ਮੀਆਂਦਾਦ ਨੇ ਭਾਰਤ ਖਿਲਾਫ ਉਗਲਿਆ ਜ਼ਹਿਰ, ਤਲਵਾਰ ਲਹਿਰਾਉਂਦਿਆਂ ਦਿੱਤੀ ਇਹ ਧਮਕੀ (Video)

ਸਪੋਰਟਸ ਡੈਸਕ : ਕੇਂਦਰ ਸਰਕਾਰ ਵੱਲੋਂ ਜੰਮੂ-ਕਸ਼ਮੀਰ ਤੋਂ ਆਰਟੀਕਲ 370 ਹਟਾਉਣ ਤੋਂ ਬਾਅਦ ਹੀ ਪਾਕਿਸਤਾਨ ਦੀ ਬੇਚੈਨੀ ਵਧੀ ਹੋਈ ਹੈ ਅਤੇ ਪਾਕਿ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਤੋਂ ਲੈ ਕੇ ਕਈ ਕ੍ਰਿਕਟ ਖਿਡਾਰੀ ਇਸ ਮਾਮਲੇ ’ਤੇ ਬੇਤੁਕਾ ਬਿਆਨ ਦੇ ਚੁੱਕੇ ਹਨ। ਤਾਜ਼ਾ ਮਾਮਲਾ ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਜਾਵੇਦ ਮਿਆਂਦਾਦ ਦਾ ਹੈ ਜਿਸ ਨੇ ਇਕ ਵਿਵਾਦਤ ਬਿਆਨ ਦਿੱਤਾ ਹੈ।

ਦਰਅਸਲ, ਸੋਸ਼ਲ ਮੀਡੀਆ ’ਤੇ ਜਾਵੇਦ ਮਿਆਂਦਾਦ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ‘‘ਜਿਸ ਵਿਚ ਉਹ ਤਲਵਾਰ ਦਿਖਾਉਂਦਿਆਂ ਭਾਰਤ ਨੂੰ ਧਮਕੀ ਦੇ ਰਿਹਾ ਹੈ। ਵੀਡੀਓ ਵਿਚ ਜਾਵੇਦ ਮਿਆਂਦਾਦ ਕਹਿ ਰਿਹਾ ਹੈ, ‘ਕਸ਼ਮੀਰ ਭਰਾਓ ਫਿਕਰ ਨਾ ਕਰੋ, ਅਸੀਂ ਤੁਹਾਡੇ ਨਾਲ ਹਾਂ। ਪਹਿਲਾਂ ਬੱਲੇ ਨਾਲ ਮਾਰਿਆ ਸੀ, ਹੁਣ ਇਸ ਤਲਵਾਰ ਦਾ ਇਸਤੇਮਾਲ ਕਰ ਸਕਦਾ ਹਾਂ।’’ ਇਸ ਤੋਂ ਬਾਅਦ ਜਾਵੇਦ ਮਿਆਂਦਾਦ ਇੱਥੇ ਹੀ ਨਹੀਂ ਰੁੱਕਿਆ ਅਤੇ ਉਸ ਨੇ ਅੱਗੇ ਕਿਹਾ, ‘‘ਜੇਕਰ ਮੈਂ ਬੱਲੇ ਨਾਲ ਛੱਕੇ ਮਾਰ ਸਕਦਾ ਹਾਂ ਤਾਂ ਮੈਂ ਤਲਵਾਰ ਨਾਲ ਬੰਦਾ ਕਿਉਂ ਨਹੀਂ ਮਾਰ ਸਕਦਾ।’’

Former Pakistan cricketer Javed Miandad threatening India while holding a sword: Pehle main balle se chakka marta tha, ab talwar se insaan maaronga (If I can hit six with a bat, why can't I swing sword.. I used to hit sixes with bat, now I'll kill humans with sword)... pic.twitter.com/blmK1XnbKS

— Navneet Mundhra (@navneet_mundhra) September 1, 2019

ਹਾਲਾਂਕਿ ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਜਾਵੇਦ ਮਿਆਂਦਾਦ ਨੇ ਇਸ ਤਰ੍ਹਾਂ ਦਾ ਧਮਕੀ ਦਿੱਤੀ ਹੈ। ਹਾਲ ਹੀ ’ਚ ਉਸ ਨੇ ਪਰਮਾਣੂ ਬੰਬ ਦੀ ਧਮਕੀ ਦਿੱਤੀ ਸੀ। ਮਿਆਂਦਾਦ ਨੇ ਕਿਹਾ ਸੀ, ‘‘ਜੇਕਰ ਤੁਹਾਡੇ ਕੋਲ ਲਾਈਸੇਂਸੀ ਹੱਥਿਆਰ ਹਨ, ਤਾਂ ਤੁਹਾਨੂੰ ਹਮਲਾ ਕਰਨਾ ਚਾਹੀਦਾ ਹੈ। ਇਹ ਹਰ ਜਗ੍ਹਾ ਨਿਯਮ ਹਨ ਕਿ ਤੁਸੀਂ ਆਪਣੇ ਬਚਾਅ ’ਚ ਮਾਰ ਸਕਦੇ ਹੋ। ਜਦੋਂ ਉਨ੍ਹਾਂ (ਭਾਰਤੀਆਂ) ਦੀਆਂ ਲਾਸ਼ਾਂ ਘਰ ਆਉਣਗੀਆਂ ਤਦ ਹੀ ਉਨ੍ਹਾਂ ਨੂੰ ਅਹਿਸਾਸ ਹੋਵੇਗਾ। ਮੈਂ ਪਹਿਲਾਂ ਵੀ ਕਹਿ ਚੁੱਕਾ ਹਾਂ ਕਿ ਭਾਰਤ ਡਰਪੋਕ ਦੇਸ਼ ਹੈ। ਹੁਣ ਤੱਕ ਇਨ੍ਹਾਂ ਨੇ ਕੀ ਕੀਤਾ ਹੈ? ਪਰਮਾਣੂ ਬੰਬ ਅਸੀਂ ਚਲਾਉਣ ਲਈ ਰੱਖਿਆ ਹੈ। ਸਾਨੂੰ ਮੌਕਾ ਚਾਹੀਦਾ ਹੈ ਅਤੇ ਅਸੀਂ ਸਾਫ ਕਰ ਦੇਵਾਂਗੇ।’’