ਪਾਕਿਸਤਾਨੀ ਮੀਡੀਆ 'ਤੇ ਭੜਕੇ ਸ਼ੋਏਬ ਮਲਿਕ, ਦਿੱਤਾ ਟ੍ਰੋਲਜ਼ ਨੂੰ ਕਰਾਰਾ ਜਵਾਬ

ਸਪੋਰਟਸ ਡੈਸਕ—ਆਈ. ਸੀ. ਸੀ. ਵਰਲਡ ਕੱਪ 'ਚ ਭਾਰਤ ਤੋਂ ਮਿਲੀ 89 ਦੌੜਾਂ ਦੀ ਕਰਾਰੀ ਹਾਰ ਤੋਂ ਬਾਅਦ ਪਾਕਿਸਤਾਨ ਟੀਮ ਨੂੰ ਲੈ ਕੇ ਹੰਗਾਮਾ ਮਚਿਆ ਹੋਇਆ ਹੈ। ਜਿੱਥੇ ਪਾਕਿ ਟੀਮ ਦੇ ਫੈਨ ਹਾਰ ਨੂੰ ਪਚਾ ਨਹੀਂ ਪਾ ਰਹੇ ਹਨ ਤਾਂ ਮੀਡੀਆ ਹੱਥ ਧੋ ਕੇ ਖਿਡਾਰੀਆਂ ਦੇ ਪਿੱਛੇ ਪਈ ਹੋਈ ਹੈ। ਇਸ 'ਚ ਸਭ ਤੋਂ ਜ਼ਿਆਦਾ ਮੁਸ਼ਕਿਲ ਸ਼ੋਏਬ ਮਲਿਕ ਦੀ ਵਿਖਾਈ ਦੇ ਰਹੀ ਹੈ। ਇਕ ਤਾਂ ਉਹ ਮੈਚ 'ਚ ਖਾਤਾ ਖੋਲ੍ਹੇ ਬਿਨਾਂ ਆਊਟ ਹੋ ਗਏ, ਦੂਜਾ ਉਨ੍ਹਾਂ ਦਾ ਇਕ ਵਿਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ। ਫਿਰ ਕੀ ਸੀ ਉਨ੍ਹਾਂ ਨੂੰ ਇਸ ਦਾ ਜਵਾਬ ਦੇਣ ਲਈ ਟਵੀਟ ਤੱਕ ਕਰਨਾ ਪਿਆ। 

ਦੁੱਖਦ ਹੈ ਮੈਨੂੰ ਸਫਾਈ ਦੇਣੀ ਪੈ ਰਹੀ
ਆਪਣੇ ਆਪ ਨੂੰ ਟ੍ਰੋਲ ਕੀਤੇ ਜਾਣ 'ਤੇ ਸ਼ੋਏਬ ਮਲਿਕ ਨੇ ਪਾਕਿਸਤਾਨੀ ਮੀਡੀਆ ਦੀ ਭਰੋਸੇਯੋਗਤਾ 'ਤੇ ਸਵਾਲ ਚੁੱਕਦੇ ਹੋਏ ਕਿਹਾ ਕਿ ਦੁੱਖ ਹੈ ਕਿ ਮੈਨੂੰ ਸਫਾਈ ਦੇਣੀ ਪੈ ਰਹੀ ਹੈ। ਉਨ੍ਹਾਂ ਨੇ ਲਿੱਖਿਆ-ਪਾਕਿ ਮੀਡੀਆ ਕਦੋਂ ਆਪਣੀ ਭਰੋਸੇਯੋਗਤਾ ਲਈ ਜਵਾਬਦੇਹ ਹੋਵੇਗਾ? ਇੰਟਰਨੈਸ਼ਨਲ ਕ੍ਰਿਕਟ 'ਚ 20 ਤੋਂ ਜ਼ਿਆਦਾ ਸਾਲ ਤੱਕ ਆਪਣੇ ਦੇਸ਼ ਦੀ ਸੇਵਾ ਕਰਨ ਤੋਂ ਬਾਅਦ ਇਹ ਦੁੱਖਦ ਹੈ ਕਿ ਮੈਨੂੰ ਆਪਣੇ ਵਿਅਕਤੀਗਤ ਜੀਵਨ ਨਾਲ ਜੁੜੀਆਂ ਚੀਜਾਂ ਨੂੰ ਲੈ ਕੇ ਸਪਸ਼ਟਿਕਰਨ ਦੇਣਾ ਪਿਆ ਰਿਹਾ ਹੈ। ਇਹ ਵਿਡੀਓ 13 ਜੂਨ ਦੀ ਹੈ ਨਾ ਕਿ 15 ਜੂਨ ਨੂੰ।  ਦੱਸ ਦੇਈਏ ਕਿ 16 ਜੂਨ ਨੂੰ ਭਾਰਤ ਤੇ ਪਾਕਿਸਤਾਨ ਦੇ ਵਿਚਕਾਰ ਮੈਚ ਸੀ ਤੇ ਸੋਸ਼ਲ ਮੀਡੀਆ 'ਤੇ ਦਾਅਵਾ ਕੀਤਾ ਜਾ ਰਿਹਾ ਸੀ ਕਿ ਇਹ ਵਿਡੀਓ ਮੈਚ ਤੋਂ ਠੀਕ ਪਹਿਲਾਂ ਵਾਲੀ ਰਾਤ ਮਤਲਬ 15 ਜੂਨ ਕੀਤੀ ਹੈ।

When will Pak media be accountable for their credibility by our courts?!

