ਇਹ ਪਾਕਿਸਤਾਨੀ ਖਿਡਾਰਨ ਬਣੀ ਵਿਸ਼ਵ ਦੀ ਨੰਬਰ ਇਕ ਗੇਂਦਬਾਜ਼

ਨਵੀਂ ਦਿੱਲੀ— ਪਾਕਿਸਤਾਨੀ ਮਹਿਲਾ ਕ੍ਰਿਕਟ ਟੀਮ ਦੀ ਗੇਂਦਬਾਜ਼ ਸਨਾ ਮੀਰ ਨੇ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਤਾਜ਼ਾ ਆਈ.ਸੀ.ਸੀ. ਮਹਿਲਾ ਵਨ ਡੇ ਰੈਂਕਿੰਗ 'ਚ ਉਹ ਚੋਟੀ ਦੀ ਗੇਂਦਬਾਜ਼ ਬਣ ਗਈ ਹੈ। ਉਹ ਚੋਟੀ ਦੇ ਸਥਾਨ 'ਤੇ ਪਹੁੰਚਣ ਵਾਲੀ  ਪਹਿਲੀ ਪਾਕਿਸਤਾਨੀ ਮਹਿਲਾ ਗੇਂਦਬਾਜ਼ ਬਣੀ ਹੈ। ਇਸ ਸਮੇਂ ਚਲ ਰਹੀ 2017-18 ਆਈ.ਸੀ.ਸੀ. ਮਹਿਲਾ ਚੈਂਪੀਅਨਸ਼ਿਪ 'ਚ ਸਨਾ ਮੀਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰਖਦੇ ਹੋਏ ਤਾਜ਼ਾ ਮਹਿਲਾ ਰੈਂਕਿੰਗ 'ਚ ਇਹ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਆਓ ਜਾਣਦੇ ਹਾਂ ਇਸ ਖਿਡਾਰਨ ਬਾਰੇ।

ਪਾਕਿਸਤਾਨ ਦੀ 32 ਸਾਲਾ ਅਨੁਭਵੀ ਮਹਿਲਾ ਆਲਰਾਊਂਡਰ ਸਨਾ ਮੀਰ ਨੇ ਉਹ ਕਰ ਵਿਖਾਇਆ ਹੈ ਜੋ ਅੱਜ ਤਕ ਕੋਈ ਵੀ ਪਾਕਿਸਤਾਨੀ ਮਹਿਲਾ ਕ੍ਰਿਕਟਰ ਨਹੀਂ ਕਰ ਸਕੀ ਹੈ। ਸਨਾ ਮੀਰ ਨੇ ਆਸਟਰੇਲੀਆ ਦੀ ਦਿੱਗਜ ਖਿਡਾਰਨ ਮੇਗਨ ਸ਼ੂਟ ਨੂੰ ਤਿੰਨ ਅੰਕਾਂ ਨਾਲ ਪਛਾੜਦੇ ਹੋਏ ਤਾਜ਼ਾ ਆਈ.ਸੀ.ਸੀ. ਮਹਿਲਾ ਵਨ ਡੇ ਗੇਂਦਬਾਜ਼ਾਂ ਦੀ ਰੈਂਕਿੰਗ 'ਚ ਚੋਟੀ ਦੇ ਸਥਾਨ 'ਤੇ ਪਹੁੰਚ ਗਈ ਹੈ। ਸਨਾ ਨੇ 663 ਅੰਕਾਂ ਦੇ ਨਾਲ ਇਸ ਚੋਟੀ ਦੀ ਜਗ੍ਹਾ 'ਤੇ ਆਪਣਾ ਸਥਾਨ ਯਕੀਨੀ ਬਣਾਇਆ।

ਸਨਾ ਮੀਰ ਨੂੰ ਇਸ ਖਾਸ ਸਫਲਤਾ ਦੇ ਬਾਅਦ ਹਰ ਪਾਸਿਓਂ ਵਧਾਈਆਂ ਮਿਲ ਰਹੀਆਂ ਹਨ। ਪਾਕਿਸਤਾਨ ਦੇ ਐਬਟਾਬਾਦ 'ਚ 5 ਜਨਵਰੀ 1986 'ਚ ਜੰਮੀ ਸਨਾ ਮੀਰ ਨੂੰ ਆਈ.ਸੀ.ਸੀ. ਦੇ ਨਾਲ-ਨਾਲ ਪਾਕਿਸਤਾਨ ਸਰਕਾਰ ਨੇ ਵੀ ਟਵੀਟ ਕਰਕੇ ਵਧਾਈ ਦਿੱਤੀ ਹੈ। ਸਨਾ ਮੀਰ ਨੇ ਦਸੰਬਰ 2005 'ਚ ਸ਼੍ਰੀਲੰਕਾ ਖਿਲਾਫ ਵਨ ਡੇ ਮੈਚ ਖੇਡਦੇ ਹੋਏ ਆਪਣੇ ਕੌਮਾਂਤਰੀ ਕ੍ਰਿਕਟ ਕਰੀਅਰ ਦਾ ਆਗਾਜ਼ ਕੀਤਾ ਸੀ। ਉਨ੍ਹਾਂ ਨੇ ਅਜੇ ਤੱਕ 112 ਵਨ ਡੇ ਮੈਚਾਂ 'ਚ 1558 ਦੌੜਾਂ ਬਣਾਈਆਂ ਹਨ ਅਤੇ 136 ਵਿਕਟ ਹਾਸਲ ਕੀਤੇ ਹਨ। ਜਦਕਿ ਟੀ-20 ਕੌਮਾਂਤਰੀ ਕਰੀਅਰ 'ਚ ਉਨ੍ਹਾਂ ਨੇ 90 ਮੈਚਾਂ 'ਚ 757 ਦੌੜਾਂ ਬਣਾਈਆਂ ਹਨ ਅਤੇ 76 ਵਿਕਟਾਂ ਲਈਆਂ ਹਨ।

Tributes poured in for @mir_sana05 after she became the first Pakistan player to top the @MRFWorldwide ICC Women's ODI Rankings - here's the best of the reaction 👇https://t.co/LDIlxg1Jte pic.twitter.com/MqXqwvvdZ2

— ICC (@ICC) October 23, 2018

Pakistan Women’s cricketer & former captain, Sana Mir, secured top position in ICC ODI bowling rankings. The 32-year-old former captain clinched the number one spot after bowling performances against Australia in recent #ICC Women’s Championship series in Kuala Lumpur, #Malaysia. pic.twitter.com/OHHwVcmRzn

— Govt of Pakistan (@pid_gov) October 23, 2018