ਦੋ ਤੋਂ ਤਿੰਨ ਹਫਤਿਆਂ ''ਚ ਖੇਡਣਾ ਸ਼ੁਰੂ ਕਰ ਦੇਵਾਂਗਾ : ਜਾਧਵ

ਮੁੰਬਈ— ਭਾਰਤੀ ਆਲ ਰਾਊਂਡਰ ਕੇਦਾਰ ਜਾਧਵ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ ਦੋ ਤੋਂ ਤਿੰਨ ਹਫਤਿਆਂ ਦੇ ਸਮੇਂ 'ਚ ਖੇਡਣਾ ਸ਼ੁਰੂ ਕਰ ਦੇਣਗੇ। ਆਈ.ਪੀ.ਐੱਲ. ਦੇ ਦੌਰਾਨ ਹੈਮਸਟ੍ਰਿੰਗ ਦੀ ਸੱਟ ਦੇ ਬਾਅਦ ਜਾਧਵ ਨੂੰ ਸਰਜਰੀ ਕਰਾਉਣੀ ਪਈ ਸੀ। 

ਮੁੰਬਈ ਇੰਡੀਅਨਜ਼ ਖਿਲਾਫ ਇਸ ਸਾਲ ਦੇ ਆਈ.ਪੀ.ਐੱਲ. 'ਚ ਚੇਨਈ ਸੁਪਰਕਿੰਗਜ਼ ਦੇ ਲਈ ਖੇਡਦੇ ਹੋਏ ਜਾਧਵ ਨੂੰ 7 ਅਪ੍ਰੈਲ ਨੂੰ ਸੱਟ ਲੱਗ ਗਈ ਸੀ ਜਿਸ ਕਾਰਨ ਉਹ ਲੀਗ ਤੋਂ ਬਾਹਰ ਹੋ ਗਏ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਮੈਲਬੋਰਨ 'ਚ ਸਰਜਰੀ ਕਰਾਈ। ਜਾਧਵ ਨੇ ਸ਼ੁੱਕਰਵਾਰ ਨੂੰ ਇਕ ਪ੍ਰੋਗਰਾਮ ਦੇ ਦੌਰਾਨ ਪੱਤਰਕਾਰਾਂ ਨੂੰ ਕਿਹਾ, ''ਰਿਹੈਬਲੀਟੇਸ਼ਨ ਚੰਗਾ ਚਲ ਰਿਹਾ ਹੈ। ਦੋ ਤੋਂ ਤਿੰਨ ਹਫਤਿਆਂ ਦੇ ਬਾਅਦ ਮੈਂ ਫਿੱਟ ਹੋ ਜਾਵਾਂਗਾ ਅਤੇ ਖੇਡਣਾ ਸ਼ੁਰੂ ਕਰ ਦੇਵਾਂਗਾ। ਮਹਾਰਾਸ਼ਟਰ ਦੇ ਇਸ 33 ਸਾਲਾ ਕ੍ਰਿਕਟਰ ਨੇ ਕਿਹਾ, ''ਮੈਂ ਉਮੀਦ ਤੋਂ ਛੇਤੀ ਉੱਭਰ ਰਿਹਾ ਹਾਂ, ਇਸ ਲਈ ਮੈਂ ਖੁਸ਼ ਹਾਂ।''