ਇਸ ਅਦਾਕਾਰਾ ਨੂੰ ਸਭ ਤੋਂ ਜ਼ਿਆਦਾ ਸਮਾਰਟ ਲਗਦਾ ਹੈ ਇਹ ਭਾਰਤੀ ਕ੍ਰਿਕਟਰ

ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਟੀਮ ਦੇ ਖਿਡਾਰੀਆਂ ਦੇ ਦੁਨੀਆ ਵਿਚ ਲੱਖਾਂ ਦੀ ਗਿਣਤੀ 'ਚ ਪ੍ਰਸ਼ੰਸਕ ਹਨ। ਫਿਲਮੀ ਦੁਨੀਆ ਨਾਲ ਜੁੜੇ ਲੋਕਾਂ ਦਾ ਖਿਡਾਰੀਆਂ ਨੂੰ ਪਸੰਦ ਕਰਨਾ ਆਮ ਗੱਲ ਹੈ। 

ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੀ ਅਦਾਕਾਰਾ ਦੇ ਬਾਰੇ ਵਿਚ ਜਾਣਕਾਰੀ ਦੇਣ ਜਾ ਰਹੇ ਹਾਂ ਜੋ ਕਪਤਾਨ ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ ਜਾਂ ਕੇ. ਐੱਲ. ਰਾਹੁਲ ਨੂੰ ਨਹੀਂ ਸਗੋਂ ਭਾਰਤੀ ਟੀਮ ਦੇ ਚਾਈਨਾਮੈਨ ਗੇਂਦਬਾਜ਼ ਕੁਲਦੀਪ ਯਾਦਵ ਨੂੰ ਬਹੁਤ ਪਸੰਦ ਕਰਦੀ ਹੈ। ਇਹ ਹੋਰ ਕੋਈ ਨਹੀਂ ਸਗੋਂ ਦੱਖਣੀ ਭਾਰਤੀ ਫਿਲਮਾਂ ਦੀ ਸਟਾਰ ਅਦਾਕਾਰਾ ਕ੍ਰਿਤਿ ਸੁਰੇਸ਼ ਹੈ। ਬੈਸਟ ਗੇਂਦਬਾਜ਼ ਦਾ ਰਾਸ਼ਟਰੀ ਪੁਰਸਕਾਰ ਜਿੱਤ ਚੁੱਕੀ ਕ੍ਰਿਤਿ ਸੁਰੇਸ਼ ਨੇ ਕਈ ਸੁਪਰਹਿੱਟ ਫਿਲਮਾਂ ਵਿਚ ਕੰਮ ਕੀਤਾ ਹੈ।

ਇਕ ਇੰਟਰਵਿਊ ਵਿਚ ਜਦੋਂ ਕ੍ਰਿਤਿ ਸੁਰੇਸ਼ ਤੋਂ ਪੁੱਛਿਆ ਗਿਆ ਕਿ ਉਸ ਦਾ ਪਸੰਦੀਦਾ ਕ੍ਰਿਕਟਰ ਕੌਣ ਹੈ ਤਾਂ ਉਸ ਨੇ ਸਪਿਨ ਗੇਂਦਬਾਜ਼ ਕੁਲਦੀਪ ਯਾਦਵਨ ਦਾ ਨਾਂ ਲਿਆ। ਇਸ ਦੌਰਾਨ ਉਸ ਤੋਂ ਪੁੱਛਿਆ ਗਿਆ ਕਿ ਟੀਮ ਇੰਡੀਆ ਦਾ ਕਿਹੜਾ ਕ੍ਰਿਕਟਰ ਸਭ ਤੋਂ ਜ਼ਿਆਦਾ ਸਮਾਰਟ ਲਗਦਾ ਹੈ ਤਾਂ ਉਸ ਨੇ ਕੁਲਦੀਪ ਯਾਦਵ ਦਾ ਹੀ ਨਾਂ ਲਿਆ। ਇਸ ਦੌਰਨ ਕ੍ਰਿਤਿ ਸੁਰੇਸ਼ ਨੇ ਕਿਹਾ ਕਿ ਉਸ ਨੂੰ ਕੁਲਦੀਪ ਯਾਦਵ ਕਾਫੀ ਪਸੰਦ ਹੈ ਅਤੇ ਉਹ ਉਸ ਦੀ ਬਹੁਤ ਵੱਡੀ ਫੈਨ ਹੈ।