੇ ਸੁਝਾਅ ਦਿੱਤਾ ਕਿ ਸਰਦੀਆਂ 'ਚ ਦੇਸ਼ ਦੇ ਹੋਰ ਹਿੱਸਿਆ ਤੋਂ ਲੋਕ ਸਰਦੀਆਂ ਦੀਆਂ ਖੇਡਾਂ ਦਾ ਅਨੁਭਵ ਲੈਣ ਦੇ ਲਈ ਲੱਦਾਖ ਆਉਣ। ਇਸ ਮੌਕੇ 'ਤੇ ਕੇਂਦਰੀ ਖੇਡ ਮੰਤਰੀ ਕਿਰਣ ਰਿਜੀਜੂ ਨੇ ਕਿਹਾ ਕਿ ਸਰਕਾਰ ਦੇਸ਼ 'ਚ ਖੇਡ ਸੱਭਿਆਚਾਰ ਤਿਆਰ ਕਰਨ ਦੇ ਲਈ ਵਚਨਵੱਧ ਹੈ।