ਅਗਲੇ ਮਹੀਨੇ ਹੋਵੇਗਾ ਕਬੱਡੀ ਟੀਮ ਲਈ ਦੂਜਾ ਟ੍ਰਾਇਲ

ਫਰੀਦਾਬਾਦ— ਬੰਗਾਲਦੇਸ਼ 'ਚ ਹੋਣ ਵਾਲੀ ਇੰਟਰਨੈਸ਼ਨਲ ਕਬੱਡੀ ਚੈਂਪੀਅਨਸ਼ਿਪ ਲਈ ਦੂਜਾ ਟ੍ਰਾਇਲ ਮਈ 'ਚ ਹੋਵੇਗੀ। ਇਸ ਟ੍ਰਾਇਲ ਦੇ ਬਾਅਦ ਟੀਮ ਤਿਆਰ ਕੀਤੀ ਜਾਵੇਗੀ। ਵਰਲਡ ਐਮੇਚਿਓਰ ਫੈਡਰੇਸ਼ਨ ਵੱਲੋਂ ਕਬੱਡੀ ਚੈਂਪੀਅਨਸ਼ਿਪ ਦੀ ਤਿਆਰੀ ਚਲ ਰਹੀ ਹੈ। ਬੰਗਲਾਦੇਸ ਦੀ ਰਾਜਧਾਨੀ ਢਾਕਾ 'ਚ ਪੰਜ ਤੋਂ 7 ਜੂਨ ਤਕ ਕਬੱਡੀ ਚੈਂਪੀਅਨਸ਼ਿਪ ਆਯੋਜਿਤ ਹੋਵੇਗੀ, ਜਿਸ 'ਚ ਨੇਪਾਲ, ਸ਼੍ਰੀਲੰਕਾ, ਬੰਗਲਾਦੇਸ਼, ਭਾਰਤ ਅਤੇ ਭੂਟਾਨ ਦੀਆਂ ਮਹਿਲਾ ਅਤੇ ਪੁਰਸ਼ ਟੀਮਾਂ ਸ਼ਾਮਲ ਹੋਣਗੀਆਂ। ਭਾਰਤੀ ਟੀਮ ਤਿਆਰ ਕਰਨ ਲਈ ਪਹਿਲਾ ਟ੍ਰਾਇਲ 14 ਅਪ੍ਰੈਲ ਨੂੰ ਮੇਵਲਾ ਮਹਾਰਾਜਪੁਰ ਦੇ ਸਰਕਾਰੀ ਸਕੂਲ 'ਚ ਹੋ ਚੁੱਕਾ ਹੈ। 20 ਮਈ ਨੂੰ ਦੂਜਾ ਟ੍ਰਾਇਲ ਵੀ ਮੇਵਲਾ ਮਹਾਰਾਜਪੁਰ 'ਚ ਹੋਵੇਗਾ।