Having served my country for +20 years in Intl Cricket, it’s sad that I have to clarify things related to my personal life. The videos are from 13th June and not 15th

Details : https://t.co/Uky8LbgPHJ

— Shoaib Malik 🇵🇰 (@realshoaibmalik) June 17, 2019

ਕ੍ਰਿਪਾ ! ਪਰਿਵਾਰ ਨੂੰ ਨਾ ਘਸੀਟਣ
ਉਨ੍ਹਾਂ ਨੇ ਆਪਣੇ ਦੂੱਜੇ ਟਵੀਟ 'ਚ ਮੀਡੀਆ ਤੇ ਟ੍ਰੋਲ ਤੋਂ ਪਰਿਵਾਰ ਨੂੰ ਕਿਸੇ ਵੀ ਚਰਚਾ 'ਚ ਨਹੀਂ ਘਸੀਟਣ ਦੀ ਬੇਨਤੀ ਕੀਤੀ ਹੈ। ਉਨ੍ਹਾਂ ਨੇ ਲਿੱਖਿਆ- ਸਾਰੇ ਐਥਲੀਟਾਂ ਤੋਂ ਮੈਂ ਮੀਡੀਆ ਤੇ ਲੋਕਾਂ ਤੋਂ ਬੇਨਤੀ ਕਰਦਾ ਹਾਂ ਕਿ ਸਾਡੇ ਪਰਿਵਾਰ ਦਾ ਸਨਮਾਨ ਬਣਾਏ ਰੱਖੋ। ਉਨ੍ਹਾਂ ਨੂੰ ਇਸ ਤਰਾਂ ਦੀ ਨੀਚਤਾਪੂਰਨ ਚਰਚਾਵਾਂ 'ਚ ਨਾ ਘਸੀਟਣ। ਇਹ ਚੰਗੀ ਗੱਲ ਨਹੀਂ ਹੈ। ਦੱਸ ਦੇਈਏ ਕਿ ਪਾਕਿਸਤਾਨ ਦੀ ਹਾਰ ਤੋਂ ਬਾਅਦ ਤੋਂ ਹੀ ਸੋਸ਼ਲ ਮੀਡੀਆ 'ਤੇ ਮੀਡੀਆ ਤੇ ਲੋਕਾਂ ਨੇ ਸ਼ੋਏਬ ਦੀ ਪਤਨੀ ਤੇ ਭਾਰਤੀ ਟੈਨਿਸ ਸਟਾਰ ਸਾਨਿਆ ਮਿਰਜਾ ਨੂੰ ਜੱਮ ਕੇ ਟਰੋਲ ਕੀਤਾ ਹੈ। 

On behalf of all athletes I would like to request media and people to maintain respect levels in regards to our families, who should not be dragged into petty discussions at will. It’s not a nice thing to do

— Shoaib Malik 🇵🇰 (@realshoaibmalik) June 17, 2019

ਪੀ. ਸੀ. ਬੀ ਨੇ ਵੀ ਦਿੱਤੀ ਸੀ ਸਫਾਈ
ਦੂਜੀ ਪਾਸੇ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ) ਨੇ ਇਸ ਵਾਇਰਲ ਵਿਡੀਓ ਨੂੰ ਲੈ ਕੇ ਕਿਹਾ ਕਿ ਆਈ. ਸੀ. ਸੀ. ਵਰਲਡ ਕੱਪ 'ਚ ਭਾਰਤ ਦੇ ਖਿਲਾਫ ਮੁਕਾਬਲੇ ਤੋਂ ਪਹਿਲਾਂ ਟੀਮ ਦੇ ਸਾਰੇ ਖਿਡਾਰੀ ਰਾਤ ਦੇ ਸਮਾਂ ਸੀਮਾ ਤੋਂ ਪਹਿਲਾਂ ਹੋਟੇਲ ਦੇ ਕਮਰੇ 'ਚ ਮੌਜੂਦ ਸਨ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਵਿਡੀਓ 'ਚ ਹਾਲਾਂਕਿ ਦਾਅਵਾ ਕੀਤਾ ਗਿਆ ਕਿ ਪਾਕਿਸਤਾਨੀ ਖਿਡਾਰੀ ਮੁਕਾਬਲੇ ਤੋਂ ਪਹਿਲਾਂ ਦੇਰ ਰਾਤ ਤੱਕ ਹੋਟਲ ਤੋਂ ਬਾਹਰ ਸਨ। ਮੈਦਾਨ 'ਤੇ ਕਪਤਾਨ ਸਰਫਰਾਜ਼ ਅਹਿਮਦ ਦਾ ਉਬਾਸੀ ਲੈਣਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।