ਸ਼੍ਰੇਅਸ ਅਈਅਰ ਨੂੰ ਲੱਗਾ ਇੱਕ ਹੋਰ ਝਟਕਾ, IPL ਫਾਈਨਲ ਤੋਂ 3 ਦਿਨ ਬਾਅਦ...
Friday, Jun 06, 2025 - 11:48 PM (IST)
ਸਪੋਰਟਸ ਡੈਸਕ- ਟੀਮ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਸ਼੍ਰੇਅਸ ਅਈਅਰ ਲਈ ਬੀਤੇ ਕੁਝ ਹਫਤੇ ਥੋੜੀ ਖੁਸੀ ਅਤੇ ਥੋੜੇ ਗੰਮ ਵਾਲੇ ਰਹੇ ਹਨ। ਅਈਅਰ ਦੀ ਕਪਤਾਨੀ 'ਚ ਪੰਜਾਬ ਕਿੰਗਜ਼ ਨੇ 11 ਸਾਲਾਂ ਬਾਅਦ ਆਈਪੀਐੱਲ 2025 ਦੇ ਫਾਈਨਲ 'ਚ ਜਗ੍ਹਾ ਬਣਾਈ। ਇਸ ਪੂਰੇ ਟੂਰਨਾਮੈਂਟ ਦੌਰਾਨ ਖੁਦ ਅਈਅਰ ਨੇ ਕਈ ਧਮਾਕੇਦਾਰ ਪਾਰੀਆਂ ਖੇਡੀਆਂ ਪਰ ਪਹਿਲਾਂ ਤਾਂ ਨਾ ਟੀਮ ਇੰਡੀਆ 'ਚ ਉਨ੍ਹਾਂ ਦੀ ਸਿਲੈਕਸ਼ਨ ਹੋਈ ਅਤੇ ਫਿਰ ਉਹ ਟੀਮ ਨੂੰ ਪਹਿਲਾ ਖਿਤਾਬ ਜਿਤਾਉਣ 'ਚ ਵੀ ਨਾਕਾਮ ਰਹੇ। ਫਾਈਨਲ 'ਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਖਿਲਾਫ ਹਾਰ ਅਈਅਰ ਅਤੇ ਪੰਜਾਬ ਲਈ ਕਿਸੇ ਸਦਮੇ ਤੋਂ ਘੱਟ ਨਹੀਂ ਸੀ ਪਰ ਤਾਂ ਹੁਣ ਅਈਅਰ ਨੂੰ ਫਿਰ ਇਕ ਝਟਕਾ ਲੱਗਾ ਹੈ ਅਤੇ ਇਕ ਨਵੇਂ ਟੂਰਨਾਮੈਂਟ 'ਚ ਉਹ ਆਉਂਦੇ ਹੀ ਫੇਲ੍ਹ ਹੋ ਗਏ।
IPL Final ਤੋਂ ਬਾਅਦ ਫਿਰ ਲੱਗਾ ਝਟਕਾ
3 ਜੂਨ ਦੀ ਰਾਤ ਨੂੰ ਅਹਿਮਦਾਬਾਦ ਵਿੱਚ ਇਹ ਫਾਈਨਲ ਖਤਮ ਹੋਇਆ ਅਤੇ ਉਸ ਤੋਂ ਸਿਰਫ਼ 3 ਦਿਨ ਬਾਅਦ ਅਈਅਰ ਇੱਕ ਵਾਰ ਫਿਰ ਮੈਦਾਨ 'ਤੇ ਆਏ ਪਰ ਇੱਕ ਵਾਰ ਫਿਰ ਉਹ ਕੋਈ ਪ੍ਰਭਾਵ ਨਹੀਂ ਪਾ ਸਕੇ। ਆਈਪੀਐਲ ਖਤਮ ਹੋਣ ਤੋਂ ਬਾਅਦ ਅਈਅਰ ਇਸ ਸਮੇਂ ਮੁੰਬਈ ਟੀ-20 ਲੀਗ ਵਿੱਚ ਖੇਡ ਰਿਹਾ ਹੈ, ਜਿੱਥੇ ਉਹ ਸੋਬੋ ਮੁੰਬਈ ਫਾਲਕਨਜ਼ ਟੀਮ ਦੀ ਕਪਤਾਨੀ ਕਰ ਰਿਹਾ ਹੈ। ਜਦੋਂ ਅਈਅਰ ਸ਼ੁੱਕਰਵਾਰ 6 ਜੂਨ ਨੂੰ ਟ੍ਰਾਇੰਫਸ ਨਾਈਟਸ ਦੇ ਖਿਲਾਫ ਮੈਚ ਵਿੱਚ ਬੱਲੇਬਾਜ਼ੀ ਕਰਨ ਲਈ ਉਤਰਿਆ ਤਾਂ ਉਸ ਤੋਂ ਬਹੁਤ ਉਮੀਦਾਂ ਸਨ ਪਰ ਆਈਪੀਐਲ ਫਾਈਨਲ ਵਾਂਗ ਕਪਤਾਨ ਅਈਅਰ ਇੱਥੇ ਵੀ ਅਸਫਲ ਰਹੇ ਅਤੇ 19 ਗੇਂਦਾਂ ਵਿੱਚ ਸਿਰਫ਼ 13 ਦੌੜਾਂ ਬਣਾ ਕੇ ਆਊਟ ਹੋ ਗਏ।
10ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਜਦੋਂ ਅਈਅਰ ਆਊਟ ਹੋਇਆ ਤਾਂ ਟੀਮ ਦਾ ਸਕੋਰ ਸਿਰਫ਼ 75 ਦੌੜਾਂ ਸੀ ਅਤੇ 4 ਵਿਕਟਾਂ ਡਿੱਗ ਚੁੱਕੀਆਂ ਸਨ ਪਰ ਇਸ ਦੇ ਬਾਵਜੂਦ, ਉਨ੍ਹਾਂ ਦੀ ਟੀਮ ਨੇ ਮੈਚ 4 ਵਿਕਟਾਂ ਨਾਲ ਜਿੱਤ ਲਿਆ। ਇਸਦਾ ਕਾਰਨ ਨੌਜਵਾਨ ਬੱਲੇਬਾਜ਼ ਅੰਗਕ੍ਰਿਸ਼ ਰਘੂਵੰਸ਼ੀ ਸਨ, ਜਿਨ੍ਹਾਂ ਨੇ ਸਿਰਫ਼ 25 ਗੇਂਦਾਂ ਵਿੱਚ 42 ਦੌੜਾਂ ਬਣਾਈਆਂ। ਵਿਨਾਇਕ ਨਾਰਾਇਣ ਨੇ 21 ਗੇਂਦਾਂ ਵਿੱਚ 33 ਦੌੜਾਂ ਅਤੇ ਆਕਾਸ਼ ਪ੍ਰਵੀਨ ਨੇ ਵੀ ਅਜੇਤੂ 30 ਦੌੜਾਂ ਬਣਾ ਕੇ ਟੀਮ ਨੂੰ 146 ਦੌੜਾਂ ਦੇ ਟੀਚੇ ਤੱਕ ਪਹੁੰਚਾਇਆ।
