ਇੰਗਲੈਂਡ ਦੇ ਇਸ ਧਾਕੜ ਬੱਲੇਬਾਜ਼ ਨੇ ਸੰਨਿਆਸ ਲੈਣ ਦਾ ਕੀਤਾ ਐਲਾਨ

ਸਪੋਰਟਸ ਡੈਸਕ : ਇੰਗਲੈਂਡ ਦੀ ਅੰਡਰ19 ਟੀਮ ਤੇ ਨਾਰਥੰਪਟਨਸ਼ਾਇਰ ਦੇ ਸਾਬਕਾ ਕਪਤਾਨ ਐਲੇਕਸ ਵੇਕਲੀ ਨੇ ਬੁੱਧਵਾਰ ਨੂੰ ਅਚਾਨਕ ਕ੍ਰਿਕਟ ਦੇ ਸਾਰੇ ਸਰੂਪਾਂ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ। ਨਾਰਥੰਪਟਸ਼ਾਇਰ ਪਹਿਲੀ ਸ਼੍ਰੇਣੀ ਕ੍ਰਿਕਟਰ ਵੇਕਲੀ ਨੇ ਸਾਰੇ ਸਰੂਪਾਂ ’ਚ 371 ਮੌਕਿਆਂ ’ਤੇ ਕਾਊਂਟੀ ਦੀ ਅਗਵਾਈ ਕੀਤੀ ਤੇ 12000 ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ। ਵੇਕਲੀ ਨੇ ਇਕ ਅਧਿਕਾਰਤ ਬਿਆਨ ਵਿਚ ਕਿਹਾ ਕਿ ਮੈਂ ਆਪਣੇ ਕਰੀਅਰ ਦਾ ਭਰਪੂਰ ਮਜ਼ਾ ਲਿਆ ਹੈ ਤੇ ਮੈਂ ਖੇਡ ’ਚ ਆਪਣੇ ਸਮੇਂ ਲਈ ਬਹੁਤ ਧੰਨਵਾਦੀ ਹਾਂ। ਮੇਰੇ ਰਸਤੇ ’ਚ ਕਈ ਉਤਰਾਅ ਚੜ੍ਹਾਅ ਆਏ ਪਰ ਮੈਂ ਹਮੇਸ਼ਾ ਨਾਰਥੰਪਟਸ਼ਾਇਰ ਕ੍ਰਿਕਟ ਨੂੰ ਆਪਣਾ 100 ਫੀਸਦੀ ਦਿੱਤਾ ਹੈ। ਉਨ੍ਹਾਂ ਨੇ ਸਾਲਾਂ ਤੋਂ ਟੀਮ ’ਚ ਮੌਕੇ ਦੇਣ ਲਈ ਕਲੱਬ ਦਾ ਧੰਨਵਾਦ ਕੀਤਾ।

ਉਨ੍ਹਾਂ ਕਿਹਾ ਕਿ ਮੈਂ ਉਨ੍ਹਾਂ ਸਾਰੇ ਮੌਕਿਆਂ ਲਈ ਕਲੱਬ ਦਾ ਪੂਰੀ ਤਰ੍ਹਾਂ ਨਾਲ ਧੰਨਵਾਦ ਨਹੀਂ ਕਰ ਸਕਦਾ, ਜੋ ਉਨ੍ਹਾਂ ਨੇ ਮੈਨੂੰ ਦਿੱਤੇ ਹਨ ਤੇ ਵਿਸ਼ੇਸ਼ ਤੌਰ ’ਤੇ ਮੁੱਖ ਕੋਚ ਡੇਵਿਡ ਰਿਪਲੇ ਦਾ, ਜਿਨ੍ਹਾਂ ਨੇ ਮੈਨੂੰ ਮਦਦ, ਉਤਸ਼ਾਹਿਤ ਤੇ ਸਮਰਥਨ ਕੀਤਾ। ਉਹ ਇਕ ਕੋਲ ਦੀ ਬਜਾਏ ਇਕ ਦੋਸਤ ਬਣ ਗਏ ਹਨ ਤੇ ਉਨ੍ਹਾਂ ਲਈ ਮੇਰੇ ਦਿਲ ’ਚ ਬਹੁਤ ਸਨਮਾਨ ਹੈ। ਕਲੱਬ ਦੇ ਸਭ ਤੋਂ ਸਭ ਕਪਤਾਨਾਂ ’ਚੋਂ ਇਕ ਵੇਕਲੀ 2 ਮੁੱਖ ਘਰੇਲੂ ਖਿਤਾਬਾਂ ਲਈ ਕਾਉਂਟੀ ਦੀ ਅਗਵਾਈ ਕਰਨ ਵਾਲਾ ਇੰਗਲੈਂਡ ਦਾ ਇਕੋ ਇਕ ਵਿਅਕਤੀ ਹੈ। ਉਨ੍ਹਾਂ ਨੇ ਟੀ20 ਬਲਾਸਟ 2013 ਤੇ 2016 ਦੋਵਾਂ ’ਚ ਖਿਤਾਬ ਜਿੱਤਿਆ ਹੈ। ਨਾਰਥੰਪਟਨਸ਼ਾਇਰ ਦੀ ਅਕਾਦਮੀ ਦੇ ਖਿਡਾਰੀ ਵੇਕਲੀ ਨੇ 2005 ’ਚ ਆਪਣੀ ਲਿਸਟ ਏ ਦੀ ਸ਼ੁਰੂਆਤ ਕੀਤੀ ਤੇ 2007 ਵਿਚ ਪਹਿਲੀ ਸ਼੍ਰੇਣੀ ’ਚ ਡੈਬਿਊ ਕਰਨ ਤੋਂ ਪਹਿਲਾਂ ਸਾਰੇ ਸਰੂਪਾਂ ’ਚ 198 ਵਾਰ ਟੀਮ ਦੀ ਅਗਵਾਈ ਕੀਤੀ।

ਕਲੱਬ ਦੇ ਪ੍ਰਧਾਨ ਗੋਵਿਨ ਵਾਰੇਨ ਨੇ ਕਿਹਾ ਕਿ ਵੇਕਲੀ ਇੰਨੇ ਸਾਲਾਂ ਤੋਂ ਨਾਰਥੰਪਟਸ਼ਾਇਰ ਕਾਉਂਟੀ ਕ੍ਰਿਕਟ ਕਲੱਬ ਦਾ ਅਨਿੱਖੜਵਾਂ ਅੰਗ ਰਹੇ ਹਨ ਤੇ ਅਸੀਂ ਉਸ ਦੀ ਸੇਵਾਮੁਕਤੀ ’ਤੇ ਸ਼ੁਭਕਾਮਨਾਵਾਂ ਦਿੰਦੇ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਡੇਵਿਡ ਰਿਪਲੇ ਨਾਲ ਸ਼ੁਰੂਆਤੀ ਕਾਰਜਕਾਲ ’ਚ ਕਲੱਬ ਨੂੰ ਮੈਦਾਨ ’ਤੇ ਨਾਭਰੋਸੇਯੋਗ ਤੌਰ ’ਤੇ ਸਫਲ ਸਮੇਂ ’ਚ ਮਾਰਗਦਰਸ਼ਨ ਕਰਨ ’ਚ ਵੇਕਰਸ ਬਹੁਤ ਮਹੱਤਵਪੂਰਨ ਸਨ। ਸਾਲ 2013 ਤੇ 2016 ’ਚ ਟਰਾਫੀ ਜਿੱਤਣਾ ਸ਼ਾਨਦਾਰ ਉਪਲੱਬਧੀ ਸੀ।