ਬਾਇਰਨ ਮਿਊਨਿਖ ਤੋਂ ਹਾਰ ਕੇ ਮੈਨਚੈਸਟਰ ਯੂਨਾਈਟਿਡ ਚੈਂਪੀਅਨਜ਼ ਲੀਗ ਤੋਂ ਬਾਹਰ

ਮੈਨਚੈਸਟਰ, (ਭਾਸ਼ਾ) : ਬਾਇਰਨ ਮਿਊਨਿਖ ਤੋਂ 1-0 ਨਾਲ ਹਾਰ ਕੇ ਮਾਨਚੈਸਟਰ ਯੂਨਾਈਟਿਡ ਚੈਂਪੀਅਨਜ਼ ਲੀਗ ਫੁੱਟਬਾਲ ਦੇ ਸ਼ੁਰੂਆਤੀ ਦੌਰ ਵਿੱਚੋਂ ਬਾਹਰ ਹੋ ਗਿਆ। ਬਾਇਰਨ ਲਈ ਕਿੰਗਸਲੇ ਕੋਮਾਨ ਨੇ 70ਵੇਂ ਮਿੰਟ ਵਿੱਚ ਗੋਲ ਕੀਤਾ। ਇਸ ਦੇ ਨਾਲ ਹੀ ਤਿੰਨ ਵਾਰ ਦੇ ਯੂਰਪੀਅਨ ਕੱਪ ਚੈਂਪੀਅਨ ਮਾਨਚੈਸਟਰ ਯੂਨਾਈਟਿਡ ਦੀਆਂ ਨਾਕਆਊਟ ਗੇੜ ਵਿੱਚ ਪਹੁੰਚਣ ਦੀਆਂ ਉਮੀਦਾਂ ਖਤਮ ਹੋ ਗਈਆਂ। 

ਇਹ ਵੀ ਪੜ੍ਹੋ : ਪਾਵਰਪਲੇ ਦੀ ਵਰਤੋਂ ਹੋਰ ਪ੍ਰਭਾਵਸ਼ਾਲੀ ਢੰਗ ਨਾਲ ਕਰਨੀ ਪਵੇਗੀ : ਸੂਰਿਆਕੁਮਾਰ ਯਾਦਵ

ਯੂਨਾਈਟਿਡ ਇਸ ਸੀਜ਼ਨ ਦੇ ਸਾਰੇ ਮੁਕਾਬਲਿਆਂ ਵਿੱਚ ਆਪਣੀ 12ਵੀਂ ਹਾਰ ਦੇ ਨਾਲ ਗਰੁੱਪ ਏ ਵਿੱਚ ਸਭ ਤੋਂ ਹੇਠਾਂ ਰਿਹਾ ਤੇ ਯੂਰੋਪਾ ਲੀਗ ਵਿੱਚ ਜਗ੍ਹਾ ਪੱਕੀ ਕਰਨ ਵਿੱਚ ਅਸਫਲ ਰਿਹਾ। ਕੋਪੇਨਹੇਗਨ ਵੀ ਇਸ ਗਰੁੱਪ 'ਚੋਂ ਗੈਲਾਟਾਸਾਰੇ ਨੂੰ 1-0 ਨਾਲ ਹਰਾ ਕੇ ਆਖਰੀ 16 'ਚ ਪਹੁੰਚ ਗਿਆ ਹੈ।

ਇਹ ਵੀ ਪੜ੍ਹੋ : ਸੂਰਯਕੁਮਾਰ ਨੇ ਛੱਡਿਆ ਧੋਨੀ ਨੂੰ ਪਿੱਛੇ, ਵਿਰਾਟ ਦੀ ਕੀਤੀ ਬਰਾਬਰੀ, ਅਜਿਹਾ ਕਰਨ ਵਾਲੇ ਭਾਰਤ ਦੇ ਇਕਲੌਤੇ ਕਪਤਾਨ

ਇਸ ਨਤੀਜੇ ਦਾ ਮਤਲਬ ਇਹ ਹੈ ਕਿ ਜੇਕਰ ਯੂਨਾਈਟਿਡ ਜਿੱਤ ਵੀ ਲੈਂਦਾ ਤਾਂ ਵੀ ਉਹ ਅਗਲੇ ਦੌਰ 'ਚ ਨਹੀਂ ਪਹੁੰਚ ਸਕਦਾ ਸੀ। ਸਾਬਕਾ ਮੈਨੇਜਰ ਐਲੇਕਸ ਫਰਗੂਸਨ ਦੇ 2013 ਵਿੱਚ ਸੰਨਿਆਸ ਲੈਣ ਤੋਂ ਬਾਅਦ ਯੂਨਾਈਟਿਡ ਸੱਤ ਕੋਸ਼ਿਸ਼ਾਂ ਵਿੱਚ ਤੀਜੀ ਵਾਰ ਨਾਕਆਊਟ ਪੜਾਅ ਤੱਕ ਪਹੁੰਚਣ ਵਿੱਚ ਅਸਫਲ ਰਿਹਾ ਹੈ, ਅਤੇ ਦੂਜੀ ਵਾਰ ਆਪਣੇ ਚੈਂਪੀਅਨਜ਼ ਲੀਗ ਗਰੁੱਪ ਵਿੱਚ ਸਭ ਤੋਂ ਹੇਠਾਂ ਰਿਹਾ ਹੈ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।