ਦੁਬਈ ''ਚ ਖੇਡਿਆ ਜਾਵੇਗਾ ਆਈ.ਪੀ.ਐੱਲ.-12
04/26/2018 3:33:59 AM
ਕੋਲਕਾਤਾ— ਅਗਲੇ ਸਾਲ ਹੋਣ ਵਾਲੀ ਇੰਡੀਅਨ ਪ੍ਰੀਮਿਅਰ ਲੀਗ ਦੀਆਂ ਤਰੀਕਾਂ ਜੇਕਰ ਆਮ ਚੋਣਾਂ ਨਾਲ ਟਕਰਾਉਂਦੀਆਂ ਹਨ ਤਾਂ ਬੀ.ਸੀ.ਸੀ.ਆਈ. ਇਸ ਦਾ ਆਯੋਜਨ ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ.) 'ਚ ਕਰਵਾ ਸਕਦਾ ਹੈ। ਆਈ.ਪੀ.ਐੱਲ. ਦਾ 12ਵਾਂ ਸੈਸ਼ਨ ਅਗਲੇ ਸਾਲ 29 ਮਾਰਚ ਨਾਲ 19 ਮਈ ਵਿਚਾਲੇ ਹੋਵੇਗਾ, ਪਰ ਬੀ.ਸੀ.ਸੀ.ਆਈ. ਇਸ ਨਾਲ ਵਾਕਿਫ ਹੈ ਕਿ ਇਸ ਦੌਰਾਨ ਚੋਣਾਂ ਵੀ ਹੋ ਸਕਦੀਆਂ ਹਨ।
ਬੀ.ਸੀ.ਸੀ.ਆਈ. ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਗੋਪਨੀਅਤਾ ਦੀ ਸ਼ਰਤ 'ਤੇ ਕਿਹਾ ਕਿ ਜਦੋਂ ਅਜਿਹੀ ਸਥਿਤੀ ਬਣੇਗੀ ਅਸੀਂ ਤਦ ਫੈਸਲਾ ਕਰਾਂਗੇ, ਪਰ ਅਸੀਂ ਅਜਿਹੀ ਕਿਸੇ ਵੀ ਸਥਿਤੀ ਲਈ ਤਿਆਰ ਹੈ। ਜ਼ਰੂਰਤ ਪੈਣ ਦਾ ਇਸ ਦਾ ਆਯੋਜਨ ਸੰਯੁਕਤ ਅਰਬ ਅਮੀਰਾਤ 'ਚ ਕੀਤਾ ਜਾ ਸਕਦਾ ਹੈ। ਉਨ੍ਹਾਂਨੇ ਕਿਹਾ ਕਿ ਯੂ.ਏ.ਈ. ਦਾ ਸਮਾਂ ਖੇਤਰ ਭਾਰਤੀ ਦਰਸ਼ਕਾਂ ਦੇ ਅਨੁਕੂਲ ਹੈ।
ਯੂ.ਏ.ਈ. 'ਚ ਮੈਚ ਤਿੰਨ ਸਥਾਨਾਂ ਸ਼ਾਰਜਾਹ, ਦੁਬਈ ਅਤੇ ਅਬੂਧਾਬੀ 'ਚ ਖੇਡੇ ਜਾਂਦੇ ਹਨ। ਇਸ ਤੋਂ ਪਹਿਲਾਂ ਵੀ ਆਮ ਚੋਣਾਂ ਦੇ ਕਾਰਨ 2 ਵਾਰ ਆਈ.ਪੀ.ਐੱਲ. ਦੇ ਮੈਚ ਵਿਦੇਸ਼ਾਂ 'ਚ ਕਰਵਾਉਣ ਪਏ ਸਨ। ਚੋਣਾਂ ਦੀ ਵਜ੍ਹਾ ਨਾਲ 2009 'ਚ ਦੱਖਣੀ ਅਫਰੀਕਾ ਨੇ ਆਈ.ਪੀ.ਐੱਲ. ਦੀ ਮੇਜਬਾਨੀ ਕੀਤੀ ਸੀ ਜਦਕਿ 2014 ਇਸ ਤੋਂ ਪਹਿਲੇ ਪੜਾਅ ਦੇ ਮੈਚ ਯੂ.ਏ.ਈ. 'ਚ ਖੇਡੇ ਗਏ ਸੀ।
