ਸਾਇਨਾ ਨੇਹਵਾਲ ਨੇ ਸ਼ੁਰੂ ਕੀਤੀ ਸਿਖਲਾਈ

ਨਵੀਂ ਦਿੱਲੀ– ਲੰਡਨ ਓਲੰਪਿਕ ਦੀ ਕਾਂਸੀ ਤਮਗਾ ਜੇਤੂ ਸਾਇਨਾ ਨੇਹਵਾਲ ਕੋਰੋਨਾ ਵਾਇਰਸ ਦੇ ਕਾਰਣ ਬ੍ਰੇਕ ਤੋਂ ਬਾਅਦ ਹੈਦਰਾਬਾਦ ਵਿਚ ਟ੍ਰੇਨਿੰਗ ਦੁਬਾਰਾ ਸ਼ੁਰੂ ਕਰ ਦਿੱਤੀ ਹੈ ਤੇ ਉਸ ਦੇ ਕੁਝ ਹਫਤਿਆਂ ਵਿਚ ਭਾਰਤੀ ਖੇਡ ਅਥਾਰਟੀ (ਸਾਈ) ਪੁਲੇਲਾ ਗੋਪੀਚੰਦ ਅਕੈਡਮੀ ਵਿਚ ਰਾਸ਼ਟਰੀ ਬੈਡਮਿੰਟਨ ਕੈਂਪ ਨਾਲ ਜੁੜਨ ਦੀ ਉਮੀਦ ਹੈ। ਸਾਇਨਾ ਓਲੰਪਿਕ ਤਮਗੇ ਦੇ ਉਨ੍ਹਾਂ ਦਾਅਵੇਦਾਰਾਂ ਵਿਚ ਸ਼ਾਮਲ ਹੈ, ਜਿਨ੍ਹਾਂ ਨੂੰ ਸਾਈ ਨੇ ਅਗਸਤ ਤੋਂ ਟ੍ਰਿਨੰਗ ਸ਼ੁਰੂ ਕਰਨ ਦੀ ਮਨਜ਼ੂਰੀ ਦਿੱਤੀ ਹੈ।
ਦੁਨੀਆ ਦੀ ਸਾਬਕਾ ਨੰਬਰ ਇਕ ਖਿਡਾਰਨ ਸਾਇਨਾ ਨੇ ਹਾਲਾਂਕਿ ਫਿਲਹਾਲ ਆਪਣੇ ਬੈਡਮਿੰਟਨ ਖਿਡਾਰੀ ਪਤੀ ਪਰੂਪੱਲੀ ਕਸ਼ਯਪ ਤੇ 2014 ਰਾਸ਼ਟਰ ਮੰਡਲ ਖੇਡਾਂ ਦੇ ਕਾਂਸੀ ਤਮਗਾ ਜੇਤੂ ਆਰ. ਐੱਮ. ਵੀ. ਗੁਰਸਾਈਂਦਤ ਦੇ ਨਾਲ ਗੋਪੀਚੰਦ ਅਕੈਡਮੀ ਦੇ ਨੇੜੇ ਵੱਖਰੇ ਕੇਂਦਰ ਵਿਚ ਟ੍ਰੇਨਿੰਗ ਕਰਨ ਦਾ ਫੈਸਲਾ ਕੀਤਾ ਹੈ।