ਮਨਦੀਪ ਜਾਂਗੜ ਨੇ ਪ੍ਰੋ ਬਾਕਸ ਪ੍ਰੋਮੋਸ਼ਨਸ ਨਾਲ ਕੀਤਾ ਕਰਾਰ

ਨਵੀਂ ਦਿੱਲੀ- ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਵਿਚ ਚਾਂਦੀ ਤਮਗਾ ਜਿੱਤਣ ਵਾਲੇ ਮੁੱਕੇਬਾਜ਼ ਮਨਦੀਪ ਜਾਂਗੜਾ ਨੇ ਫਲੋਰਿਡਾ ਦੀ ਕੰਪਨੀ ਪ੍ਰੋ ਬਾਕਸ ਪ੍ਰੋਮੋਸ਼ਨਸ ਨਾਲ ਕਰਾਰ ਕੀਤਾ ਹੈ ਤੇ ਉਹ ਫਲੋਰਿਡਾ ਦੇ ਟੰਪਾ ਵਿਚ 1 ਮਈ ਨੂੰ ਆਪਣਾ ਡੈਬਿਊ ਕਰੇਗਾ, ਜਿਸ ਵਿਚ ਉਸ ਦੇ ਵਿਰੋਧੀ ਦਾ ਫੈਸਲਾ ਅਜੇ ਨਹੀਂ ਹੋਇਆ ਹੈ। ਸਾਲ 2013 ਏਸ਼ੀਆਈ ਚੈਂਪੀਅਨਸ਼ਿਪ ਦੇ ਚਾਂਦੀ ਤਮਗਾ ਜੇਤੂ 27 ਸਾਲਾ ਜਾਂਗੜਾ ਨੂੰ 19 ਮਾਰਚ ਨੂੰ ਸੁਪਰ ਵੇਲਟਰਵੇਟ (69 ਕਿ. ਗ੍ਰਾ.) ਵਿਚ ਮੁਕਾਬਲਾ ਖੇਡਣਾ ਸੀ ਪਰ ਹੁਣ ਇਸ ਦੀ ਬਜਾਏ ਉਹ ਮਈ ਵਿਚ ਆਪਣੇ ਡੈਬਿਊ ਲਈ ਟ੍ਰੇਨਿੰਗ ਜਾਰੀ ਰੱਖੇਗਾ।

ਇਹ ਖ਼ਬਰ ਪੜ੍ਹੋ- IND vs ENG : ਭਾਰਤ ਨੇ ਇੰਗਲੈਂਡ ਨੂੰ 8 ਦੌੜਾਂ ਨਾਲ ਹਰਾਇਆ

ਜਾਂਗੜਾ ਨੇ ਇਕ ਬਿਆਨ ਵਿਚ ਕਿਹਾ,‘‘ਮੈਨੂੰ ਪ੍ਰੋ ਬਾਕਸ ਪ੍ਰੋਮੋਸ਼ਨਸ ਤੇ ਗੈਰੀ ਜੋਨਾਸ ਦੇ ਨਾਲ ਕਰਾਰ ਕਰਕੇ ਕਾਫੀ ਖੁਸ਼ੀ ਹੋ ਰਹੀ ਹੈ। ਗੈਰੀ ਨੇ ਜੁਆਨ ਕਾਰਲੋਸ ਪਾਯਾਨੋ ਤੇ ਅਰਜਨਿਸ ਮੇਂਡੇਜ ਵਰਗੇ ਵਿਸ਼ਵ ਚੈਂਪੀਅਨ ਦਾ ਮਾਰਗਦਸ਼ਨ ਕੀਤਾ ਹੈ, ਇਸ ਲਈ ਮੈਂ ਉਨ੍ਹਾਂ ਦੇ ਨਕਸ਼ੇ ਕਦਮਾਂ ’ਤੇ ਚੱਲਣ ਲਈ ਤੇ ਭਾਰਤ ਦੇ ਲੋਕਾਂ ਲਈ ਇਕ ਵਿਸ਼ਵ ਚੈਂਪੀਅਨ ਬਣਨ ਲਈ ਬਹੁਤ ਉਤਸ਼ਾਹਿਤ ਹਾਂ।’’ ਉਸ ਨੇ ਕਿਹਾ,‘‘ਮੈਂ ਮਾਈਕ ਟਾਈਸਨ ਨੂੰ ਦੇਖਦੇ ਹੋਏ ਵੱਡਾ ਹੋਇਆ ਹਾਂ ਤੇ ਗੈਰੀ ਕਾਫੀ ਲੰਬੇ ਸਮੇਂ ਤਕ ਮਾਈਕ ਟਾਈਸਨ ਦਾ ਵਪਾਰਕ ਸਾਂਝੀਦਾਰ ਸੀ, ਇਸ ਲਈ ਉਸਦੇ ਨਾਲ ਕੰਮ ਕਰਨਾ ਸੁਪਨੇ ਵਰਗਾ ਹੀ ਹੈ। ਮੈਂ 1 ਮਈ ਨੂੰ ਫਲੋਰਿਡਾ ਦੇ ਟੰਪਾ ਵਿਚ ਡੈਬਿਊ ਲਈ ਤਿਆਰ ਹਾਂ।’’

ਇਹ ਖ਼ਬਰ ਪੜ੍ਹੋ- PSL ਮੁਲਤਵੀ ਹੋਣ ਲਈ ਅਫਰੀਦੀ ਨੇ PCB ਨੂੰ ਜ਼ਿੰਮੇਵਾਰ ਠਹਿਰਾਇਆ

ਨੋਟ- ਇਸ ਖਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।