ਆਯੂਸ਼ ਸ਼ੈੱਟੀ ਦਾ ਧਮਾਕਾ: ਏਸ਼ੀਆ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਫਾਈਨਲ ''ਚ ਪਹੁੰਚੇ

ਨਿੰਗਬੋ : ਭਾਰਤ ਦੇ ਉੱਭਰਦੇ ਬੈਡਮਿੰਟਨ ਸਿਤਾਰੇ ਆਯੂਸ਼ ਸ਼ੈੱਟੀ ਨੇ ਨਿੰਗਬੋ ਵਿੱਚ ਖੇਡੀ ਜਾ ਰਹੀ ਬੈਡਮਿੰਟਨ ਏਸ਼ੀਆ ਚੈਂਪੀਅਨਸ਼ਿਪ ਵਿੱਚ ਇੱਕ ਵੱਡਾ ਉਲਟਫੇਰ ਕਰਦਿਆਂ ਇਤਿਹਾਸ ਰਚ ਦਿੱਤਾ ਹੈ। ਵਿਸ਼ਵ ਦੇ 25ਵੇਂ ਨੰਬਰ ਦੇ ਖਿਡਾਰੀ ਆਯੂਸ਼ ਨੇ ਸ਼ਨੀਵਾਰ ਨੂੰ ਸੈਮੀਫਾਈਨਲ ਮੁਕਾਬਲੇ ਵਿੱਚ ਚੋਟੀ ਦਾ ਦਰਜਾ ਪ੍ਰਾਪਤ ਅਤੇ ਮੌਜੂਦਾ ਚੈਂਪੀਅਨ ਕੁੰਲਾਵਤ ਵਿਤਿਦਸਰਨ ਨੂੰ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰ ਲਈ ਹੈ।

ਵਿਸ਼ਵ ਚੈਂਪੀਅਨ ਅਤੇ ਓਲੰਪਿਕ ਤਮਗਾ ਜੇਤੂ ਨੂੰ ਦਿੱਤੀ ਮਾਤ 
ਆਯੂਸ਼ ਸ਼ੈੱਟੀ ਨੇ ਪੈਰਿਸ ਓਲੰਪਿਕ ਦੇ ਚਾਂਦੀ ਦਾ ਤਮਗਾ ਜੇਤੂ ਅਤੇ 2023 ਦੇ ਵਿਸ਼ਵ ਚੈਂਪੀਅਨ ਵਿਤਿਦਸਰਨ ਨੂੰ ਤਿੰਨ ਗੇਮਾਂ ਦੇ ਸਖ਼ਤ ਮੁਕਾਬਲੇ ਵਿੱਚ 10-21, 21-19, 21-17 ਨਾਲ ਮਾਤ ਦਿੱਤੀ। ਪਹਿਲਾ ਗੇਮ ਗੁਆਉਣ ਦੇ ਬਾਵਜੂਦ ਆਯੂਸ਼ ਨੇ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਅਗਲੇ ਦੋਵੇਂ ਗੇਮ ਜਿੱਤ ਕੇ ਖਿਤਾਬੀ ਮੁਕਾਬਲੇ ਵਿੱਚ ਪ੍ਰਵੇਸ਼ ਕੀਤਾ।

59 ਸਾਲਾਂ ਦਾ ਸੋਕਾ ਖਤਮ 
ਇਸ ਜਿੱਤ ਦੇ ਨਾਲ ਆਯੂਸ਼ ਸ਼ੈੱਟੀ ਦਿਨੇਸ਼ ਖੰਨਾ (1965) ਤੋਂ ਬਾਅਦ ਇਸ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲਜ਼ ਫਾਈਨਲ ਵਿੱਚ ਪਹੁੰਚਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਹਨ। ਜ਼ਿਕਰਯੋਗ ਹੈ ਕਿ ਦਿਨੇਸ਼ ਖੰਨਾ ਨੇ 1965 ਵਿੱਚ ਪੁਰਸ਼ ਸਿੰਗਲਜ਼ ਵਿੱਚ ਸੋਨ ਤਮਗਾ ਜਿੱਤਿਆ ਸੀ। ਇਸ ਤੋਂ ਪਹਿਲਾਂ ਸਾਲ 2023 ਵਿੱਚ ਸਾਤਵਿਕ ਸਾਈਰਾਜ ਰੰਕੀਰੇਡੀ ਅਤੇ ਚਿਰਾਗ ਸ਼ੈੱਟੀ ਦੀ ਜੋੜੀ ਨੇ ਡਬਲਜ਼ ਖਿਤਾਬ ਆਪਣੇ ਨਾਮ ਕੀਤਾ ਸੀ।

ਫਾਈਨਲ ਵਿੱਚ ਅਗਲੀ ਚੁਣੌਤੀ 
ਯੂਐਸ ਓਪਨ ਸੁਪਰ 300 ਦੇ ਚੈਂਪੀਅਨ ਰਹਿ ਚੁੱਕੇ ਆਯੂਸ਼ ਸ਼ੈੱਟੀ ਦਾ ਸਾਹਮਣਾ ਹੁਣ ਫਾਈਨਲ ਵਿੱਚ ਚੀਨੀ ਤਾਈਪੇ ਦੇ ਚੌਥੀ ਵਰੇਗਤਾ ਪ੍ਰਾਪਤ ਚੋਊ ਤਿਏਨ ਚੇਨ ਜਾਂ ਚੀਨ ਦੇ ਦੂਜੀ ਵਰੇਗਤਾ ਪ੍ਰਾਪਤ ਸ਼ੀ ਯੂ ਕੀ ਵਿਚਾਲੇ ਹੋਣ ਵਾਲੇ ਮੁਕਾਬਲੇ ਦੇ ਜੇਤੂ ਨਾਲ ਹੋਵੇਗਾ।