ਤਿਲੋਤਮਾ ਨੇ ਰਾਸ਼ਟਰੀ ਟਰਾਇਲਾਂ ਦੇ 50 ਮੀਟਰ ਥ੍ਰੀ ਪੀ ਰਾਈਫਲ ’ਚ ਲਾਈ ਜਿੱਤ ਦੀ ਹੈਟ੍ਰਿਕ

ਨਵੀਂ ਦਿੱਲੀ– ਰਾਸ਼ਟਰੀ ਚੈਂਪੀਅਨ ਤਿਲੋਤਮਾ ਸੇਨ ਨੇ ਸ਼ਾਨਦਾਰ ਲੈਅ ਜਾਰੀ ਰੱਖਦੇ ਹੋਏ ਡਾ. ਕਰਣੀ ਸਿੰਘ ਨਿਸ਼ਾਨੇਬਾਜ਼ੀ ਕੰਪਲੈਕਸ ’ਚ ਚੱਲ ਰਹੇ ਰਾਸ਼ਟਰੀ ਚੋਣ ਟਰਾਇਲ (ਗਰੁੱਪ-ਏ) ’ਚ ਸੋਮਵਾਰ ਨੂੰ 50 ਮੀਟਰ ਰਾਈਫਲ ਥ੍ਰੀ ਪੁਜੀਸ਼ਨ ਮਹਿਲਾ ਦੇ ਫਾਈਨਲ ’ਚ ਲਗਾਤਾਰ ਤੀਜੀ ਜਿੱਤ ਦਰਜ ਕੀਤੀ। ਉਸ ਨੇ ਇਸ ਤੋਂ ਪਹਿਲਾਂ ਜਨਵਰੀ ’ਚ ਹੋਏ ਰਾਸ਼ਟਰੀ ਚੋਣ ਟਰਾਇਲ ਟੀ-1 ਅਤੇ ਟੀ-2 ਦੇ ਫਾਈਨਲ ’ਚ ਵੀ ਝੰਡਾ ਲਹਿਰਾਇਆ ਸੀ।

ਪੁਰਸ਼ ਵਰਗ ਦੇ ਫਾਈਨਲ ’ਚ ਕਿਰਨ ਅੰਕੁਸ਼ ਜਾਧਵ ਨੇ ਚੋਟੀ ਦਾ ਸਥਾਨ ਹਾਸਲ ਕੀਤਾ ਜਦਕਿ 10 ਮੀਟਰ ਏਅਰ ਪਿਸਟਲ ਟੀ-3 ਫਾਈਨਲ ’ਚ ਉਦੈਯਵੀਰ ਸਿੱਧੂ ਜੇਤੂ ਰਿਹਾ।