ਰੋਡਮੈਨ ਦੇ ਗੋਲ ਨਾਲ ਅਮਰੀਕੀ ਮਹਿਲਾ ਫੁੱਟਬਾਲ ਟੀਮ ਨੇ ਚੀਨ ਨੂੰ ਹਰਾਇਆ

ਫੋਰਟ ਲਾਡਰਡੇਲ (ਫਲੋਰਿਡਾ), (ਭਾਸ਼ਾ)- ਟ੍ਰਿਨਿਟੀ ਰੋਡਮੈਨ ਨੇ ਇੱਕ ਗੋਲ ਕੀਤਾ ਅਤੇ ਦੋ ਗੋਲਾਂ ਵਿੱਚ ਸਹਾਇਤਾ ਕੀਤੀ ਜਿਸ ਨਾਲ ਅਮਰੀਕਾ ਨੇ ਸ਼ਨੀਵਾਰ ਨੂੰ ਇੱਥੇ ਮਹਿਲਾ ਨੁਮਾਇਸ਼ੀ ਫੁੱਟਬਾਲ ਮੈਚ ਵਿੱਚ ਚੀਨ ਨੂੰ  3-0 ਨਾਲ ਹਰਾਇਆ। ਰੋਡਮੈਨ ਤੋਂ ਇਲਾਵਾ ਸੋਫੀਆ ਸਮਿਥ ਅਤੇ ਲਿੰਡਸੇ ਹੋਰਨ ਨੇ ਵੀ ਚੀਨ ਦੇ ਖਿਲਾਫ ਦੋ ਨੁਮਾਇਸ਼ੀ ਮੈਚਾਂ ਦੇ ਪਹਿਲੇ ਮੈਚ ਵਿੱਚ ਗੋਲ ਕੀਤੇ। 

ਇਹ ਵੀ ਪੜ੍ਹੋ : ਭਾਰਤ ਮਹਿਲਾ ਜੂਨੀਅਰ ਹਾਕੀ ਵਿਸ਼ਵ ਕੱਪ ’ਚ ਬੈਲਜੀਅਮ ਹੱਥੋਂ ਹਾਰਿਆ

ਦੂਜਾ ਨੁਮਾਇਸ਼ੀ ਮੈਚ ਮੰਗਲਵਾਰ ਨੂੰ ਫਰਿਸਕੋ, ਟੈਕਸਾਸ ਵਿੱਚ ਖੇਡਿਆ ਜਾਵੇਗਾ। ਸੋਫੀਆ ਨੇ ਅੱਠਵੇਂ ਮਿੰਟ 'ਚ ਰੋਡਮੈਨ ਦੇ ਪਾਸ 'ਤੇ ਗੋਲ ਕਰਕੇ ਅਮਰੀਕਾ ਨੂੰ ਬੜ੍ਹਤ ਦਿਵਾਈ। ਸੋਫੀਆ ਦਾ ਰਾਸ਼ਟਰੀ ਟੀਮ ਲਈ 37 ਮੈਚਾਂ 'ਚ ਇਹ 15ਵਾਂ ਗੋਲ ਸੀ। ਲਿੰਡਸੇ ਨੇ 52ਵੇਂ ਮਿੰਟ ਵਿੱਚ ਸੰਯੁਕਤ ਰਾਜ ਅਮਰੀਕਾ ਲਈ ਦੂਜਾ ਗੋਲ ਕੀਤਾ, ਜਦੋਂਕਿ ਰੋਡਮੈਨ ਨੇ 77ਵੇਂ ਮਿੰਟ ਵਿੱਚ ਜੈਡਿਨ ਸ਼ਾਅ ਦੇ ਪਾਸ ਉੱਤੇ ਗੋਲ ਕਰਕੇ ਟੀਮ ਦੀ 3-0 ਦੀ ਜਿੱਤ ਯਕੀਨੀ ਬਣਾਈ। 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8