ਸਵਿਟਜ਼ਰਲੈਂਡ ਨੇ ਆਸਟਰੇਲੀਆ ਨੂੰ ਹਰਾ ਕੇ ਬਿਲੀ ਜੀਨ ਕਿੰਗ ਕੱਪ ਜਿੱਤਿਆ

ਗਲਾਸਗੋ : ਬੇਲਿੰਡਾ ਬੇਨਸਿਚ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਿਆ ਜਿਸ ਨਾਲ ਸਵਿਟਜ਼ਰਲੈਂਡ ਨੇ ਆਸਟਰੇਲੀਆ ਨੂੰ ਹਰਾ ਕੇ ਬਿਲੀ ਜੀਨ ਕਿੰਗ ਕੱਪ ਦਾ ਖਿਤਾਬ ਜਿੱਤਿਆ। ਓਲੰਪਿਕ ਸਿੰਗਲਜ਼ ਸੋਨ ਤਮਗਾ ਜੇਤੂ ਬੈਨਸਿਚ ਨੇ ਆਸਟਰੇਲੀਆ ਦੀ ਅਲਜਾ ਟੋਮਲਜਾਨੋਵਿਚ ਨੂੰ 6-2, 6-1 ਨਾਲ ਹਰਾ ਕੇ ਸਵਿਟਜ਼ਰਲੈਂਡ ਨੂੰ 2-0 ਦੀ ਅਜੇਤੂ ਬੜ੍ਹਤ ਦਿਵਾਈ। 

ਇਸ ਤੋਂ ਪਹਿਲਾਂ ਪਹਿਲੇ ਸਿੰਗਲਜ਼ ਮੈਚ ਵਿੱਚ ਸਵਿਟਜ਼ਰਲੈਂਡ ਦੀ ਜਿਲ ਟੇਚਮੈਨ ਨੇ ਆਸਟਰੇਲੀਆ ਦੀ ਸਟੋਰਮ ਸੈਂਡਰਸ ਨੂੰ 6-3, 4-6, 6-3 ਨਾਲ ਹਰਾਇਆ ਸੀ। ਸਵਿਟਜ਼ਰਲੈਂਡ ਨੇ ਕਦੇ ਵੀ ਇਹ ਟੂਰਨਾਮੈਂਟ ਨਹੀਂ ਜਿੱਤਿਆ ਸੀ ਜੋ ਪਹਿਲਾਂ ਫੇਡ ਕੱਪ ਵਜੋਂ ਜਾਣਿਆ ਜਾਂਦਾ ਸੀ। ਉਹ 1998 ਅਤੇ ਪਿਛਲੇ ਸਾਲ ਫਾਈਨਲ ਵਿੱਚ ਹਾਰ ਗਿਆ ਸੀ। ਆਸਟਰੇਲੀਆ ਨੇ ਇਹ ਟੂਰਨਾਮੈਂਟ ਸੱਤ ਵਾਰ ਜਿੱਤਿਆ ਹੈ ਪਰ ਉਸ ਦੀ ਆਖਰੀ ਵਾਰ ਖਿਤਾਬੀ ਜਿੱਤ 1974 ਵਿੱਚ ਸੀ। ਆਸਟਰੇਲੀਆ ਇਸ ਤੋਂ ਬਾਅਦ 10 ਵਾਰ ਫਾਈਨਲ ਵਿੱਚ ਪਹੁੰਚਿਆ ਪਰ ਹਰ ਵਾਰ ਹਾਰ ਗਿਆ।