ਰੈਨਾ ਨੇ ਮੈਦਾਨ 'ਤੇ ਹੀ ਕਰ ਦਿੱਤਾ ਜਡੇਜਾ ਨੂੰ Kiss, ਵਾਇਰਲ ਹੋਇਆ ਵੀਡੀਓ

ਸਪੋਰਟਸ ਡੈਸਕ— ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਆਖਰੀ ਓਵਰ 'ਚ ਤਿੰਨ ਛੱਕਿਆਂ ਦੇ ਨਾਲ ਅਜੇਤੂ 75 ਦੌੜਾਂ ਦੀ ਜ਼ਬਰਦਸਤ ਪਾਰੀ ਖੇਡੀ। ਧੋਨੀ ਦੀ ਇਸ ਸ਼ਾਨਦਾਰ ਪਾਰੀ ਦੀ  ਬਦੌਲਤ ਸਾਬਕਾ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ (ਸੀ.ਐੱਸ.ਕੇ.) ਨੇ ਰਾਜਸਥਾਨ ਰਾਇਲਜ਼ (ਆਰ.ਆਰ.) ਨੂੰ ਆਈ.ਪੀ.ਐੱਲ. 2019 ਦੇ ਮੁਕਾਬਲੇ 'ਚ ਐਤਵਾਰ ਨੂੰ ਰੋਮਾਂਚਕ ਸੰਘਰਸ਼ 'ਚ ਅੱਠ ਦੌੜਾਂ ਨਾਲ ਹਰਾ ਦਿੱਤਾ। ਚੇਨਈ ਨੇ 20 ਓਵਰਾਂ 'ਚ ਪੰਜ ਵਿਕਟਾਂ 'ਤੇ 175 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ। ਜਵਾਬ 'ਚ ਰਾਜਸਥਾਨ 20 ਓਵਰਾਂ 'ਚ ਅੱਠ ਵਿਕਟਾਂ 'ਤੇ 167 ਦੌੜਾਂ ਹੀ ਬਣਾ ਸਕੀ ਅਤੇ ਹਾਰ ਗਈ।
 

IPL 2019 #CSK #Suresh Raina #Super #Catch #SirJadeja pic.twitter.com/Vxp0lRoLgc

— Neelkanth (@NeelkanthNikhi1) April 1, 2019

ਮੈਚ ਦੌਰਾਨ ਇਕ ਅਜਿਹਾ ਰੋਚਕ ਸਮਾਂ ਆਇਆ ਜਦੋਂ ਸੁਰੇਸ਼ ਰੈਨਾ ਨੇ ਆਪਣੇ ਟੀਮ ਮੇਟ ਰਵਿੰਦਰ ਜਡੇਜਾ ਨੂੰ ਕਿੱਸ ਕਰ ਦਿੱਤਾ। ਦਰਅਸਲ ਚੇਨਈ ਤੋਂ 176 ਦੌੜਾਂ ਦਾ ਟੀਚਾ ਮਿਲਣ ਦੇ ਬਾਅਦ ਰਾਜਸਥਾਨ ਵੱਲੋਂ ਰਹਾਨੇ ਅਤੇ ਬਟਲਰ ਓਪਨਿੰਗ ਕਰਨ ਲਈ ਆਏ। ਪਰ ਮੈਚ ਦੀ ਦੂਜੀ ਹੀ ਗੇਂਦ 'ਤੇ ਰਹਾਨੇ ਦਾ ਇਕ ਤਿੱਖਾ ਸ਼ਾਟ ਪੁਆਇੰਟ 'ਤੇ ਖੜ੍ਹੇ ਜਡੇਜਾ ਨੇ ਫੜ ਲਿਆ ਤੇ ਰਹਾਨੇ ਨੂੰ ਆਊਟ ਕਰ ਦਿੱਤਾ। ਜਡੇਜਾ ਵੱਲੋਂ ਕੈਚ ਫੜਨ ਤੋਂ ਖੁਸ਼ ਰੈਨਾ ਨੇ ਉਨ੍ਹਾਂ ਦੇ ਗੱਲ੍ਹ ਨੂੰ ਚੁੰਮ ਲਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ।