ਲਾਹਿੜੀ ਲਿਵ ਗੋਲਫ ''ਚ 10ਵੇਂ ਸਥਾਨ ''ਤੇ ਰਹੇ

ਜੇਦਾ- ਭਾਰਤੀ ਗੋਲਫਰ ਅਨਿਰਬਾਨ ਲਾਹਿੜੀ ਐਤਵਾਰ ਨੂੰ ਇੱਥੇ ਆਖ਼ਰੀ ਦੌਰ 'ਚ 69 ਦੇ ਸਕੋਰ ਨਾਲ ਲਿਵ ਗੋਲਫ ਇਨਵਿਟੇਸ਼ਨ ਦੇ ਜੇਦਾ ਪੜਾਅ 'ਚ ਸਾਂਝੇ ਤੌਰ 'ਤੇ 10ਵੇਂ ਸਥਾਨ 'ਤੇ ਰਹੇ। ਫਲੂ ਨਾਲ ਪੀੜਤ ਹੋਣ ਦੇ ਬਾਵਜੂਦ ਟੂਰਨਾਮੈਂਟ 'ਚ ਖੇਡਣ ਵਾਲੇ 36 ਸਾਲਾ ਲਾਹਿੜੀ ਨੇ ਪਾਰ 70 ਦੇ ਰਾਇਲ ਗ੍ਰੀਨ ਗੋਲਫ ਕੋਰਸ 'ਤੇ 67, 66 ਤੇ 69 ਦਾ ਸਕੋਰ ਬਣਾਇਆ।

ਲਾਹਿੜੀ ਨੇ ਫਾਈਨਲ ਰਾਊਂਡ ਦੇ ਪਹਿਲੇ ਹੋਲ 'ਤੇ ਈਗਲ ਬਣਾਇਆ ਪਰ ਉਸ ਨੇ 11ਵੇਂ ਅਤੇ 12ਵੇਂ ਹੋਲ 'ਤੇ ਬੋਗੀ ਤੋਂ ਇਲਾਵਾ 13ਵੇਂ ਹੋਲ 'ਤੇ ਡਬਲ ਬੋਗੀ ਕੀਤੀ। ਲਿਵ ਸੀਰੀਜ਼ ਦੇ ਪਿਛਲੇ ਤਿੰਨ ਟੂਰਨਾਮੈਂਟਾਂ ਵਿੱਚ, ਲਾਹਿੜੀ ਬੋਸਟਨ ਵਿੱਚ ਦੂਜੇ, ਸ਼ਿਕਾਗੋ ਵਿੱਚ 23ਵੇਂ ਅਤੇ ਬੈਂਕਾਕ ਵਿੱਚ 41ਵੇਂ ਸਥਾਨ ’ਤੇ ਰਹੇ। ਬਰੂਕਸ ਕੋਏਪਕਾ ਨੇ ਤੀਜੇ ਪਲੇਆਫ ਹੋਲ ਵਿੱਚ ਪੀਟਰ ਉਲਹੀਨ ਨੂੰ ਹਰਾ ਕੇ ਖਿਤਾਬ ਜਿੱਤਿਆ। ਦੋਵਾਂ ਦਾ ਸੰਯੁਕਤ ਸਕੋਰ 12 ਅੰਡਰ ਸੀ।