ਸ਼੍ਰੇਅਸ ਅਈਅਰ ਨੇ ਲਗਾਇਆ 111 ਮੀਟਰ ਲੰਬਾ ਛੱਕਾ, ਦੇਖੋ ਵੀਡੀਓ

ਸਿਡਨੀ- ਭਾਰਤ ਨੇ ਦੂਜੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਮੈਚ 'ਚ ਆਸਟਰੇਲੀਆ ਨੂੰ 6 ਵਿਕਟਾਂ ਨਾਲ ਹਰਾਇਆ ਤੇ ਸੀਰੀਜ਼ ਆਪਣੇ ਨਾਂ ਕਰਨ ਦਾ ਕਮਾਲ ਕਰ ਦਿਖਾਇਆ। ਭਾਰਤ ਨੇ ਪਹਿਲਾ ਟੀ-20 ਅੰਤਰਰਾਸ਼ਟਰੀ ਮੈਚ 11 ਦੌੜਾਂ ਨਾਲ ਜਿੱਤਿਆ ਸੀ ਤੇ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ 2-0 ਨਾਲ ਅਜੇਤੂ ਬੜ੍ਹਤ ਬਣਾ ਲਈ ਹੈ। ਭਾਰਤ ਦੀ ਜਿੱਤ 'ਚ ਹਾਰਦਿਕ ਪੰਡਯਾ ਨੇ ਕਮਾਲ ਕੀਤਾ ਤੇ 22 ਗੇਂਦਾਂ 'ਤੇ 42 ਦੌੜਾਂ ਬਣਾ ਕੇ ਅਜੇਤੂ ਰਹੇ। ਆਪਣੀ ਪਾਰੀ 'ਚ ਪੰਡਯਾ ਨੇ 3 ਚੌਕਿਆਂ ਤੇ 2 ਛੱਕੇ ਲਗਾਏ। ਹਾਰਦਿਕ ਤੋਂ ਇਲਾਵਾ ਸ਼੍ਰੇਅਸ ਅਈਅਰ 5 ਗੇਂਦਾਂ 'ਤੇ 12 ਦੌੜਾਂ ਬਣਾ ਕੇ ਅਜੇਤੂ ਰਹੇ। ਆਪਣੀ ਪਾਰੀ 'ਚ ਸ਼੍ਰੇਅਸ ਨੇ 1 ਚੌਕਾ ਤੇ 1 ਧਮਾਕੇਦਾਰ ਛੱਕਾ ਲਗਾਇਆ। 

111M monster by Shreyas Iyer, what a strike this was. pic.twitter.com/jiAoLUdFCz

— Mufaddal Vohra (@mufaddal_vohra) December 6, 2020

ਭਾਵੇ ਹੀ ਸ਼੍ਰੇਅਸ ਜ਼ਿਆਦਾ ਦੌੜਾਂ ਨਹੀਂ ਬਣਾ ਸਕੇ ਪਰ ਐਡਮ ਜੰਪਾ ਦੀ ਗੇਂਦ 'ਤੇ ਮਾਰਿਆ ਗਿਆ 111 ਮੀਟਰ ਲੰਬਾ ਛੱਕਾ ਬਹੁਤ ਯਾਦਗਾਰ ਰਿਹਾ। ਜਿਸ ਨੂੰ ਦੇਖ ਕਪਤਾਨ ਵਿਰਾਟ ਕੋਹਲੀ ਵੀ ਹੈਰਾਨ ਰਹਿ ਗਿਆ। ਭਾਰਤੀ ਪਾਰੀ ਦੇ 18ਵੇਂ ਓਵਰ 'ਚ ਜੰਪਾ ਦੀ ਗੇਂਦ 'ਤੇ ਸ਼੍ਰੇਅਸ ਅਈਅਰ ਨੇ ਧਮਾਕੇਦਾਰ ਛੱਕਾ ਲਗਾਇਆ ਤਾਂ ਪੈਵੇਲੀਅਨ 'ਚ ਕੋਹਲੀ ਬਹੁਤ ਹੈਰਾਨ ਹੋ ਗਏ ਤੇ ਬਾਊਂਡਰੀ ਵੱਲ ਦੇਖਣ ਲੱਗੇ। ਸੋਸ਼ਲ ਮੀਡੀਆ 'ਤੇ ਅਈਅਰ ਵਲੋਂ ਮਾਰੇ ਗਏ ਇਸ ਛੱਕੇ ਦੀ ਚਰਚਾ ਬਹੁਤ ਹੋ ਰਹੀ ਹੈ। ਦੂਜੇ ਟੀ-20 'ਚ ਭਾਰਤ ਵਲੋਂ ਜਿੱਤ 'ਚ ਧਵਨ ਨੇ 52 ਦੌੜਾਂ ਬਣਾਈਆਂ ਤਾਂ ਕੋਹਲੀ 40 ਦੌੜਾਂ ਬਣਾ ਕੇ ਆਊਟ ਹੋਏ।

Congratulations to #TeamIndia on winning the T20I series. Defending 161 in the 1st game and chasing 195 in the 2nd showed what a comprehensive performance this has been. Well done!@BCCI #AUSvIND

— Sachin Tendulkar (@sachin_rt) December 6, 2020

ਇਸ ਤੋਂ ਪਹਿਲਾਂ ਆਸਟਰੇਲੀਆ ਨੇ 20 ਓਵਰਾਂ 'ਚ 4 ਵਿਕਟਾਂ 'ਤੇ 194 ਦੌੜਾਂ ਬਣਾਈਆਂ ਸਨ, ਜਿਸ 'ਚ ਮੈਥਿਊ ਵੇਡ ਨੇ 58 ਦੌੜਾਂ ਦੀ ਪਾਰੀ ਖੇਡੀ ਸੀ। ਭਾਰਤ ਵਲੋਂ ਨਟਰਾਜਨ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਤੇ 2 ਵਿਕਟਾਂ ਹਾਸਲ ਕੀਤੀਆਂ। ਚਾਹਲ ਦੇ ਖਾਤੇ 'ਚ 1 ਵਿਕਟ ਆਈ। ਚਾਹਲ ਨੇ ਟੀ-20 ਅੰਤਰਰਾਸ਼ਟਰੀ ਮੈਚ 'ਚ 59 ਵਿਕਟਾਂ ਹਾਸਲ ਕਰ ਲਈਆਂ ਹਨ। ਅਜਿਹਾ ਕਰ ਚਾਹਲ ਨੇ ਬੁਮਰਾਹ ਦੀ ਬਰਾਬਰੀ ਕਰ ਲਈ ਹੈ।
ਨੋਟ- ਸ਼੍ਰੇਅਸ ਅਈਅਰ ਨੇ ਲਗਾਇਆ 111 ਮੀਟਰ ਲੰਬਾ ਛੱਕਾ, ਦੇਖੋ ਵੀਡੀਓ । ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।