ਚੀਅਰ ਗਰਲ ਨੂੰ ਦੇਖਦੇ ਹੀ ਦਿਲ ਦੇ ਬੈਠਾ ਸੀ ਇਹ ਕ੍ਰਿਕਟਰ

ਨਵੀਂ ਦਿੱਲੀ (ਬਿਊਰੋ)— ਭਾਰਤ ਖਿਲਾਫ ਮੌਜੂਦਾ ਟੈਸਟ ਸੀਰੀਜ਼ ਵਿਚ ਟੀਮ ਵਿਚ ਸ਼ਾਮਲ ਕੁਇੰਟਨ ਡਿ ਕਾਕ ਨੇ ਪਹਿਲੀ ਪਾਰੀ ਵਿਚ 43 ਦੌੜਾਂ ਦੀ ਅਹਿਮ ਪਾਰੀ ਖੇਡੀ ਸੀ। ਸਾਊਥ ਅਫਰੀਕਾ ਦੇ ਯੁਵਾ ਵਿਕਟਕੀਪਰ ਡਿ ਕਾਕ ਲਾਇਮ-ਲਾਇਟ ਤੋਂ ਦੂਰ ਰਹਿਣਾ ਪਸੰਦ ਕਰਦੇ ਹਨ। ਘੱਟ ਹੀ ਫੈਂਸ ਜਾਣਦੇ ਹੋਣਗੇ ਕਿ ਉਨ੍ਹਾਂ ਨੇ ਚੀਅਰਗਰਲ ਨਾਲ ਵਿਆਹ ਕੀਤਾ ਹੈ। ਉਨ੍ਹਾਂ ਦੀ ਪਤਨੀ ਦਾ ਨਾਮ ਸਾਸ਼ਾ ਹੈ।

ਫੀਲਡ ਉੱਤੇ ਵੇਖਦੇ ਹੀ ਆ ਗਿਆ ਸੀ ਦਿਲ
ਸਾਲ 2012 ਵਿਚ ਚੈਂਪੀਅਨਸ ਲੀਗ ਟੀ20 ਵਿਚ ਡਿ ਕਾਕ ਨੇ ਇਕ ਮੈਚ ਵਿਚ 51 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਮੈਚ ਵਿਚ ਉਨ੍ਹਾਂ ਨੇ 2 ਛੱਕੇ ਅਤੇ 6 ਚੌਕੇ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾਈ ਸੀ। ਇਹ ਰੋਮਾਂਚਕ ਮੈਚ ਲਾਇੰਸ ਅਤੇ ਮੁੰਬਈ ਇੰਡੀਅਨਸ ਟੀਮ ਦਰਮਿਆਨ ਸੀ। ਇਸ ਮੈਚ ਵਿਚ ਸਾਸ਼ਾ ਹਰਲੇ ਚੀਅਰਲੀਡਰ ਸੀ। ਡਿ ਕਾਕ ਦੀ ਪਾਰੀ ਵੇਖ ਕੇ ਉਹ ਕਾਫ਼ੀ ਇੰਪ੍ਰੈਸ ਹੋਈ ਅਤੇ ਉਨ੍ਹਾਂ ਨੂੰ ਵਧਾਈ ਦੇਣ ਮੈਦਾਨ ਉੱਤੇ ਪਹੁੰਚ ਗਈ। ਇੱਥੋਂ ਉਨ੍ਹਾਂ ਨੂੰ ਵੇਖਦੇ ਹੀ ਪਹਿਲੀ ਨਜ਼ਰ ਵਿਚ ਸਾਸ਼ਾ ਡਿ ਕਾਕ ਨੂੰ ਪਸੰਦ ਆ ਗਈ ਸੀ।

2016 'ਚ ਕੀਤਾ ਵਿਆਹ
ਇਸ ਬਾਰੇ ਵਿਚ ਇਕ ਇੰਟਰਵਿਊ ਵਿਚ ਡਿ ਕਾਕ ਨੇ ਕਿਹਾ ਸੀ,“''ਸਾਸ਼ਾ ਨੂੰ ਫੀਲਡ ਉੱਤੇ ਵੇਖ ਕੇ ਮੈਂ ਉਨ੍ਹਾਂ ਨੂੰ ਵੇਖਦਾ ਹੀ ਰਹਿ ਗਿਆ ਸੀ। ਉਨ੍ਹਾਂ ਦੀ ਵਧਾਈ ਦਾ ਜਵਾਬ ਮੈਂ ਉਨ੍ਹਾਂ ਨੂੰ ਕੁਝ ਸਮੇਂ ਬਾਅਦ ਫੇਸਬੁਕ ਉੱਤੇ ਦਿੱਤਾ। ਇੱਥੋਂ ਹੀ ਸਾਡੇ ਵਿਚ ਗੱਲਬਾਤ ਸ਼ੁਰੂ ਹੋਈ। ਡਿ ਕਾਕ ਅਤੇ ਸਾਸ਼ਾ ਉਦੋਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ ਤੇ ਇਸ ਕਪਲ ਨੇ ਸਤੰਬਰ, 2016 ਵਿਚ ਵਿਆਹ ਕੀਤਾ।