ਧੋਨੀ ਨਾਲ ਤਕਰਾਰ ''ਤੇ ਸੁਰੇਸ਼ ਰੈਨਾ ਨੇ ਤੋੜੀ ਚੁੱਪੀ, ਟਵੀਟ ਕਰ ਦਿੱਤੀ ਜਾਣਕਾਰੀ

ਨਵੀਂ ਦਿੱਲੀ : ਟੀਮ ਇੰਡੀਆ ਦੇ ਬੱਲੇਬਾਜ਼ ਸੁਰੇਸ਼ ਰੈਨਾ ਨੇ ਸੀ.ਐੱਸ.ਕੇ. ਕਪਤਾਨ ਮਹਿੰਦਰ ਸਿੰਘ ਧੋਨੀ ਨਾਲ ਉੱਠਦੀ ਵਿਵਾਦਾਂ ਦੀਆਂ ਖ਼ਬਰਾਂ 'ਤੇ ਇੱਕ ਟਵੀਟ ਦੇ ਜ਼ਰੀਏ ਰੋਕ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਉਕਤ ਟਵੀਟ ਮਹਿੰਦਰ ਸਿੰਘ ਧੋਨੀ ਨੂੰ ਵਧਾਈ ਦੇਣ ਨਾਲ ਜੁੜਿਆ ਹੈ। ਦਰਅਸਲ, ਹੈਦਰਾਬਾਦ ਖ਼ਿਲਾਫ਼ ਮੈਚ ਨਾਲ ਧੋਨੀ ਨੇ ਆਈ.ਪੀ.ਐੱਲ. 'ਚ ਸਭ ਤੋਂ ਜ਼ਿਆਦਾ ਮੈਚ (194) ਖੇਡਣ ਦੀ ਉਪਲੱਬਧੀ ਆਪਣੇ ਨਾਮ ਕਰ ਲਈ। ਇਸ 'ਤੇ ਰੈਨਾ ਨੇ ਧੋਨੀ ਨੂੰ ਵਧਾਈ ਦਿੱਤੀ ਹੈ।

ਰੈਨਾ ਨੇ ਟਵੀਟ 'ਚ ਲਿਖਿਆ ਹੈ- 
ਵਧਾਈ ਹੋਵੇ ਮਾਹੀ ਭਰਾ। (ਐੱਮ.ਐੱਸ. ਧੋਨੀ) ਸਭ ਤੋਂ ਜ਼ਿਆਦਾ ਆਈ.ਪੀ.ਐੱਲ ਖੇਡਣ ਵਾਲੇ ਖਿਡਾਰੀ ਬਣਨ 'ਤੇ। ਖੁਸ਼ੀ ਹੈ ਕਿ ਮੇਰਾ ਰਿਕਾਰਡ ਤੁਹਾਡੇ ਦੁਆਰਾ ਤੋੜਿਆ ਜਾ ਰਿਹਾ ਹੈ। ਅੱਜ ਖੇਡ ਲਈ ਸ਼ੁਭਕਾਮਨਾਵਾਂ ਅਤੇ ਮੈਨੂੰ ਭਰੋਸਾ ਹੈ ਕਿ ਚੇਨਈ ਹੀ ਇਸ ਸੀਜ਼ਨ 'ਚ ਜਿੱਤੇਗੀ।

Congratulations Mahi bhai (@msdhoni) at becoming the most capped IPL player. Happiest that my record is being broken by you. All the best for the game today and am sure @ChennaiIPL will win this season’s @IPL. pic.twitter.com/f5BRQTJ0aF

— Suresh Raina🇮🇳 (@ImRaina) October 2, 2020

ਬੀਤੇ ਦਿਨੀਂ ਰੈਨਾ ਨੇ ਮੁੰਬਈ ਇੰਡੀਅਨਜ਼ ਦੇ ਕਪਤਾਨ ਰੋਹਿਤ ਸ਼ਰਮਾ ਨੂੰ ਆਈ.ਪੀ.ਐੱਲ. 'ਚ ਪੰਜ ਹਜ਼ਾਰ ਦੌੜਾਂ ਬਣਾਉਣ 'ਤੇ ਵਧਾਈ ਦਿੱਤੀ ਸੀ। ਇਸ ਤੋਂ ਬਾਅਦ ਕਿਆਸ ਲੱਗਣ ਲੱਗੇ ਸਨ ਕਿ ਰੈਨਾ ਅਗਲੇ ਸੀਜ਼ਨ ਲਈ ਮੁੰਬਈ ਦਾ ਰੁਖ਼ ਕਰ ਸਕਦੀ ਹੈ ਪਰ ਰੈਨਾ ਨੇ ਹੁਣ ਧੋਨੀ ਨਾਲ ਆਪਣੇ ਰਿਸ਼ਤੇ ਠੀਕ ਹੋਣ ਦਾ ਪ੍ਰਮਾਣ ਆਪਣੇ ਟਵੀਟ ਰਾਹੀਂ ਦੇ ਦਿੱਤੇ ਹਨ।