ਮੋਲਡੋਵਾ ਦੇ ਪਹਿਲਵਾਨ ਨੂੰ ਹਰਾ ਕੇ ਜਿਤੇਂਦਰ ਦੀ ਵਰਲਡ ਚੈਂਪੀਅਨਸ਼ਿਪ 'ਚ ਜੇਤੂ ਸ਼ੁਰੂਆਤ
09/21/2019 1:57:17 PM
ਸਪੋਰਟਸ ਡੈਸਕ— ਭਾਰਤੀ ਪਹਿਲਵਾਨ ਜਿਤੇਂਦਰ ਨੇ ਸ਼ਨੀਵਾਰ ਨੂੰ ਇੱਥੇ ਜਾਰੀ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਦੇ 79 ਕਿੱਲੋਗ੍ਰਾਮ ਭਾਰਵਰਗ 'ਚ ਜਿੱਤ ਦੇ ਨਾਲ ਸ਼ੁਰੂਆਤ ਕੀਤੀ ਹੈ। ਜਿਤੇਂਦਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਪਹਿਲੇ ਦੌਰ ਦੇ ਆਪਣੇ ਮੈਚ 'ਚ ਮੋਲਡੋਵਾ ਦੇ ਘੇਓਰਘੀ ਪਾਸਕਲੋਵ ਨੂੰ 7-2 ਨਾਲ ਹਰਾ ਦਿੱਤਾ।
#BREAKING: India's Jitender beats Moldova's Gheorghi Pascalov 7-2 in the opening round of the men's 79kg freestyle category in the World Wrestling Championships.
— Sportstar (@sportstarweb) September 21, 2019
ਮੈਚ ਦੀ ਸ਼ੁਰੂਆਤ ਭਾਰਤੀ ਖਿਡਾਰੀ ਲਈ ਬਿਹਤਰੀਨ ਰਹੀ ਅਤੇ ਉਸ ਨੇ ਸਭ ਤੋਂ ਪਹਿਲਾਂ ਦੋ ਅੰਕ ਹਾਸਲ ਕੀਤੇ। ਪਾਸਕਲੋਵ ਨੇ ਵੀ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਪਰ ਪਹਿਲੇ ਰਾਊਂਡ ਦੀ ਸਮਾਪਤੀ 'ਤੇ ਜਿਤੇਂਦਰ 5-2 ਤੋਂ ਅੱਗੇ ਰਹੇ।ਦੂਜੇ ਰਾਊਂਡ 'ਚ ਵੀ ਜਿਤੇਂਦਰ ਦਾ ਦਬਦਬਾ ਦੇਖਣ ਨੂੰ ਮਿਲਿਆ ਅਤੇ ਉਨ੍ਹਾਂ ਨੇ ਜਿੱਤ ਦਰਜ ਕਰਦੇ ਹੋਏ ਪ੍ਰੀ-ਕੁਆਟਰ ਫਾਈਨਲ 'ਚ ਜਗ੍ਹਾ ਬਣਾਈ। ਜਿਤੇਂਦਰ ਦਾ ਮੁਕਾਬਲਾ ਪ੍ਰੀ-ਕੁਆਟਰ ਫਾਈਨਲ 'ਚ ਤੁਰਕੀ ਦੇ ਮੁਹੰਮੇਤ ਨੂਰੀ ਕੋਟਨੋਗੁਲੂ ਨਾਲ ਹੋਵੇਗਾ।